پاژك: بەپتەوكردن و گوڕكردنی تێكۆشان خاوەنداری لە ناگەهان بكەین

تشرینی یه‌كه‌م 5, 2022

322

لە فورات نیوزەوە وەرگیراوە

دەستەبەڕێوەبەریی پاژك تیرۆركردنی ئەندامی ناوەندی لێكۆڵینەوەی ژنۆلۆژی ناگەهان ئاكارسەل-ی شەرمەزار كرد و رایگەیاند؛ ئێمە بێدەنگ نابین، ناگەهانیش بێدەنگ نامێنێت. لەهەموو شوێنێك گۆڕ بەتێكۆشان بدەین و خاوەنداری لەو هەڤاڵانەمان بكەین.

لەسەر تیرۆركردنی ئەندامی ناوەندی لێكۆڵینەوەی ژنۆلۆژی ناگەهان ئاكارسەل لەشاری سلێمانی لەباشوری كوردستان دەستەی بەڕێوەبەریی “پارتی ئازادیی ژنانی كوردستان – پاژك” راگەیەندراوێكی بڵاوكردەوە.

لەراگەیەندراوەكەی پاژكدا هاتووە؛ ناگەهان ئاكارسەل بەو ئیش و كارانەی لە ئاكادیمیای ژنۆلۆژی، گۆڤار و …هتد، بەتایبەتی بەپرۆژەی پەرتووکخانەی ژنان لەشاری سلێمانی نرخ و بەهایەكی گرنگی لەتێكۆشانی ئازادیی ژنانی ئازاددا ئافراندوە.

ناگەهان ئاكارسەل شەهیدی شۆڕشی ژنە. ئاكادیمسینێكی كورد و هێژا و بەنرخ بوو، نوسراوەكانیمان دەبینی و دەخوێندەوە. خۆشەویست و بەهێز بوو بەو كار و بیركردنەوانەی هاوكارییەكی بەهێزبوو لەپێشكەوتنی مێشكی ژنان. تیرۆركردنی هەڤاڵمان ناگەهان ئاكارسەل بۆ ئێمەی دەرد و ژانێكی گەورەیە. بەرێز و حۆرمەتەوە بەرامبەر بە بیرەوەریەكانی و رەنج و ماندووبوونەكانی سەرمان لەئاستی بەرزیدا نەوی دەكەین.

پاژك هاوكات ئەوەشی ووتووە؛ بەفەرمان و دەستوری دەسەڵاتداری ئاكەپە و بە رێگەی تۆڕە نووستووەكانیان لەباشوری كوردستان، هێرشێكی چەكدارانە و نامرۆڤانە و ترسنۆكانەیان پێكهێنا و ئێمەش ئەو هێرشە شەرمەزار دەكەین. ئەو هێرشە بەئانجێكی سیاسی پێكهاتووە و بۆ ژنانیش هۆكارێكە بۆ راپەڕین و سەرهەڵدان. هۆكاری یەكەمینیش ئەوەیە، كە گەلی كورد و رای گشتی دیموكراتیك و بزوتنەوەی ژنان لێپرسینەوە لە فاشیزمی ئاكەپە، لە سیاسەتی تاكانەخوازی و لەناوبردن بکەن. هۆكاری لێپرسینەوەیە لەسیستەمی پیاوسالاریی باڵادەست. هۆكاری بەدەستخستن و خۆپاراستنە.

لەبەشێكی تری راگەیەندراوەكەی پاژكدا هاتووە؛ بۆ ئەوەی ئەم كردەوەی تیرۆری سیاسییە وەكو تیرۆر و هێرشەكانی تر لەباشوری كوردستان وون نەكرێت، ئەرك و بەرپرسیارێتی لەئەستۆی ئێمەی ژنانی باشوری كوردستان و هاوبەشی حكومەتی باشوری كوردستان “یەنەكە”یە. چونكە هێرشەکە بەتایبەتی لەشاری سلێمانی پێكهاتووە، ئەرك و بەپرسیاریەتی ئەساسی لەئەستۆی بەرێوەبەرایەتی یەكێتی نیشتیمانی كوردستان”یەنەكە”یە.

بانگەوازی دەكەین لەهەموو شوێنێك لەبەرامبەر بەفاشیزم راپەڕن

لەبەشێكی تری راگەیەندراوەكەی پاژكدا هاتووە؛ ئەم هێرشە لەدژی هەموو وڵاتپارێزان، ئاكادیمسین و ئەوانەی لەپێناو ئازادی و دیموكراسی تێدەكۆشن، سیاسەتمەدار، رۆشنبیر و شۆڕشگێڕانە و لەدژی هەموو لایەكە. دەوڵەتی تورك بەتیرۆری ئاكادیمسینی كورد و نوسەری ژنان ناگەهان ئاكارسەل، دەیەوێت تۆڵە لەژنانی كوردی بەئیرادەی”ژن، ژیان، ئازادی” و ئەو ژنانە بکاتەوە، كە پێشەنگایەتی ئازادی و وەرچەرخانی دیموكراسی دەكەن. لەپێش هەموویانەوە ژنانی باشوری كوردستان بۆ گەلەكەمان لەدژی تەسلیمگرتن، ئینكار و لەناوچوونی دەوڵەتی تورك سەریان نەوی نەكردوە، تەسلیم نەبوونە و بڕیاری خۆیان لەسەر رێگەی تێكۆشانی شکۆمەندانە و سەربەزری سەریان داوە. ئەو شکۆمەندییە، كە بەسایەی ژنانەوە بەرز بووەتەوە، شکۆی گەلی كوردە. پاراستنی ئەو شکۆیە بۆ وڵاتپارێزانی كورد، رێبازی ژیانە.

پاژك دەڵێت؛ كاتی هاتووە، كە ئێدی دەوڵەتی تورك و رێكخستنە ئاشكرا و نەهێنیەكان لەباشوری كوردستان دەربكرێن. بەرخۆدانی گەریلا لەچیاكان ناوی ئەم تێكۆشانە شکۆمەندانەیە. لەشارەكانیش بە بایكۆت “مانگرتن” و چالاكی هەموو شتێكی دەوڵەتی تورك دەبێت فڕە بدرێن و ئەمەش بۆ گەلەكەمان لەباشوری كوردستان هەڵوێستێكی شکۆمەندانە و نەتەوەییە.

لەپێش گەلەكەمان لەباشوری كوردستان دوو رێگە هەیە. یا ئەوەتە بەشێوەیەكی شکۆمەندانە و پەیوەست بەنرخە نەتەوەیەكانی و بە ئازادی بژی و خاوەنداری لەشۆناس و ئیرادەی خۆی دەركەوێـت، یا ئەوەتە ببێتە كوێلەی ئاكەپە و ببێتە گۆڕەپانی تیرۆری وەحشیانەی ئاكەپە. وەكو نموونەی ئەوەی كە هەڤاڵمان ناگەهان ئاكارسەل دیار دەبێت و هەركەس دەزانێت.

باشور لەهەرێمێكی كوردی دوردەخرێتەوە. كەوتووەتە سەر رێگەی ئەنكەرە و دەوڵەتی تورك. بۆ ئەوەی پێش بەمە بگرن، بانگەوازی لەگەلەكەمان لەباشوری كوردستان دەكەین كە بەپێشەنگایەتی ژنان بەشداری رێپێوانی بەنرخ و شکۆمەندانەی نەتەوەیی ببن. لەدژی دۆژمنی كوردان و ژنان، بانگەوازی لەگەلی كورد بەگشتی دەكەین بەیەكدەنگی لەهەرشوێنێك لەدژی فاشیزم راپەڕن.

پارتی ئازادیی ژنانی كوردستان لەبەشێكی تری راگەیەندراوەكەیدا ئاماژە بەرۆڵی پەدەكەش دەكات و دەڵێت:”لە تیرۆر كردنی ناگەهان ئاكارسەل پەدەكە بەرپرسیارە و بەهاوكاریی دەوڵەتی تورك لەسەر دۆژمنایەتیی لە بەرامبەر كوردان، رێبازی خیانەتی كردووەتە بازنەی مردنی كوردان. هاوكات لەبەرامبەر تیرۆری ناگەهان ئاكارسەل بەرێوەبەری و سیاسەتی یەنەكەش بەرپرسیارە، كە لەبەرامبەر گۆشارەكانی تەسلیمگرتن و تاوانکاری و جینایەتەكانی ئاكەپەی فاشیست لەسلێمانی، هەڵوێستێك نیشان نادات.

دەوڵەتی عێراقیش بەرپرسیارە، كە لەبەرامبەر بەهێرشی ئاسمانی دەوڵەتی توركی فاشیست لە سەر عێراق و باشوری كوردستان ئیرادەیەكی نیشان نادات. هەروەها لەبەرامبەر كۆشتنی وڵاتپارێزانی كورد، ویلایەتە یەكگرتووەكانی ئەمریكاش بەرپرسیارە، كە هاوكاریی دەسەڵاتداریەتی ئاكەپە ـ مەهەپەن. بەرێككەوتن و هاوكاری یەكتر بەرێوە دەچن. رێگەیان بەرامبەر بە پاکتاوكردنی پێشەنگانی تێكۆشانی ئازادی كردووەتەوە و سیاسەتی لەناوبردنی شەڕڤانانی ئازادی لەپێش هەموویانەوە لەباشوری كوردستان و هەموو بەشەكانی تری كوردستان بەرێوە دەبەن.

ژیناكان و ناگەهانەكان بێدەنگ نابن

ژیناكان و ناگەهانەكان بێدەنگ نابن. لەهەموو شوێنێك تێكۆشان بەگۆڕتر و بەهێزتر بكەین و لەنێو تێكۆشانی خۆماندا خاوەنداری لەژیناكان و ناگەهانەكان بكەین. تێكۆشانی ئازادیی ژنان بەكۆمەڵكۆژی لەناو ناچێت، بەڵام دەسەڵاتداریی ئاكەپە ـ مەهەپە لەناو دەچێت.

ئاكەپەی فاشیست لەهەموو شوێنێك گۆشارێكی زۆر دەكات، بە ئەشكەنجە، كوشتن، كۆمەڵكۆژی و سیاسەتی هەڕەشەكردن و بەكارهێنانی چەكی كیمیایی و بەهێرشی سەربازی رادەستبوون لەسەر كوردستان و ژنان دەسەپێنێت. رۆژی خاوەنداریكردنە لەئازادی و پاراستنی شکۆ و كەرامەتە. رۆژی لێپرسینەوەیە لەو كۆشتن و كۆمەڵكۆژییانەی ئاكەپەی فاشیستە. بانگەوازمان بۆ لەگەلەكەمان ئەوەیە، لە هەموو شوێنێك بە لێپرسینەوەی بەهێز لە دژومن و فاشیزم هەڵسوكەوت بكەن”.

دەرچە میدیا

Top Menu

Main Menu

پاژك: بەپتەوكردن و گوڕكردنی تێكۆشان خاوەنداری لە ناگەهان بكەین

دەرچە

دەرچە میدیا

Top Menu

Main Menu

پاژك: بەپتەوكردن و گوڕكردنی تێكۆشان خاوەنداری لە ناگەهان بكەین

بابەتی پەیوەندیدار

بابەتی پەیوەندیدار