كۆمەڵكوژی هەولێری ١٦ ئابی ١٩٩٧تاوانێكی نەتەوەییە، هەرگیز لە بیر ناكرێت
٢٥ ساڵ لەمەوبەر لەڕۆژێكی وەك ئەمڕۆدا، ١٦ ئابی ساڵی ١٩٩٧ پەدەكە كۆمەڵكوژیەكی قێزەونی دەرهەق بە گەلی خۆی لە شاری هەولێری باشوری كوردستان ئەنجامدا.
هێزەکانی پەدەکە و میت، لەیەک کاتتدا هێرش دەکەنە سەر بارەگاکانی یەکێتی نەتەوەیی دیموکراتی کوردستان، مەڵبەندی ڕۆشنبیریی میزۆپۆتامیا، یەکێتی ئازادیی ژنانی کوردستان، نەخۆشخانەی گەریلا بریندارەکانی مانگی سووری کورد، ڕۆژنامەی وڵات و ڕۆژنامەی وەتەن شەمس، لەم كۆمەلكوژیە دڕندانەی دەسەڵاتدارانی ماڵی بەرزانی ٨٣ كەس كۆمەڵكوژ كران كە زۆریان چالاكوانی سیاسی و ڕۆژنامەنوس و هونەرمەند و ئازادیخوازان و گەریلای برینداری شەڕی داگیركەری بوون. هێشتا چارەنوسی قوربانیەکانی نادیارە و نازانرێت ئەو شەهیدانە لە چ شوێنێكدا بە گۆڕسپێراون یاخود شاردراونەتەوە، حکومەت و پەرلەمانی هەرێمی کوردستانیش لە ئاستی ئەو تاوانە خۆیان بێدەنگ کردوە
پەدەكە پڕۆژەیەكی داگیركاری و سەرمایەداری جیهانیە كە پێشەنگایەتی هێڵی خیانەت دەكات، ئەو پارتە لەگەڵ دامەزراندنیەوە كە ماڵی بارزانی دەسەڵاتدار و بڕیاردەریەتی، دروست بووە بۆ تێكشكاندن و لە ناوبردنی كوردی ئازادو وڵاتپارێز. پەدەكە و ماڵە بەرزانی دریژە پێدەری هێڵی خیانەتن، كە ڕیشەیەكی مێژوویی هەیە و مێژوەكەی دەگەڕێتەوە بۆ سەرەتای بونیادنانی سیستەمی دەسەڵاتداری، كە لە كەسایەتی ئەنكیدۆ و هارپاگ و چەندین دەستە و گروپی تر خۆی دەنوێنێت و درێژە بە هێڵی خیانەتكاری دەدەن، ئەمڕۆش ماڵی بارزانی درێژە پێدەری هەمان هێڵن و بوونەتە ئەنكیدۆ هارپاگی سەردەم و لەشكری توركیای پەلكێش كردوە بۆ داگیركردنی باشوری كوردستان و هێرشێكی دڕندانەیان كردۆتە سەر هەرێمەكانی گەریلاكانی ئازادی كوردستان.
ڕۆحی شەهیدانی ١٦ ئابی ١٩٩٧ لە هەولێر و سەرجەم شەهیدانی ڕێگەی ئازادی بەرز و شكۆدار ڕادەگرین و ڕێگایان بەردەوام دەكەین، لە هەمان كاتدا هێڵی خیانەت بە نەفرەت دەكەین .
دەرچە میدیا
١٦ ئابی ٢٠٢٢
سەركەوتن سەركەوتن