ئاماری جەنگی ساڵی ٢٠٢١ دژی دەوڵەتی توركی داگیركەر

نەپەگە ئاماری شەڕی ساڵی ٢٠٢١ی بڵاوکردەوە. هێزەکانی هەپەگە ٧٤٢ چالاکییان ئەنجامداوەو ٨٦١ سەرباز سزا دراون. نەپەگە رایگەیاند، “گەریلاکانی ئازادیی کوردستان لە ساڵی نوێی تێکۆشاندا وەڵامی چاوەڕوانییەکانی شەهیدان و ڕێبەرەکەمان دەدەنەوە”.

فەرماندەیی بڕیارگەى ناوەندی پاراستنی گەل (نەپەگە / NPG) ئاماری شەڕی ساڵی ٢٠٢١ی بڵاوکردەوە.

لە ڕاگەیەندراوەکەدا هاتووە: “ساڵی ٢٠٢١ ساڵێکی گرنگ بوو بۆ تێکۆشانی ئێمە و گەلی کورد و خەڵکی ناوچەکە. ئەمساڵ خەباتێکی بەهێز لەلایەن هێزە سیاسی و کۆمەڵایەتیەکان بەسەر ژنان و لاوان و هێزە داینامیکەکاندا بەرپابوو و چەندین پێشکەوتنی گرنگ بەدیهات و ئەنجامێکی گرنگ بەدەست هات. هەر لە سەرەتای ساڵەوە بزووتنەوەکەمان دەستنیشانی کرد، کە ساڵی ٢٠٢١ وەک ساڵێکی ئاسایی تێناپەڕێت و پێشکەوتنە گرنگەکان ڕوو دەدەن و تێکۆشان لە بەرزترین ئاستدا تێدەپەڕێت. تەئکیدمان لەوە کردەوە، کە دەوڵەتی تورک بە پێی دەستوورە بنەڕەتییەکەى بە یەک خاڵی ‘یاسای نکۆڵیکردن و لەناوبردنی کورد’ بۆ لەناوبردنی بزووتنەوەی ئازادیی کوردستان هێرش ئەنجام دەدات.

بۆیە بە دەستپێکردنی ساڵی ٢٠٢١دا هەم بۆ بەرپەرچدانەوەی هێرشە بەردەوامەکانی ‘پلانی لە ناوبردن’ دەوڵەتی تورکی پاکتاوکار و داگیرکەر و هەم بۆ ڕێکخستنی هەڵمەتی ‘کات کاتی ئازادییە’ ئامادەکاریی جدی کرا، گەریلاکانی ئازادیی کوردستان تاکتیکی ساڵی نوێی ئامادە کرد، پلانسازیی ئەوە و شێوازی سەردەمەکە بە بەرفراوانی لێکدانەوەى بۆ کرا و هێزەکانی پاراستنی گەریلا بە شێوەیەکی ئامادەبوو دەستیان بە ساڵی ٢٠٢١ کرد.

پلانی تێکشکاندنی هاوپەیمانیی ئاکەپە – مەهەپە – ئەرگەنەکۆن، کە لە ٢٤ی تەمووزی ٢٠١٥دا لە دژی بزووتنەوەکەمان و گەلەکەمان بۆ پاکتاوکردن و کۆمەڵکوژی و تێکشکانی سەرتاسەری و هەمەلایەنە دەستیپێکرد، لە سایەی بەرخۆدانی مەزنی رێبە ئاپۆ  لە ئیمرالی، تێکۆشانی گەلەکەمان، دۆستانی گەلەکەمان، هێزە چەپ – سۆسیالیستە دیموکراتییەکان، ژنان و گەنجان، لە سایەی بەرخۆدانی فیدایی گەریلا تێکشکێنرا. لە هەمان کاتدا ئەم بەرخۆدانە ڕژێمی فاشیستیی بەرەو داڕمان برد، بۆیە لە داهاتووی ڕژێمەکەی دەترسا و خواستی لە ساڵی ٢٠٢١دا بە لەناوبردنی گەلی کورد، بە سەرکەوتنێکی لەو شێوەیە، هەستە نەتەوەپەرەستە ڕەگەزپەرستەکان لەناو کۆمەڵگای تورک دا گوڕ پێ بدات و لە رێگەوە هەڵبژاردنی پێشوەختە ئەنجام بدات و لە ئەنجامیشدا تەمەنی خۆی درێژ ببکاتەوە، بەڵام ئەوە بوو بینیی، کە بە دڵنیاییەوە شکست دەهێنێت. ڕژێمی فاشیستی ئاکەپە – مەهەپە – ئەرگەنەکۆن بۆ درێژکردنەوەى تەمەنی خۆیان لە دەسەڵاتدا، خۆی و مانەوەی تورکیا وەک یەک نیشان دەدا و دەیخواست لە چوارچێوەی خەونەکانی ئیمپراتۆریەتی عوسمانیی نوێدا باشووری کوردستان و ڕۆژئاوای کوردستان داگیر بکات.

لەسەر ئەو بنەما و چوارچێوەیە لە ١٠ی شوباتی ٢٠٢١دا سەرەتا هێرشی کردە سەر گارە و هەوڵیدا گورزێکی بەهێز لە هێزەکانمان بدات، بە دەستهێنانی ئەنجام لەوێ هەوڵ بدات، ورەی بزووتنەوەکەمان تێکبشکێنێت و دواتر ئۆپەراسیۆنی گارە بەرفراوان و قوڵتر بکاتەوە، بەڵام ئەو حساباتانە بە بەرخۆدانی ئەفسانەیی لە سیان، بە پێشەنگایەتی فەرماندە قارەمانمان هەڤاڵ شۆڕش بەیتوشەباب ئەنجامدرا و بە لێدانی گورزی قورس بۆ یەکە هەڵبژێردراو و بژاردەکانی سوپای تورک پوچەڵکرایەوە، سوپای تورک بەو گورزە قورسانە تێکشکا و سەرەڕای پشتیوانییەکان و دەرفەت و تواناییەکانی، تەنها توانیی بۆ ماوەی ٤ ڕۆژ بەرگە بگرێت.

ژێمی فاشیست ناچار بوو دان بەوەدا بنێت، کە لە گارە شکستی هێناوە و دەستیکرد بە توندکردنەوەی گۆشەگیریی سەر ڕێبەرەکەمان،  گوشارەکانی سەر گەلی کورد و هێزە چەپ – سۆسیالیست و دیموکراتیکەکان لە تورکیا گەیاندە بەرزترین ئاست. لە ٢٣ی نیسان هێرشێکی بەرفراوانی داگیرکاریی بۆ سەر ئاڤاشین و زاپ و مەتینا دەستیپێکرد. ئامانجی ئەو هێرشە ئەوە بوو لە ماوەیەکی کورتدا هێزەکانی گەریلامان لە هەرێمەکانی پاراستنی مەدیا بکاتە دەرەوە و گرنگترین هەنگاوی هێرشی پیلانگێڕیی نێونەتەوەی سەربخات.

گەریلاکانی ئازادیی کوردستان حساباتەکانیانی تێکشکاند

بەڵام گەریلاکانی ئازادیی کوردستان بەرگرییەکی مێژووییان بەرامبەر ئەوە نیشاندا، حساباتەکانی دەوڵەتی تورک، هەندێک هێزی  نێونەتەوەیی و هاوبەش و هاوکاری ناوخۆیی تێکشکاند، ڕێگایان نەدا بگەنە ئامانجەکانیان. هێزەکانی پاراستنی گەلی ساڵی نوێیان بە سەرکەوتنی گارە دەستپێکرد و لە ساڵی ٢٠٢١دا ئاستی گەریلایەتیی سەردەمی نوێیان لە ئاستێکی گرنگ و بەرچاودا جێبەجێ کرد.  بەتایبەتی شێوازی شەڕی تیمی پرۆفیشناڵانە و پیشەیی گەریلا و تاکتیکی جەنگ، کە پشتبەستووە بە سەنگەرەکان و تونێلەکان، سوپای تورک لەو یەکەم گردانەدا، کە هێزی خۆی تیادا دابەزاندن، چەقێنراو و راوەستێنرا. هەر لە یەکەم رۆژەکاندا هەموو حساباتەکانیان تێکشکێنرا. سوپای تورک وای دانابوو لە ماوەی چەند هەفتەیەکدا ئەنجام بەدەست بهێنێت، بەڵام سەرباری ئەوەى ماوەی چەند مانگیشی بە سەر شەڕەکەدا تێپەڕی، بەم نەیتوانی پێشڕەوی بکات، بەپێچەوانەوە ناچارکرا هەموو ڕۆژێک بە هۆی لێدانی گورزە قورسەکانی گەریلاوە باجێکی زۆر قورس بۆ ئەو هێرشە داگیرکارییەی بدات.

گەریلاکان لە حەفتانینەوە تاوەکو ئامەد، لە دێرسیمەوە تا زاپ، لە ئاڤاشینەوە بۆ سەرحەد، لە خواکورکەوە تا بۆتان، لە هەموو ناوچەکانی کوردستان چالاکانە جوڵانەوە و چالاکیان ئەنجامدا. لە چوونە سەر دوژمن تاوەکو بەرخودان لەناو دوژمن دا، لە هێرشەوە تاوەکو چالاکیی نیشانەشکێنی، لە سابوتاژە و تەقاندنەوە تاوە لێدانی گورزی تاکتیکی بە شێوازی تیمە گەڕۆکەکانی گەریلا، بە  دروستکردنی ناوچە بەرخودان لە شێوەی پەناگە و مەیدانی جەنگ و تونێل، بەکارهێنانی هێزی بەرگریی ئاسمانی لە دژی دوژمن و لەسەر ئەم بنەمایەش جێبەجێکردنی چەندین تاکتیک لە هەناوی یەکتردا و پێکەوە و هەماهەنگیکردن، وێنەى گەریلای مۆدێڕنیتەى دیموکراتیکی خستە بەرچاوان.

سوپای تورک تاوانی جەنگی ئەنجامدا و چەکی کیمیایی بەکارهێنا

لە ساڵی ٢٠٢١دا سوپای تورک هەموو تەکنیک و تەکنەلۆژیاکانی شەڕ، کە لە دەستیدا بوون بەکاریهێنا و بەردەوام پاراستنی مەدیای  بۆردوومان دەکرد، بەڵام نەیتوانی ئەنجام بەدەست بهێنێت. فڕۆکەی بێفڕۆکەوانی هێرشبەر، کە دەوڵەتی تورک پشتی پێبەستبوو، بە  شێواز و رێبازی گەریلای سەردەمی نوێ تێکشکێنران و سوپای تورکیا جارێکی تر لە سەر زەویدا تێکشکێنرا. لە ماوەی ئەو قۆناغ و پڕۆسەی بەرخۆدانەدا هەموو ڕۆژێک بەو شێوازە گەریلاییە دەیان جار لە وەرخەل، شاخە سوور، زەندورا، ئاریس فارس و مام رەشۆ لە هەموو هەرێمەکانی پاراستنی مەدیا گورز لە دوژمن دەدرا و شەڕێکی بێ پسانەوە بەڕێوەچوو.

لەسەر بنەمای ئەو بەرخۆدانە گەورەیە، کە بە هیچ ئامارێک ناتوانرێت روون بکرێتەوە و لە هەندێک ناوچە دا ٦ مانگ بەردەوامیی هەبوو، بە ئیرادەیەکی گەورە بەڕێوەبرا و نوێنەرانیی میراتی بەرخۆدانی نەریتیی پەکەکە کرا، گەریلاکانی هەپەگە لەو شەڕەدا سەرکەوتن، هێزە فاشیستەکانی ئاکەپە – مەهەپە شکستیان هێنا و نەیانتوانی بە ئامانجەکەیان بگەن. لەبەر ئەوە سوپای تورک دەستی کرد بە بەکارهێنانی چەکی کیمیایی، کە بە ئاشکرا بەپێی یاسا نێونەتەوەییەکان تاوانە، لە رووی ڕەوشت و ئەخلاقی مرۆڤەوە تاوانە، بەپێی پێوەرەکانی جەنگ نامەردانەیە، ٤٠ هاوڕێمان ، کە لە سیان، زەندورا، مامڕەشۆ، شاخە سوور و وەرخەل بە بەرخۆدانی ئازایانە شەڕیان دەکرد و رێگایان بە داگیرکەری نەدا بەو چەکە کیمیاییانە شەهید بوون، بەڵام بە بەرخۆدانەکەیان دوژمنیان تێکشکاند و چوونە ناو لاپەڕەکانی مێژوو.

پارتی دیموکراتی کوردستان (پەدەکە) لە پشتەوە خەنجەری لە بەرخۆدانی پیرۆزی گەریلا دا

گەریلاکانی ئازادیی کوردستان بە سوودوەرگرتن لە هەڵوێستی گەورەی ڕێبەر ئاپۆ لە ئیمرالی، بە سووربوون و بە بڕیاربوونی  سەرکەوتن لە هزر و رامانی ئاپۆیی دا، بە پشتبەستن بە ئەزموونی ٣٧ ساڵەی گەریلایی بزوتنەوەکەمان لە ساڵی ٢٠٢١دا پراتیک و  کردەوەیەکی وەها چارەنوسساز و بە بڕیاریان جێبەجێ کرد. بەبێ ڕۆحی ئاپۆیی، باوەڕ، دڵسۆزی بۆ شەهیدان و گەل و وڵات، بەبێ داخوازی تێکۆشان بۆ ئامانجە باڵا و بڵندەکان ئەستەم دەبوو، کە ئەو بەرخودان و ئەو ئاستە لە سەرکەوتن بەدەست بهاتایە. دەوڵەتی تورکی داگیرکەر، کە ئاگاداری ئەو ڕاستییەیە، بۆ ئەوەى لە ناوەوە گورز لە تێکۆشانی ئازادی و هەبوونی گەلی کوردستان بدات، بە شێوەیەکی نامەردانە و رووڕەشانە هەوڵی داوە هێڵی خیانەتی نۆکەر سەرلەنوێ چالاک بکاتەوە. بۆ ئەوەش و لەو چوارچێوەیەدا وایکرد، پارتی دیموکراتی کورستان (پەدەکە) گەمارۆی ناوچەکانی گەریلای بدات، بوار و دەرفەتی هێرشی بە دەوڵەتی تورک بدات و زانیاریی هەواڵگریشی پێشکەش دەکرد. بەداخەوە هێزەکانی پارتی دیموکراتی کوردستان (پەدەکە) لەسەر بنەمای ئامانجەکانی دەوڵەتی تورک دەجوڵانەوە و لە ساڵی ٢٠٢١دا لە پشتەوە خەنجەرەیان لە بەرخۆدانی پیرۆزی گەریلاکان دا و هەوڵیان دا ئەو بەرخۆدانە لاواز بکەن، کاری ئاژاوەگێڕانە و تێکدەرانەى جیاواز و جۆراجۆریان ئەنجامدا، بەڵام لە سایەی بەرپرسیارێتیی هێزەکانمان رێگری لە روودانی دۆخێکی زۆر خراپتر گیرا.

قارەمانیی شەهیدەکانمان پیتی زێڕین لە مێژوودا تۆمار کراوە

ڕۆحی فیدایی گەریلا لەسەر بنەمای ئایدیۆلۆژیای رێبەر ئاپۆ، سووربوون و بە بڕیاربوون، ئاستی ئیرادە، نوێبوونەوە لە تاکتیک و قوڵبوونەوە لەو بوارەدا، ئەدا و نمایشی ئەو شەڕە کارامەیی گەریلای دیاری کرد، کە لە سەختترین هەلومەرجدا وەک  هێزی بنەڕەتیی سەرکەوتن مۆری خۆی ساڵی ٢٠٢١ دا. ئەمساڵ ئێمە قارەمانانی ئازا و گەورەمان شەهیدبوون. سەرەتا هاوڕێ جومالی و رێبەر، هاوڕێ چاوەڕێ، بۆتان، زنارین، شۆڕش بەیتوشەباب، هەژار، سەرحەد و ساریا لە کەسایەتیی خۆیاندا و لە سایەی قارەمانێتیی هەموو شەهیدانماندا ئەم سەرکەوتنە بە پیتی زێڕین لە مێژوودا نووسراوە. نابێت هەرگیز لەبیربکرێت، کە لە سایەی رەنج و بەرخودانی مێژوویی شەهیدان، ئەم دوژمنە خوێنخۆر و هارە ڕاوەستێنرا و سەرکەوتن بەدەست هات.

هێزەکانی یەژا ستار دەستکەوتی گرنگیان ئافراند

هێڵی قارەمانانەی هێزەکانی یەژاستارمان، هەڵوێستی فەرماندەیی گەورە لە کەسایەتیی هەڤاڵان ساریا، دلال، رۆناهی، نوژین، دلژین،  دیانا، هیرا، زینارین و چاوەڕێکان خوڵقا، بە پێشەنگیی ئەم هەڤاڵانە و دەیان هەڤاڵی ژنی شەهید بوونە ئاستی یەکێک لە پێشکەوتنە گرنگەکانی ساڵی ٢٠٢١ی گەریلایی مۆدێڕنیتەى دیموکراتیکی یەژاستار. جگە لە ئەڵتەرناتیڤی ژیانی ئازاد، پارادایگما، رێکخستنی  ئایدۆلۆژیک، کە تاوەکو ئێستا لە کەسایەتیی ژنانی ئازادی کورددا دروست بووە، لە رووی سەربازیشەوە لە ئاستی جێبەجێکردنی سەرکەوتووانەی گەریلای مۆدێرنیتەی دیموکراتیکیشی لەگەڵ خۆیدا هێناوە، کە لەخەبات و تێکۆشانی ٢٠٢١دا جارێکیتر ڕۆڵی پێشەنگی ژنانی ئازاد لەخەبات و تێکۆشان و شەڕی ئێمەدا سەلمێنرا.

٧٤٢ چالاکی ئەنجامدران؛ ٨٦١ سەربازی دوژمن سزادران

لە ساڵی ٢٠٢١دا دوژمن ١٨٩٩ هێرشی ئاسمانی، ٤٢٦ هێرش بە تۆپ و هاوەن، ٣٦٧ هێرش بە چەکی کیمیایی لە دژی  هێزەکانمان ئەنجامداوە؛ لە بەرامبەردا هەڤاڵانمان بە ڕۆحی بەرخۆدان و فیدایی و قوربانیدانی گەورە چالاکیان ئەنجامدا، بە گشتی هەڤاڵانمان ٧٤٢ چالاکیان ئەنجامدا. لەو چالاکی و شەڕانەدا ٨٦١ سەربازی دوژمن لەلایەن هێزەکانمانەوە سزادران. لە هێرشەکانی دوژمندا ٢٩٨ هەڤاڵمان شەهید بوون و چوونە کاروانی نەمرانەوە. دۆخی شەهیدبوونی هەندێک لە هاوڕێیانمان، کە هێشتا چارەنووسیان نادیارە، دوای روونبوونەوەى دۆخیان، بۆ گەلەکەمان و ڕای گشتیی بڵاودەکەینەوە.

٢٠٢١ ساڵێک بوو، کە جارێکیتر تاکتیک و شێوازی شەڕمان سەلمێنرایەوە، رێنوێنییەکان بۆ گەریلای سەردەمی نوێ لە پرۆسەیەکی شەڕێکی دژوار و بێ ئەمان دا دووبارە تاقیکرایەوە و دووپات کرایەوە و سەلمێنرا. جگە لە بەدیهێنان و دەستخستنی ئەو تاکتیکە و شێوازی سەرکەوتن، زۆرێک لە فەرماندە گەنجە قارەمانەکانمان پێشەنگایەتیان بۆ ئەم سەرکەوتنە خوڵقاند. ئاشکرایە هێزەکانمان لە فەرماندەیی پێشەنگ دا و تاکتیکدا قوڵتر بوونەتەوە و زیاتریش دەبنە هێزی سەرکەوتنی گەورە. گەریلاکانی ئازادیی کوردستان، کە هیوای گەلانی چەوساوە و ئازادن، لە ساڵی نوێی خەبات و تێکۆشاندا بە شارەزایی ئەرکەکانیان جێبەجێ دەکەن و وەڵامی چاوەڕوانیی شەهیدە قارەمانەکانمان و ڕێبەرەکەمان دەدەنەوە.

ئاماری جەنگی ساڵی ٢٠٢١ بەو شێوەیەیە

هێرشەکانی سوپای تورک

هێرشەکان بە چەکی کیمیایی: ٣٦٧

هێرشەکان بە تۆپ و هاوەن: ٤٣٦

هێرشە ئاسمانییەکان: ٢٠٢٥

هەڤاڵە شەهید و دیلکراوەکانمان

هەڤاڵە شەهیدەکانمان: ٢٩٨

هەڤاڵە دیلکراوەکانمان: ١٩

چالاکییەکانی هێزی گەریلا

چالاکییەکانی گەریلا: ٧٤٢

چالاکی دەستبەسەرداگرتن: ٢

چالاکییەکانی بۆسەدانان: ٢

چالاکیی چونە سەر دوژمن: ١٥

چالاکیەکانی هێرش: ٣٠

چالاکیی هێزەکانی بەرگری ئاسمانی: ٤٣

چالاکیەکانی نیشانەشکێنی: ٥٨

چالاکیی هەماهەنگ و هاوکاتی گەریلا: ٦٤

چالاکییەکانی سابوتاژ و تەقاندنەوە: ١١٢

چالاکییەکان بە چەکی قورس: ١٦٠

چالاکییەکانی شەڕ – لێدان: ٢٥٦

کوژراوانی دوژمن

ژمارەی داگیرکەرە سزادراوەکان: ٨٦١

داگیرکەرە بریندارەکان: ١٢٨