تەڤگەری ئازادی هێرشە كۆمەلكوژیەكەی پاریسی شەرمەزار كرد
لە ستێرك تیڤی وەرگیراوە
تەڤگەری ئازادیی کۆمەڵگەی کوردستان ڕایدەگەیەنێت، کۆمەڵکوژییەکەی دوێنێی پاریس هەوڵێکی تری ترسنۆکانەی ناوەندە شەڕانگێزەکانی دەوڵەتی تورکیای داگیرکەرە و بە هێرش بۆ سەر هەموو گەلی کورد لەقەڵەمی دەدات، داواش لە وڵاتی فەرەنسا دەکات، بکەرانی ئاشکرابکەن و بیدەنە دادگایەکی دادپەروەرانە.
دەستەی هاوسەرۆکایەتیی تەڤگەری ئازادیی کۆمەڵگەی کوردستان لە بەیاننامەیەکدا لەبارەی کۆمەڵکوژییەکەی دوێنێی ناوەندی کەلتووریی ئەحمەد کایا لە پاریس ڕایگەیاندووە:”تەڤگەری ئازادیی کۆمەڵگەی کوردستان ئەو هێرشە شەرمەزار و ئیدانە دەکات، بە هەوڵێکی تری ترسنۆکانەی ناوەندە شەڕانگێزەکانی دەوڵەتی تورکیای داگیرکەری دەزانێت”.
ئەوەش هاتووە:”ئەنجامدانی ئەم تیرۆرە کە هاوکاتە لەگەڵ ئامادەکارییەکانی ئەو ناوەندە بۆ ساڵیادی شەهادەتی هەڤاڵ ساکینە و هەڤاڵەکانی، لە هێرشێکی شکستخواردووی سوپای داگیرکەر زیاتر هیچی تر نییە، چونکە سوپای داگیرکەر بەرانبەر گەریلاکانی ئازادی لە شکست و هەڵهاتن زیاتر هیچیان پێ ناکرێت، بۆ پەنا دەبەنە بەر ئەم جۆرە تیرۆرانە بەرانبەر خەڵکی مەدەنی و هونەرمەندان”.