شۆڕشی ( ژن ژیان ئازادی ) بە پێشەنگایەتی ژنان لە ئێران و ڕۆژهەڵاتی کوردستان زیاتر بڵێسە دەسێنێت
شۆڕشی ( ژن ژیان ئازادی ) بە پێشەنگایەتی ژنان لە ئێران و ڕۆژهەڵاتی کوردستان زیاتر بڵێسە دەسێنێت
شۆڕشی ژن ژیان ئازادی تا دێت پەرەدەسێنێت و بەردەوام دەبێت تا بەدیهێنانی ئازادی بۆ گەلانی ئێران.
لە زوربەی شارەكانی رۆژهەڵاتی کوردستان، چالاکیی شەرمەزار كردن و تاوانباركردنی دەوڵەتی كۆنەپەرستی ئێران بەردەوامە.
بەپێی ئەو زانیاریانەی لە ( هرانا ) دەستكەوتوە چالاکییەکانی شەرمەزار و تاوانباركردنی كۆماری پەت و سێدارە زیاتر لە ١٦١ شاردا بڵاوبووەتەوە. بەپێی چەند سەرچاوەیەكی هێزە بەرهەڵستكارەكانی ڕژێم ، بەلایەنی کەمەوە ٧٥٠ کەس کوژراون و ماڵپەڕێکیش ناسنامەی ٦٠١ کەسی کوژراوی بڵاوکردوەتەوە.
لە شارەكانی كوردستان چالاكیە ناڕەزایەتیەكان و هێرش كردنە سەر دەزگانی دەوڵەت بەردەوامە ،لە شاری سنەی ڕۆژهەڵاتی کوردستان گەنجان بە کۆکتێل مۆلۆتۆڤ دامەزراوەکانی پڕوپاگەندەی دەوڵەتیان سوتاند.
دەوڵەت هێزە چەکدارەکانی لە شارەكانی ڕۆژهەڵاتی كوردستان زیاتر كردوە ، لە شاری جوانرۆی ڕۆژهەڵاتی کوردستان هێزەكانی دەوڵەت تا درەنگانی شەو بە ئۆتۆمبێلی زرێپۆش بە شارەکەدا دەگەڕێن و كەسانی وڵاتپارێز لە ماڵەكانی خۆیاندا قۆڵبەست دەكەن و ڕاپێچی زیندانیان دەكەن.
فەرماندەییەکی سوپای پاسداران بە ناوی )قاسم فەتحوڵایی) فەرماندەی ناوەندی بەسیج کوژرا