پەکەکە لە پەیامێكدا ١٤ی تەمووز ‘ڕۆژی شکۆی نەتەوەیی’ پیرۆزکرد

ته‌مموز 11, 2022

203

کۆمیتەی بەڕێوەبەری پەکەکە لەبارەی ٤٠هەمین سالیادی بەرخودانی گەورەی رۆژی مردن ١٤ی تەمووزی ١٩٨٢ پەیامێکی بڵاوکردەوە.

پەیامەکە لەسەر ماڵپەڕی پەکەکە بڵاوکراوەتەوە لە پەیامەکەدا هاتووە: “ئێمە ١٤ی تەمووز، کە بووەتە ڕۆژی دژ بە هەموو جۆرە کۆیلەیەتی و خیانەت و خۆبەدەستەوەدان، بڕیاری ژیانی ئازادی تیادا دراوە، بە ‘ڕۆژی شکۆی نەتەوەیی’ ڕادەگەیەنین. لە پەیامەکەدا باس لەوە کردوە، کە لە ساڵی ٢٠٢٢دا هێندەی مەترسییەکانیش دەرفەتی زۆریش هەیە و ڕایگەیاندووە، “لە ٤١هەمین ساڵ دا لەسەر هێڵی ١٤ی تەمووز بە بەهێزی بەرخودان و بەرەنگاری دەکەین و بە دڵنیاییەوە سەردەکەون.

لە پەیامەکەدا هاتووە:

“ئێمە تەڤگەری ئازادیی کوردستان و گەلی کورد لە ٤٠هەمین ساڵیادی بەرخۆدانی ڕۆژووی مردنی گەورەی ١٤ی تەمووزی ١٩٨٢ی سەرکەوتوداین. ئێمە لە ١٤ی تەمووز، کە بووە بە ڕۆژی وەستانەوە لە دژی هەموو جۆرە کۆیلەیەتی و خیانەت و خۆبەدەستەوەدانێک، بڕیاری ژیانی ئازادی تیادا دراوە، بە “ڕۆژی شکۆی نەتەوەیی” ڕادەگەیەنین. لەسەر ئەم بنەمایە لە ڕێبەر ئاپۆ لە پێش هەمووانەوە یادی ‘ڕۆژی شکۆی نەتەوەیی’ لە هەموو هەڤاڵان، گەلەکەمان و دۆستانمان پیرۆز دەکەین. لە ساڵی ٤١هەمینی بەرخودانی ١٤ی تەمووز هیوای سەرکەوتن دەخوازین. ئێمە ئەو بزووتنەوە و گەل محەمەد خەیری دورمووش، کەمال پیر، عەلی چیچەک و عاکیف یڵمازمان لەبیرە، کە ئەم شکۆ و شەرەفەیان پێشکەش کردین و دایانە ژیانکرد، بە ڕێز و خۆشەویستییەوە یادیان دەکەینەوە. ئێمە بەڵێنی خۆمان دووپات دەکەینەوە، کە ئامانجەکانیان سەردەخەین و لەگەڵ یاد و بیریاندا دەژین و یاد و بیریان بە زیندویی ڕادەگرین.

وەک دەزانرێت هەموو بەهاکان لە کوردستان، کە بە ناوی ئازادییەوە لەم چل ساڵەدا بەدەستهاتوون و ئافرێنراون، لەسەر بنەما و بە پشتبەستن بە بەرخۆدانی گەورەی زیندان لە ساڵی ١٩٨٢دا بەدەستهاتوون. لە نەورۆزی ١٩٨٢دا بەرخۆدانی زیندان لەلایەن مەزڵوم دۆغانەوە دەستی پێکرد و لە ١٧ی ئایاردا لەلایەن چوار شۆڕشگێڕەوە پەرەی سەند و لە ١٤ی تەمووزدا بەرخودانی گەورەی ڕۆژووی مردن سەرکەوتنێکی ئایدیۆلۆژییان بەم بەرخۆدانە بەخشی. لە دژی ڕژێمی فاشیست و سەربازی ١٢ی ئەیلولی ١٩٨٠ لە زیندانی ئامەد بڕیاری بەرەنگاربوونەوەی بەرخۆدانی گەورە بۆ ئازادی و دیموکراسی دەدرێت. پاشان ئەم بڕیارە مێژووییە لە چیا و شارەکان و دەرەوەی وڵات وەک بەرخۆدانی گەریلا و گەل کاری پێکرا و بەڕێوەبرا.

ئەم بەرخودانە بووەتە بناغەی هەموو کار و تێکۆشانەکان

ڕێبەر ئاپۆ لەوبارەیەوە وتی: “ئێمە لەسەر بەڵێنەکەی خۆمان بۆ ماهیر، دەنیز و ئیبراهیم کۆبووینەوە، لەسەر بەڵێنی خۆمان بۆ حەقی پەکەکەمان پێکهێنا، بە بەڵێنمان بە مەزڵوم گەڕاینەوە وڵات و لەسەر بەڵێنی خۆمان بۆ بەرخۆدانی ١٤ی تەمووز هەڵمەتی گەریلامان لە ١٥ی تەباخی ١٩٨٤دا دەستپێکرد. هەر خۆی بنەمای هەموو ئەو شتانە، کە لە چوارچێوەی هەڵمەتی گەریلایی ١٥ی ئابدا ئەنجامدراون بۆ بەرخودانی ڕۆژووی مردنی گەورەی ١٤ی تەمووز دەگەڕێتەوە. لە کوردستان هەموو شتێک بە ناوی ئازادییەوە بە تێکۆشانێک لەسەر بنەمای ئەم بڕیارە مێژووییە بە دەستهاتووە.

بە گشتی بەرخۆدانی گەورەی زیندان لە ساڵی ١٩٨٢ بە تایبەتی چالاکیی ڕۆژووی مردنی ١٤ی تەمووز هێڵ و شێوازی تێکۆشانی ئازادیی کوردستانی دیاریکرد. ئەم پەیوەندی و پەیوەستبوونە بە ئازادیی وڵات و گەلەوە، باوەڕی مەزن بە واقیع و ڕاستیی ڕێبەر ئاپۆ، بوێری و ئازایەتی، فیداکاریی گەورە، بەرپرسیارێتیی قووڵ و ئەرکی مێژوو بووە بە تایبەتمەندیی سەرەکی ئەم هێڵە. محەمەد خەیری دورموش، وتبوی: ‘با لەسەر کێلی گۆڕەکەم بنووسن، ئەوە قەرزدارە’، کەمال پیریش وتبوی “من لەم بزووتنەوەیەدا سەرکەوتن دەبینم’. ئەو ڕاستییەی دیاری کرد. ئەم هێڵە شۆڕشگێڕە ڕاست و نیشتمانپەروەرە ماوەی ٤٠ ساڵە گەلی کوردی پەروەردە دەکات و گەلی کوردی هێناوەتەوە سەر خۆی و رێکیخستووە، خستوویەتییە ناو تێکۆشان و چالاکییەوە. ئەو شتانە بوونەتە هۆی ئەوە، کە مرۆڤ چۆن لە بەرامبەر سیاسەت و تێڕوانینی فاشیستی و داگیرکاری و پاکتاوکارانە خۆڕاگری بکەن و سەربکەون.

گەریلاکانی ئازادی هێڵی ١٤ی تەمووز بۆ خۆیان بە بنەما دەزانن

بزووتنەوەکەمان و گەل ئەمڕۆ لەسەر هێڵی ١٤ی تەمووزدا بەرخۆدان دەکەن و سەردەکەون. گەریلاکانی ئازادیی کوردستان، کە ماوەی سێ مانگە گەورەترین و مانادارترین بەرخۆدانی مێژوویی لە زاپ و ئاڤاشین و مەتینا ئەنجام دەدەن، ئەو بەرخودانە لەسەر هێڵی ڕۆژووی مردنی گەورەی ١٤ی تەمووز پێکدێت، کە بۆ خۆی کردووەتە بنەما. ئەگەر مرۆڤ سەرنج بدات، لەبەر ئەوە لەسەر هێڵی ١٤ی تەمووز لە هەموو شوێنێک و لە هەموو هەلومەرجێکدا گورزی مەرگ و کەمەر شکێن لە فاشیزمی ئاکەپە و مەهەپە دەدرێت و بەم شێوەیە سەرکەوتن بەدەست دێت. لەسەر ئەم بنەمایە زاپ و ئاڤاشین و مەتینا و کوردستان بە گشتی بۆ فاشیزمی ئاکەپە و مەهەپە، بۆ سیاسەت و تێگەیشتنی فاشیستیانە بووەتە گۆڕستان، ئەو هێزەیە کە تێکناشکێت و گەلی کورد و گەریلاکانی ئازادی بۆ هەموانیان سەلماندووە، گەورەترین و مانادارترین داستانی قارەمانانەی گەلی کورد و مرۆڤایەتی دەنووسن و تۆمار دەکەن.

له‌سه‌ر ئه‌و بنه‌مایه‌ جاریكی تر سڵاو ده‌نێرین بۆ گه‌ریلاكانی هه‌په‌گه‌ و یه‌ژه‌ئاستار كه‌ به‌تایبه‌تی له‌ زاپ، ئاڤاشین و مه‌تینا و به‌ گشتی له‌ هه‌موو كوردستان شه‌ڕی ئازادی هه‌ره‌ به‌واتای مێژوویی به‌ڕێوه‌ده‌به‌ن و به‌ هۆی سه‌ركه‌وتنی ئه‌وان له‌سه‌ر هێڵی 14ی ته‌مموز له‌ دڵ و گیانه‌وه‌ پیرۆزباییان پێده‌ڵێین. ئێمه‌ هه‌موو شه‌هیدانی قاره‌مانی ئه‌و به‌رخودانه‌ پیرۆزه‌ به‌ رێز، پێزانین و خۆشه‌ویستییه‌وه‌ به‌ بیرده‌هێنینه‌وه‌. به‌ تایبه‌تی هێزی فه‌رمانده‌ و شه‌ڕڤانانی یه‌ژه‌ئاستار كه‌ وه‌ك شمشێری تیژی ئازادی پێشه‌نگایه‌تی له‌ به‌رخودان له‌ هه‌موو گۆڕه‌پانێك ده‌كه‌ن، له‌ دژوارترین دۆخدا سه‌ركه‌وتنی گه‌وره‌ به‌ده‌ستده‌هێنن و مزگێنی سه‌رفرازی شۆڕشی ئازادی ژنان ده‌به‌خشن، سڵاویان لێده‌كه‌ین و سه‌ركه‌وتنیان بۆ ده‌خوازین.

گه‌لی وڵاتپارێز و دۆستانی شۆڕشگێڕ و دیموكراتمان له‌ هه‌ر چوار پارچه‌ی كوردستان و له‌ ده‌ره‌وه‌ی كوردستان به‌رخودانی مه‌زن به‌ڕێوه‌ده‌به‌ن، له‌سه‌ر هێڵی به‌رخودانی ١٤ی ته‌مموز تێده‌كۆشن و سه‌رده‌كه‌ون. به‌رخودانی مێژوویی كه‌ مه‌زڵوم، كه‌مال، خه‌یری و سه‌كینه‌كان چل ساڵ به‌ر له‌ ئێستا له‌ زیندانی ئامه‌د كردیان، ئه‌مڕۆ بۆ ژنان، گه‌نجان و گه‌لانی ره‌نجده‌ر كه‌ له‌ هه‌موو گۆڕه‌پانێكدا تێده‌كۆشن ده‌بێته‌ سه‌رچاوه‌ی ئیلهام و كاریگه‌ری. له‌سه‌ر ئه‌و بنه‌مایه‌ هه‌ڵمه‌تی كات كاتی ئازادی ئێمه‌ له‌ پێناو ئازادی جه‌سته‌یی رێبه‌ر عه‌بدوڵا ئۆجالان ده‌ستیپێكراوه‌، رۆژ له‌ دوای رۆژ گه‌شتر ده‌بێت. له‌به‌ر ئه‌و هه‌ڵوێسته‌ روون و تێكۆشه‌رانه‌ی ئه‌وان، ژنان و گه‌نجان به‌ تایبه‌تی و هه‌موو گه‌له‌كه‌ وڵاتپارێزه‌كه‌مان و دۆستانی شۆڕشگێڕ دیموكراتمان سڵاو ده‌كه‌ین و هه‌موو كات سه‌ركه‌وتنی گه‌وره‌یان بۆ ده‌خوازین.

له‌ ساڵی ٤١ هه‌مینیشدا ئێمه‌ له‌سه‌ر هێڵی ١٤ی ته‌مموز به‌ به‌هێزی خۆڕاگری ده‌كه‌ین و سه‌رده‌كه‌وین

بزوتنه‌وه‌كه‌مان و گه‌له‌كه‌مان ساڵی ٤١ هه‌مینی به‌رخودانی رۆژووی گه‌وره‌ی مه‌رگی ١٤ی ته‌مموز به‌م جۆره‌ پێشوازی ده‌كه‌ن. ئێمه‌ رایده‌گه‌یه‌نین كه‌ له‌ ٤١ هه‌مین ساڵیشدا ئێمه‌ له‌سه‌ر هێڵی ١٤ی ته‌مموز به‌ به‌هێزی خۆڕاگری ده‌كه‌ین و سه‌رده‌كه‌وین. زۆر روونه‌ كه‌ ئێمه‌ كه‌وتووینه‌ته‌ ساڵێكی به‌و جۆره‌ كه‌ دیكتاتۆری فاشیستی ئاكه‌په‌ و مه‌هه‌په‌ هه‌ڵده‌وه‌شێت و له‌ مێژوودا ده‌كه‌وێت ژێر زه‌وی. ئێمه‌ باش ده‌یبینین كه‌ له‌م ساڵه‌دا هێنده‌ی مه‌ترسی هه‌یه‌ ده‌رفه‌تیش هه‌یه‌. ئێمه‌ راده‌گه‌یه‌نین كه‌ ده‌رفه‌ته‌كان باش به‌كارده‌هێنین، به‌ر به‌ مه‌ترسییه‌كان ده‌گرین، هه‌موو هێزه‌كانی ناتۆ و وڵاتانی تر وشیار ده‌كه‌ینه‌وه‌ كه‌ پشتگیری فاشیزمی ئاكه‌په‌ و مه‌هه‌په‌ نه‌كه‌ن كه‌ له‌ به‌رده‌م رووخاندایه‌ و نه‌بنه‌ هاوبه‌شی قڕكردنی كوردان. ئێمه‌ رایده‌گه‌یه‌نین كه‌ به‌ تایبه‌تی په‌ده‌كه‌ پێویسته‌ كوردانی هاوكاری داگیركه‌ران نه‌بنه‌ كه‌رسته‌ی هێرشه‌ قڕكاری و فاشیستیه‌كانی ئاكه‌په‌ و مه‌هه‌په‌. له‌به‌ر ئه‌وه‌ی ئه‌و هێزانه‌ هه‌ر چییه‌كیش بكه‌ن فاشیزمی ئاكه‌په‌ و مه‌هه‌په‌ ده‌ڕوخێت و ئه‌وان له‌ ژێر داروپه‌ردووی ئه‌و وێرانه‌دا ده‌مێننه‌وه‌.

له‌ماوه‌ی رابردوودا هه‌ندێك لایه‌نی باڵاده‌ست له‌ توركیا، له‌ باره‌ی دۆخ له‌ ئیمراڵی و رێبه‌ر عه‌بدوڵا ئۆجالان گریمانه‌ی جیاجیا باس ده‌كه‌ن. ئێمه‌ به‌ وریایی و توڕه‌یه‌كی زۆره‌وه‌ هه‌موو ئه‌وانه‌ چاودێری ده‌كه‌ین. لایه‌نێكی ئه‌و دۆخه‌ ئه‌وه‌یه‌ كه‌ خاوه‌نی ئه‌و قسه‌وباس و گریمانانه‌ چه‌نده‌ پێویستیان به‌ راستی رێبه‌ر ئاپۆ هه‌یه‌. ئه‌و لایه‌نانه‌ ئه‌وه‌نده‌ لاواز بوون كه‌ هیوای خۆیان به‌وه‌ به‌ستووه‌ته‌وه‌ كه‌ گوایه‌ بزوتنه‌وه‌ی ئازادی كوردستان پارچه‌پارچه‌ ده‌بێت. ئه‌وانه‌ چه‌نده‌ راستیش بن ئێمه‌ ئه‌و قسه‌ و قسه‌ڵۆكانه‌ وه‌ك قوڵبوونه‌وه‌ی گوشار و شانتاژ له‌سه‌ر رێبه‌ر ئاپۆ تێده‌گه‌ین. له‌سه‌ر ئه‌و بنه‌مایه‌ ئێمه‌ داوا له‌ هه‌موو گه‌لی خۆمان و دۆستانمان ده‌كه‌ین كه‌ با تێكۆشان له‌ به‌رامبه‌ر سیستمی ئه‌شكه‌نجه‌ و گۆشه‌گیری ئیمراڵی گه‌شتر بكه‌ن.

دیاره‌ ئه‌گه‌ر قۆناغی رووخانی ئه‌وان به‌ خێرایی رووبدات، فاشیزمی ئاكه‌په‌ و مه‌هه‌په‌ به‌ هۆی ترس له‌ گیانی خۆی گوشار، تیرۆر، كۆمه‌ڵكوژی و هێرشی داگیركاری زیاتر ده‌كات. هه‌رێمه‌كانی پاراستنی مێدیا له‌ پێشه‌وه‌ هێرشه‌كانی بۆ سه‌ر مه‌خمور، شه‌نگال و رۆژئاوا زیاتر ده‌كات. به‌ تایبه‌تی ئه‌گه‌ری هه‌یه‌ له‌سه‌ر باكور و رۆژهه‌ڵاتی سوریاش هه‌ندێك هێرشی داگیركاری بكات. له‌به‌رامبه‌ر ئه‌و شتانه‌دا ئێمه‌ رایده‌گه‌یه‌نین كه‌ ده‌بێت گه‌له‌كه‌مان و هێزه‌كانی ئازادی له‌ هه‌موو گۆڕه‌پانێك رێوشوێنی زیاتر وه‌ربگرن و له‌ به‌رامبه‌ر دوژمنی فاشیستی پاكتاوكه‌ر تێكۆشان به‌هێزتر بكه‌ن. ئێمه‌ له‌و بڕوایه‌داین كه‌ گه‌ل و هێزه‌كانی ئازادی له‌ باكور و رۆژهه‌ڵاتی سوریا له‌ به‌رامبه‌ر هێرشی نوێی داگیركه‌ر به‌رخودانی سه‌ركه‌وتووانه‌ به‌ڕێوه‌ببه‌ن و به‌ر به‌ دوژمن بگرن و ئێمه‌ ده‌مانه‌وێت ئه‌وه‌ رابگه‌یه‌نین كه‌ گه‌له‌كه‌مان و دۆستانی دیموكراتمان له‌ هه‌ر چوار پارچه‌ی كوردستان و ده‌ره‌وه‌ی وڵاتیش پشتگیری له‌و به‌رخودانه‌ ده‌ده‌ن.

له‌سه‌ر ئه‌و بنه‌مایه‌ ئێمه‌ ‘رۆژی شكۆی نه‌ته‌وه‌یی‘ پیرۆز ده‌كه‌ین، ئافرینه‌رانی ئه‌و رۆژه‌ مێژووییه‌ به‌ رێز و شكۆوه‌ به‌ بیرده‌هێنه‌وه‌، ژنان و گه‌نجان به‌ تایبه‌تی ئێمه‌ داوا له‌ گه‌لی وڵاتپارێز و دۆستانی دیموكراتمان ده‌كه‌ین با هێڵی به‌رخودانی ١٤ی ته‌مموز باش و راست درك پێبكه‌ن و له‌سه‌ر ئه‌و هێڵه‌ تێكۆشانی روخاندنی فاشیزمی ئاكه‌په‌ و مه‌هه‌په‌ له‌ هه‌موو گۆڕه‌پانێك گه‌شتر بكه‌ن”.

دەرچە میدیا

Top Menu

Main Menu

پەکەکە لە پەیامێكدا ١٤ی تەمووز ‘ڕۆژی شکۆی نەتەوەیی’ پیرۆزکرد

دەرچە

دەرچە میدیا

Top Menu

Main Menu

پەکەکە لە پەیامێكدا ١٤ی تەمووز ‘ڕۆژی شکۆی نەتەوەیی’ پیرۆزکرد

لە پەیامەکەدا هاتووە:

بابەتی پەیوەندیدار

بابەتی پەیوەندیدار