دەستەی بەڕێوەبەرایەتی كۆمەڵەی كەلتوری كورد لە شاری لیدزی بەریتانیا دامەزرا
ئەمڕۆ، ڕۆژی یەك شەممە، ڕێكەوتی ٢٦ حوزەیرانی ٢٠٢٢ ژمارەیەك ماڵباتی وڵاتپارێز لە شاری لیدز كۆبونەوەیەكیان بەڕێوەبرد بە مەبەستی دامەزراندنی كۆمەڵەیەكی جڤاكی و كەلتوری كوردی لەو شارە.
ئەو ماڵباتە وڵاتپارێزانە لە شاری لیدز داوایان لە كۆمسێۆنی لیدزی كەجەدەكە-باشور كرد كە ڕەوەندی كوردی پێویستی بە كۆمەڵەیەك هەیە بۆ ڕاپەڕاندنی پێویستیەكانی ئەو ماڵباتە كوردانە لە بوارەكانی كەلتوری، كۆمەڵایەتی و ژیانی و چەندین بواری تردا بە تایبەتی كاروباری فەرمی لە دەزگاكانی دەوڵەتدا و كۆمەكردنیان.
كۆمسێۆنی لیدز پاش گفتوگۆیەكی چڕ و پڕ لەگەڵ ئەو ماڵباتانەدا بڕیاریاندا كۆبونەوەیەك بۆ ئەو مەبەستە بەڕێوەبەرێت، ئەمڕۆ ئەو كۆبونەوەیە سەركەوتوانە ئەنجامدرا.
لە كۆبونەوەكەدا دەستەیەكی بەڕێوەبەرایەتی پێكهات بۆ ڕاپەڕاندنی پێویستیەكانی كۆمەڵەیەكی كەلتوری كوردی.