ئەمڕۆ یەك سال تێپەڕ دەبێت بەسەر تەمەنی دەرچە میدیادا
ئەمڕۆ یەشەممە، ٣ تەموزی ٢٠٢٢، یەك ساڵ تێپەڕ ئەبێت بەسەر تەمەنی دەرچە میدیادا لە كاریی میدیای كوردیدا، بۆ ئەو مەبەستە پیرۆزبایی لە گەلی وڵاتپارێزی كورد و تەواوی ئازادیخوازان لە جیهان دەكەین.
ئێمە دەزانین كەموكوڕیەكی زۆرمان هەبووە بەڵام ڕاستگۆیانە و زۆر وڵاتپارێزانە لەخزمەت گەلی خۆماندا بەو تواناكەمەی هەبووە هەواڵەكەنمان ڕاگەیاندوە و بڵاومان كردۆتەوە.
بۆیە دەرچە میدیا داوا لە نووسەران و ڕووناك بیران دەكات بە نوسینە وڵاتپارێزیەكانیان كە خاوەنداری لە دۆزی ڕەوای نەتەوەیمان دەكات هاوكاریمان بكەن، لە هەمان كاتدا داوا لە گەلی خۆمان ئەكەین لە ئازادیخوازان و خەمخۆرانی وڵات لە هەر دەنگوباسێك و هەواڵێكی بەپەلە ئاگادارمان بكەنەوە و ببنە هێز و توانا بۆ دەرچە میدیا.
گەلی خۆمان ئاگادار دەكەینە كە لە فەیس بووكدا زۆر ڕێگریمان لێدەكەن و هەمیشە سزامان دەدەن و ئەو دەزگایە كە لەخزمەتی داگیركەران و خیانەتكاراندایە ناهێڵێت پۆستەكانمان بە ئێوەی خەمخۆزی ئازادی و وڵاتپارێز بگات، بۆیە داواتان لێدەكەین بەشداریمان بكەن و لەڕێگەی پڕۆفایلەكەمانەوە پۆستەكانمان لایك و شەیر و كۆمێنتی بكەن.
بەهیوای لە ساڵی ئەمساڵماندا بە هاوكاری ئێوەی وڵاتپارێز و خەمخۆری ئازادی بتوانین بە گوڕو تینێكی ترەوە بكەوینە خزمەت میدیای كو ردی و لاوازی و كەماسیەكانمان كەم بكەینەوە.
سەركەوتن سەركەوتن
دەرچە میدیا
٣ تەموزی ٢٠٢٢