پارێزەران بەمەبەستی بینینی رێبەری گەلی کورد داواکارییان بەرزکردەوە
پارێزەرانی رێبەری گەلی کورد عەبدوڵا ئۆجالان و زیندانیانی دیکەی ئیمراڵی بەمەبەستی ئەنجامدانی دیدار لەگەڵ موەکیلەکانیان داواکارییان پێشکەش کرد.
سەردان بۆ پێشکەشکردنی داواکاری لەلایەن پارێزەرانی نوسینگەی یاسایی سەدە ئیبراهیم بیلمەز، رازیە ئۆزتورک، عەمران ئەکمەکچی و جەنگیز یورەکلی ئەنجامدرا.
پارێزەران بۆ ئەنجامدانی دیدار لەگەڵ موەکیلەکەیان عەبدوڵا ئۆجالان کە زیاتر لە دوو ساڵە هیچ زانیارییەک لەبارەیەوە نازانرێت، سەردانی داواکاری گشتیی کۆماری لە بورسا و بەڕێوەبەرایەتی جێبەجێکردنی سزای ئیمراڵیان کرد.
پارێزەران بە مەبەستی بینینی زیندانیانی دیکەی ئیمراڵی عومەر خەیری کۆنار، حامیلی یەڵدرم و وەیسی ئاکتاش هەمان داواکارییان پێشکەش کرد.
