قەریلان: به‌رخودانی زاپ به‌رخودانی ته‌واوی كوردستانه‌

ئایار 3, 2022

318

فه‌رمانده‌ی بڕیارگه‌ی ناوه‌ندی پاراستنی گه‌ل: دڵی وڵاتپارێزانی كوردستان ئه‌مڕۆ له‌ زاپ لێده‌دات. هه‌ربۆیه‌ گه‌له‌كه‌مان له‌ هه‌موو شوێنێك چالاكی ده‌كات. له‌به‌ر ئه‌وه‌ی به‌رخودانی زاپ به‌رخودانی گه‌لی كوردستانه‌.

فه‌رمانده‌ی بڕیارگه‌ی ناوه‌ندی پاراستنی گه‌ل (نه‌په‌گه‌) موراد قه‌ره‌یلان قسه‌ی بۆ ئه‌و گه‌ریلایانه‌كرد كه‌ له‌ زاپ و ئاڤاشین شه‌ڕ ده‌كه‌ن.

قسه‌كانی قه‌ره‌یلان له‌سه‌ر گه‌ریلا تی ڤی بڵاوكراوه‌ته‌وه‌. موراد قه‌ره‌یلان به‌م جۆره‌ په‌یامی دا:

من سه‌ره‌تا به‌ خۆشه‌ویستی و شكۆوه‌ سڵاو له‌ هه‌مووتان ده‌كه‌م. له‌ به‌رخودانی مێژوویی پیرۆز بۆ ئێوه‌ هه‌موو هه‌ڤاڵان، له‌ دڵ و گیانه‌وه‌ هیوای سه‌ركه‌وتن ده‌خوازم. سه‌ركه‌وتنی ئێوه‌ سه‌ركه‌وتنی هه‌موومانه‌، سه‌ركه‌وتنی ته‌واوی بزوتنه‌وه‌كه‌مانه‌، سه‌ركه‌وتنی گه‌له‌كه‌مان و گه‌لانی هه‌رێمه‌كه‌یه‌.

به‌رخودانی زاپ به‌رخودانی ته‌واوی كوردستانه‌

له‌ تێكۆشانی ئێمه‌دا گرنگترین سه‌رده‌م، ئه‌م سه‌رده‌مه‌یه‌ كه‌ تێیداین. جارێكی تر له‌ مێژووی تێكۆشانی ئێمه‌دا پیرۆزترین و گرنگترین به‌رخودان، ئه‌م به‌رخودانه‌یه‌ كه‌ ئێوه‌ له‌ زاپ و ئاڤاشین به‌ڕێوه‌ی ده‌به‌ن. ئه‌مڕۆ ته‌واوی وڵاتپارێزانی كوردستان دڵیان له‌ زاپ لێده‌دات. له‌به‌ر ئه‌وه‌ش گه‌له‌كه‌مان له‌ هه‌موو شوێنێك له‌ چالاكیدان. له‌به‌ر ئه‌وه‌ی به‌رخودانی زاپ، به‌رخودانی ته‌واوی گه‌لی كوردستانه‌. ده‌زانرێت زاپ و ئاڤاشین له‌ جوگرافیای كوردستاندا، له‌ مێژووی ئێمه‌دا شوێنێكی ئاسایی نییه‌. شوێنێكی مێژووییه‌. هه‌م له‌ مێژووی گه‌له‌كه‌ماندا رۆڵێكی مێژوویی به‌و جۆره‌ی هه‌یه‌، هه‌م له‌ مێژووی تێكۆشانی ئێمه‌شدا رۆڵێكی به‌و جۆره‌ی هه‌یه‌. هه‌موو كات زاپ له‌سه‌ر دڵی دوژمن بووه‌ته‌ مه‌راقێك. هه‌موو كات زاپ بۆ دوژمن بووه‌ته‌ شوێنی ترس و تۆقین. له‌ بنه‌ڕه‌تدا دوژمنیش ئه‌و راستیه‌ ده‌زانێت. ئه‌وه‌ ٥-٦ ساڵن دوژمن ده‌یه‌وێت بۆ سه‌ر هه‌رێمه‌كانی پاراستنی مێدیا هێرش و جموجۆڵ بخاته‌ پێشه‌وه‌. به‌ڵام زاپ له‌به‌رده‌میان ئاسته‌نگ و به‌ربه‌ست بوو. له‌به‌ر ئه‌وه‌ ویستی ده‌وربداته‌وه‌ و بازی به‌سه‌ردا بدات. بچێته‌ هه‌ندێك ناوچه‌ی دیكه‌ و هێرش بكات. به‌ڵام داتریش بینی كه‌ زاپ هه‌ر به‌ربه‌سته‌. به‌ هه‌ر حاڵ گه‌یشتنه‌ ئه‌و بڕوایه‌، تا زاپ نه‌خه‌ن ناتوانن له‌ هیچ شوێنێك ئه‌نجام به‌ده‌ستبهێنن.

له‌به‌ر ئه‌وه‌ ناویان لێناوه‌: په‌نجه‌ی كلیل. یاخود وابیرده‌كه‌نه‌وه‌ كه‌ ئه‌گه‌ر زاپ و ئاڤاشین بگرن ده‌توانن هه‌موو شوێنێكی كوردستانیش بخه‌ن. یاود ویلایه‌ته‌كانی تریش بخه‌ن. له‌سه‌ر ئه‌و لێكدانه‌وه‌یه‌ ئه‌وان ئه‌و ناوه‌یان له‌سه‌ر داناوه‌. یان وه‌ك كلیلی كوردستان، وه‌ك ئه‌وه‌ی لێره‌ كلیله‌كه‌ بكه‌نه‌وه‌ و ئیتر بتوانن بگه‌نه‌ ئه‌نجام، هه‌موو ده‌ستكه‌وته‌كانی گه‌لی كورد له‌ ناو ببه‌ن. لێكدانه‌وه‌یان به‌و جۆره‌یه‌. به‌ڵام ئێمه‌ له‌و بڕوایه‌داین، ئێوه‌ هه‌ڤالانی به‌نرخ، قاره‌مانانی زاگرۆس، عه‌گیده‌كانی زاگرۆس، ئه‌و خه‌ون و خۆزگه‌یه‌ی دوژمن له‌ زگیدا ده‌هێڵنه‌وه‌. وه‌ڵاێكی مێژوویی پێویست به‌ گیانێكی ئاپۆیی و فه‌دایی ده‌درێته‌وه‌. بیر و بڕوامان ئه‌مه‌یه‌.

من ده‌زانم كه‌ تا ئاستێك ئاماده‌كاریتان هه‌یه‌، له‌ گۆڕه‌پانه‌كه‌دا هه‌یه‌. ئه‌زمونی پاره‌كه‌ ساڵی ٢٠٢١، ئزمونێكی زۆر گرنگ بوو. گه‌ر ئێوه‌ وه‌ك هه‌ڤاڵ، وه‌ك فیداییان ئاپۆیی وانه‌ له‌ ئه‌زمونه‌كانی ساڵی پار ده‌ربهێنن، هیچ هێز و ده‌سه‌ڵاتێك ناتوانن له‌ به‌رامبه‌ر ئیراده‌ی ئێوه‌ خۆیان بگرن. له‌به‌رامبه‌ر ئیراده‌ی هه‌ڤاڵان، فیداییانی رێبه‌ر ئاپۆ تێكده‌شكێن. به‌ڵام ته‌نیا ده‌بێت له‌ ئه‌زمونه‌كانی ساڵی پار مرۆڤ وانه‌ ده‌ربهێنێت. به‌ تایبه‌تی له‌ شه‌ڕی تیمدا، به‌ره‌وپێشبردنی تاكتیك و شێوازه‌كانی شه‌ڕی تیم له‌ پانتاییه‌كاندا، هه‌روه‌ها شه‌ڕی تونێله‌كان. پاره‌كه‌ له‌ شه‌ڕی تونێله‌كاندا ئێمه‌ وه‌ك منداڵێك كه‌ تازه‌ فێری رێگارۆیشتن ده‌بێت وابووین. ئێمه‌ وابووین. ته‌نیا ئێستا ئه‌زمون هه‌یه‌، قوڵبوونه‌وه‌ دروست بووه‌. وایه‌ ئه‌وه‌ش له‌ ئه‌زمونی پاره‌كه‌ هاته‌ ئاراوه‌. ئێستا ده‌بێت كه‌ له‌و ئه‌زمونانه‌ی هه‌یه‌ بۆ ئه‌وه‌ی لێی سودمه‌ند بن، وانه‌ ده‌ربهێنن. ئێمه‌ له‌و بڕوایه‌داین، گه‌ر ئێوه‌ وانه‌ی لێ فێر بن، سودی لێوه‌رده‌گرن و تاكتیكی رێبارزی شه‌ڕی تونێله‌كان و شه‌ڕی تیم قوڵ بكه‌نه‌وه‌، له‌ راستیدا دوژمن چه‌نده‌ و به‌ چ شێوه‌یه‌ك هێرشیش بكات شكست ده‌هێنێت.

به‌ پشوودرێژی، به‌ ژیریی، به‌ بوێری و به‌ ئیراده‌ ئێمه‌ دوژمن شكست ده‌ده‌ین

ئێمه‌ له‌ به‌رامبه‌ر دوژمنی باو و باپیران، دوژمنی دڕنده‌ ده‌مانه‌وێت سه‌ربكه‌وین. ئێمه‌ دوژمن نه‌ به‌ بچوك و نه‌ به‌ گه‌وره‌ دانانێین. به‌ڵام ئه‌وه‌نده‌، ئێمه‌ ده‌زانین كه‌ ئێمه‌ به‌ شێواز و رێچكه‌ی خۆمان، به‌ قاڵبوونه‌وه‌ی تاكتیك، به‌ گیانی ئاپۆیی، به‌ بوێری و گیانبازی هه‌زاڵا ئێمه‌ ده‌توانین سه‌ربكه‌وین. به‌ڵام ئه‌وه‌ ئاسان نییه‌. دژواری خۆی هه‌یه‌، زه‌حمه‌تی خۆی هه‌یه‌. له‌ ئه‌ركدا ده‌بێت رێشوێن بگرنه‌ به‌ر. یاخود به‌و جۆره‌ پێویسته‌ ئێمه‌ له‌ رێوشوێنه‌كانی پاره‌كه‌، له‌ ئه‌زمونه‌كانی پاره‌كه‌ فێری وانه‌ بین. ئه‌مساڵ قوڵتر، به‌ ژیری، به‌ پلان ئێمه‌ شه‌ڕێكی له‌ناوبردنی دوژمن به‌ڕێوه‌ببه‌ین. ستراتیژی ئێمه‌ له‌ناوبردنی دوژمنه‌. پێویسته‌ به‌و جۆره‌ به‌ڕێوه‌ی ببه‌ین. هه‌رگیز نابێت په‌له‌په‌لی تێدا بكرێت. به‌ پشوودرێژی، به‌ ژیری، به‌ ئازایه‌تی و بوێری، به‌ ئیراده‌ ئێمه‌ ده‌توانین شكست به‌ دوژمن بهێنین.

ئێمه‌ له‌و بڕوایه‌داین كه‌ ئه‌و هێزه‌ له‌ ئێوه‌ی هه‌ڤاڵاندا هه‌یه‌. كه‌م بۆ زۆر هه‌ڤاڵان باش ده‌ناسین، فه‌رمانده‌یی باش ده‌ناسین. ئێمه‌ ئاگاداری ته‌واوی هه‌ڤاڵانین. ئه‌مڕۆ ئێوه‌ واده‌كه‌ن مێژوویه‌ك لێره‌ دروست ببێت. ئێوه‌ به‌ ته‌نیا لێره‌ نین، له‌گه‌ڵ ئێوه‌ هه‌موو گه‌له‌كه‌مان هه‌یه‌. دڵی گه‌له‌كه‌مان له‌وێ لێده‌دات. هه‌موو كات له‌گه‌ڵتاندان. ئێوه‌ پێشه‌نگانی كۆمه‌ڵگا و عه‌گیدی هاوچه‌رخن، له‌وێ شه‌ڕێك به‌ڕێوه‌ده‌به‌ن، هه‌موو كه‌س له‌گه‌ڵ ئه‌و جه‌نگه‌دایه‌. به‌ڵام ئه‌و جه‌نگه‌ ئاسان نییه‌، قوڵبوونه‌وه‌ی پێویسته‌، هۆشمه‌ندی پێویسته‌، گیانبازی پێویسته‌، بوێری پێویسته‌. ئه‌وانه‌ نه‌بن، خۆی له‌ خۆیدا كه‌س ناتوانێت لێره‌ شه‌ڕ بكات. ئه‌وه‌ له‌ ئێوه‌دا هه‌یه‌. پێویسته‌ ئێوه‌ش بڕوا به‌ خۆتان بكه‌ن.

وه‌كوتر، ئه‌زموونه‌كانی پاره‌كه‌ كه‌ له‌ رووی ریچكخراوه‌یی و به‌ پارتیبوونیشدا ۆر گرنگن. یاخود له‌ ناو هه‌ڤاڵاندا قوڵكردنه‌وه‌ی گیانی هاوڕێیه‌تییه‌، له‌ ئه‌زمونی شاخه‌سوره‌وه‌ ئێمه‌ تێگه‌یشتین، كه‌ چه‌نده‌ هێز به‌ مرۆڤ ده‌به‌خشێت. كانیاوی هێز، قوڵكردنه‌وه‌ی گیانی هاوڕێیه‌تی و هاوكارییه‌. له‌ ناو هه‌ڤاڵاندا پێشخستنی خۆشه‌ویستی و رێزه‌. به‌ گیانێكی هه‌ره‌وه‌زی، به‌ شێوازێكی تیم ئه‌گه‌ر مرۆڤ ژیان به‌ره‌وپێش ببات، له‌سه‌ر بناغه‌ی هێڵی ژنی ئازاد، مرۆڤی یه‌كسان و ئازاد بجوڵێته‌وه‌، به‌و جۆره‌ ژیانێكی هاوڕێیه‌تی بونیات بنێت، ژماره‌ی مرۆڤ چه‌ند ده‌بێت با ببێت، مرۆڤ ده‌ره‌قه‌تی هێزێكی گه‌وره‌ دێت، نه‌رمه‌ وزه‌ی زۆر گرنگ نیشان ده‌دات. له‌ به‌رخودانی ساڵی پار جارێكی تر ئه‌وه‌مان بینی. كه‌ چۆن بۆ هه‌ڤاڵان هێز و وزه‌ دروست ده‌بێت. ئێستا ده‌بێت هه‌ڤاڵان له‌م سه‌رده‌مه‌ نوێیه‌دا هێنده‌ زیاتر ئه‌وه‌ به‌كاربهێنن، هێنده‌ زیاتر قوڵبوونه‌وه‌ دروست بكه‌ن، به‌و جۆره‌ هه‌موو كه‌س وه‌ك به‌رپرسیار ده‌بێت، هه‌موو كه‌س وه‌ك ژه‌نه‌ڕالێێك ده‌بێت. ویسترا كه‌سێكه‌، ویسترا ژه‌نه‌ڕاڵێكه‌. یاخود به‌و جۆره‌ خاوه‌نی ده‌ستپێشخه‌ری بێت. به‌و جۆره‌ بۆخۆی خاوه‌نداری له‌ یاسا و رێساكان بكات. هه‌روه‌ها له‌و باره‌وه‌، بێگومان فه‌رمانده‌یی به‌ گیانێكی هاوڕێیه‌تی، به‌ بڕیار پێشه‌نگایه‌تی راسته‌قینه‌ به‌ڕێوه‌ده‌بێت. ئێمه‌ له‌و بڕوایه‌داین كه‌ هه‌ڤاڵان به‌و جۆره‌ مامه‌ڵه‌ ده‌كه‌ن، هه‌م فه‌رمانده‌كان هه‌م ته‌واوی هه‌ڤاڵان ده‌توانن به‌ دڵنیاییه‌وه‌ سه‌ربكه‌ون.

له‌ دۆڵی زاپ چیڕۆكێكی نوێ ده‌نووسرێته‌وه‌

وه‌ك وتمان، ئێوه‌ له‌ زاپ، له‌ ئاڤاشین به‌ ته‌نیا نین. ته‌واوی گه‌له‌كه‌مان، دۆستانمان، ته‌واوی هه‌ڤاڵانمان و ته‌واوی به‌ڕێوه‌به‌رانی بزوتنه‌وه‌كه‌مان له‌گه‌ڵ ئێوه‌ن. به‌ جۆش و خرۆشێكی گه‌وره‌وه‌ هه‌موو كه‌س به‌دواداچوون بۆ به‌رخودانی ئێوه‌ده‌كات. هه‌ڤاڵانی به‌ڕێوه‌به‌ری كه‌جه‌كه‌، هه‌ڤاڵانی پارته‌كه‌مان په‌كه‌كه‌ سڵاویان هه‌یه‌ و پیرۆزباییتان لێده‌كه‌ن. له‌به‌ر ئه‌وه‌، من له‌سه‌ر ناوی ته‌واوی به‌ڕێوه‌به‌رایه‌تی بزوتنه‌وه‌كه‌مان سڵاو و پیرۆزباییم بۆ هه‌مووتان هه‌یه‌. به‌ تایبه‌تی وه‌ك چالاكی شاخی روبار، كه‌ چالاكییه‌كی سه‌ركه‌وتوو بوو، ئه‌و هه‌ڤاڵانه‌ و ته‌واوی هه‌ڤاڵان كه‌ چالاكی سه‌ركه‌وتووانه‌ ده‌كه‌ن پێویست ناكات لێره‌ ناو بهێنین، ئێمه‌ پیرۆزبایی له‌ هه‌موویان ده‌كه‌ین و هیوای به‌رده‌وامی چالاكییه‌كانیان ده‌خوازین. ئێمه‌ هیوادارین كه‌ هه‌ڤاڵان به‌ گیانی ئاپۆیی سه‌ركه‌وتنی گه‌وره‌تر به‌ده‌ستبهێنن و له‌ دۆڵی زاپ مێژوویه‌كی نوێ بنوسنه‌وه‌.

به‌ هیوا و بڕواوه‌، من بۆ هه‌مووتان له‌ دڵ و گیانه‌وه‌ سه‌ركه‌وتن به‌ ئاوات ده‌خوازم. وه‌ك گه‌له‌كه‌مان ئه‌مڕۆ، ژنانی كورستان له‌به‌رده‌م نه‌ته‌وه‌یه‌كگرتووه‌كان له‌ جنێڤ بانگه‌وازیان ده‌كرد و ده‌یانگووت، بژی، بژی به‌رخودانی گه‌ریلا، منیش له‌ كۆتاییدا ده‌ڵێم:

بژی، بژی به‌رخودانی گه‌ریلا

بژی، بژی سه‌رۆك ئاپۆ”.

دەرچە میدیا

Top Menu

Main Menu

قەریلان: به‌رخودانی زاپ به‌رخودانی ته‌واوی كوردستانه‌

دەرچە

دەرچە میدیا

Top Menu

Main Menu

قەریلان: به‌رخودانی زاپ به‌رخودانی ته‌واوی كوردستانه‌

بابەتی پەیوەندیدار

بابەتی پەیوەندیدار