چەولیک: ئەمە دوایین زستانی ئاکەپە و مەهەپەیە – بەشی ١ و ٢

كانونی یه‌كه‌م 22, 2021

400

زۆزان چەولیک فەرماندەی فەرماندەیی ناوەندیی یەژاستار ئەوەی بەبیرهێنایەوە کە دەسەڵاتدارانی تورک وتبوویان کە “ئەمە دوا زستانی پەکەکەیە” و وتی”بەڵام بە بەرخۆدانی گەریلاکانی ئازادی لە زستانی کۆتایی حکومەتی ئاکەپە و مەهەپەدا دەڕۆین.

زۆزان چەولیک فەرماندەی فەرماندەیی ناوەندیی یەژا ستار بەبیری هێنایەوە کە لە مێژووی هیچ گەل و بزووتنەوەیەکی شۆڕشگێڕی و نەتەوەکاندا لە دژی هێزێکی جەنگ بەم ئەندازەیە تەکنیک بەکارنەهێنراوە و وتی: لە جوگرافیای کوردستاندا هیچ ئۆبۆس، موشەک و چەکێک نەماوە کە لەدژی خاک، بەرد، چیاکان بەکارنەهێنراون، هەموو بوون و شتێک دەربارەی جوگرافیاکەمان بە برینێک دەژی کە بەهۆی داگیرکاریەوە دروست بووە”. چەولیک ڕایگەیاند کە لەسەر بنەمای سەرکەوتن بە بڕیارێکی بەهێزەوە، دوژمن لە ساڵی ٢٠٢٢دا لە کوردستان تێکدەشکێنن.

زۆزان چەولیک فەرماندەی فەرماندەیی ناوەندیی یەژا ستار وەڵامی پرسیارەکانی ANFی دایەوە.

بەشی یەكەم

ئامانجی یەژاستار لە ساڵی ٢٠٢١دا چی بوو و تا چ ڕادەیەک سەرکەوت. دەتوانیت وێنەیەکی گشتی ساڵەکە بگێڕیتەوە؟

سەرەڕای ناکۆکییە قوڵەکان، لە ساڵی ٢٠٢١دا شەڕی قورس و گەشەسەندن کۆتایی پێ هات. لەم ساڵەدا هەموو ڕۆژێک بە تێکۆشانێکی قوڵدا تێپەڕیوە، بەڕێزەوە سڵاو لە ڕێبەری ئازادیمان ڕێبەری ئاپۆ دەکەم و لە کەسایەتی هەڤاڵانمان کە ئەمساڵ شەهید بوون شۆڕش بەیتوشەباب و سەرحەد گراڤی و ساریا دیار و نوژین کۆچەر و نوژین ئارس و بۆتان باشکالە، جومالی چوروم، دلژین ماریا، سۆسن عەفرین، هەورامان ئەڤیەر و ڕیڤان و مونزور و دژوار و مام یوسف و سەعید یوسف و ئامارگی و شیلان گۆیی من بە ڕێزەوە یادی هەموو هەڤاڵە شەهیدەکان دەکەمەوە.

بەڕێزەوە سڵاو لە هێزە کانمان لە هەر چوار پارچەی وڵاتەکەمان و تێکۆشەرانی ئازادی بە فیداکارییەکی گەورە و تێکۆشەرانی ئازادیخواز کە لە زیندانەکاندا بە ڕۆحی بەرخۆدانی مەزڵوم و سارا و غەریبە گەزەر و گەلە فیداکارەکەمان کە دەستبەرداری ئازادی و گەڕان نەبوون، دەکەم.

سەدەی ٢١ و ساڵی ٢٠٢١ بووە سەدەیەک کە زوڵم و ستەم و زوڵم و زۆرداریی لە هەموو جیهاندا نوێ کراوەتەوە و بە شێوازی قوڵ جێبەجێ دەکرێت. مرۆڤ بەهۆی هەژاری و برسێتی و نەخۆشی و بێکارییەوە هەموو ڕۆژێک لاواز دەبێت و ئیرادەی تێکچووە. زۆربەی ژن و منداڵەکان قوربانی ئەم سیستەمە سیادییە بوون. ئەو خەڵک و ژنانەی کە بەرگری لەخۆیان ناکەن و خۆڕێکخستن و خەباتکارییان نەکردووەتە هێزێکی هاوبەشی سەرتاسەری جیهان، نەیانتوانی بەرگری لەخۆیان بکەن لە دژی ئەم سیستەمە فاشیستە. ٢٠٢١ هەم بۆ جیهان و ناوچەکە و کوردستان ساڵێکی زۆر قوڵ بوو. ئەو سیاسەتانەی کە ڕوویانداوە، ئەو سیاسەتە سیادیانەی کە نیشانەی خۆیان خستۆتە سەر پرۆسەکان وەک کێشەکانی ڕابردووی چارەسەرنەکراو ،کێشەی دیکەیان زیاد کرد.

پرسی کورد کە بزووتنەوەکەمان هێنایە رۆژەڤەوە، لەم پرۆسەی ناچارەسەری و توندوتیژیەدا هەوڵدرا تەسفیە بکرێت. لەم بارەیەوە لە ساڵی ٢٠٢١دا دەسەڵاتدارانی تورک بە شێوەیەکی سەرەکی هێزەکانی ناوچەکە و لە بنەڕەتدا وڵاتانی ئەمریکا و ناتۆ سیاسەتێکیان پەیڕەو کردووە کە شکستی هێناوە لە تێپەڕاندنی ڕێبازی کلاسیکی و پێداگری لەسەر نکۆڵیکردنی تەڤگەری ئازادی. پیلانگێڕیی نێودەوڵەتی لە دژی ڕێبەرایەتی و بزووتنەوەکەمان قوڵتر و بەردەوامە. بێگومان لە دژی ئەو هاوپەیمانییە دواکەوتوو و پیلانگێڕ و فاشیستە، ڕێبەرایەتیی ئێمە و تەڤگەری ئازادیی بە بەرخۆدانی بێوێنە و هەڵوێستێکی ئازادانە بەردەوامیان بە تێکۆشان داوە. ئەو ڕۆح و ئیرادەیە ئاپۆییە کە خۆی بەدەستەوە نەدا، لەبەرانبەر پیلانی لەناوبردن و تەسفیەدا یەک هەنگاویشی بەرەو دواوە نەناوە.

وەک چۆن پێشتر لە کۆبوونەوەکاندا لەگەڵ بڕیارەکانی خۆماندا رامانگەیاندبوو، ئێمە ئامادەین. بە پلانێکی تۆکمەوە ئێمە زۆربەی ئەم پلانانەمان لەسەر بنەمای ئامانجەکانمان جێبەجێ کردووە. لە ساڵی ڕابردوودا ئێمە وەک فەرماندە و شەڕڤانانی یەژا ستار لەسەر بنەمای ستراتیژی شەڕی شۆڕشگێڕی گەل و گەریلای مۆدێرنیتەی دیموکراتی تێکۆشانی گەریلامان بەرپا کرد. لە کوردستان پێشکەوتنی ژیان لەسەر هێڵی ئازادی بۆ گەلەکەمان و گەلانی تر و بە تایبەتی بۆ ژنان زۆر گرنگە. ئێمەی ژنان تێڕوانینمان لەسەر تێکۆشان، لەسەر بنەمای پێشەنگایەتیی شەڕی ئازادی و بەشداری چالاکانەی تێکۆشانی گەریلای ژن بە لایەنێکی سەرەکی گەشەکردنی ناسنامەی ژنانی ئازاد دەزانین و ڕێکخستنی خەباتی گەریلا و گەشەکردن بە بەرپرسیارێتییەکی مێژوویی دەبینین.

لە مێژووی خەباتماندا ئەمساڵ وەک ساڵێکی نائاسایی بوو و هەرگیز ناتوانین بە شێوەیەکی ئاسایی لێی نزیک بینەوە. لە ڕووی هێرشی دوژمنانەوە جیاواز بوو لە ساڵانی تر. بێگومان چەمکی نکۆڵیکردن و لەناوبردن بۆ ماوەیەکی زۆر لەسەر بزووتنەوەکەمان بەردەوامە. پێم وایە لە مێژووی هیچ گەل و بزووتنەوەیەکی شۆڕشگێڕی و نەتەوەکان لە دژی هێزێکی جەنگ بەم ئەندازەیە تەکنیک بەکارنەهێنراوە و لە جوگرافیای کوردستاندا هیچ ئۆبۆس، موشەک و چەکێک نەماوە کە لەدژی خاک، بەرد، چیاکان بەکارنەهێنراون، هەموو بوون و شتێک دەربارەی جوگرافیاکەمان بە برینێک دەژی کە بەهۆی داگیرکاریەوە دروست بووە.

ڕۆژی ١٠ی شوبات سوپای تورکیای فاشیست لە گارێ بە جموجوڵێکی تایبەت لە سیانێ کامپەکەمانی کردە ئامانج. لەو کامپەدا دیلەکانی شەڕیش هەبوون. بەڕاستی، ئەمە تەنها ئۆپەراسیۆنێک نەبوو. چەندین ئامانجی ئەم هێرشە هەبوو. ناوەندی بزووتنەوەی گەریلایان کردە ئامانج. هێزەکانی سوپای تورک بۆ یەکەمجار جوڵەیەکی وەهایان ئەنجامدا. لە بەرامبەردا بە پێشەنگایەتی هەڤاڵ شۆڕش بەیتوشەباب بە شێوازێکی کاریگەر و بەهێز گورزی قورس لە هێزە داگیرکەرەکان درا. سەرکەوتن لە گارێ گورزێکی قورسی لە حکومەتی فاشیستی ئاکەپە و مەهەپە داوە. پاشان لە ٢٣ی نیساندا هێرشێکی داگیرکاریان کردە سەر هێڵەکانی زاگرۆس و ئاڤاشین و باسیا و زاپ و مەتینا و هەوڵی شکاندنی هێزی دەروونی بەهێزی هێزەکانی گەریلا و گەلەکەمانیاندا. بێگومان ئەم هێرشە داگیرکەریە تەنیا بۆ ئەو مەبەستە ئەنجام نەدرا پێشتر پلانی بۆ داڕێژرابوو، بەڵام گورزی بەهێز کە بە سەرکەوتنی گارێ لە هێزەکانی دوژمندرا بووە هۆی ئەوەی هێرشی داگیرکاری بە خێرایی ئەنجام بدرێت.

وەک چۆن لە دوای گارەوە دۆخەکە بۆ دوژمن گۆڕاوە، هیچ شتێک بۆ هێزەکانی گەریلامان لە دوای گارەوە وەک خۆی نەماوە. لە مێژووی ٤٣ ساڵەی خەبات و قوربانیدان و ڕۆحی ئاپۆیی و دۆستایەتی و پەیوەندی و باوەڕ و سۆز و خۆشەویستی و ئاستی تۆڵەسەندنەوە گەیشتوونەتە قۆناغێکی بەرز. ئەو بەرخۆدانە داستانیەی کە لە مێژووی هیچ کەسێکدا نەبینراوە پێناسە ناکرێت و وشە مانای خۆی لە دەست دەدات و دەکرێت ببێتە بابەتی ڕۆمان و گۆرانی و شێعر و فیلم. ئەەمە لە گارەوە دەستیپێکرد و هەتا بەرخۆدانی ممامڕەشۆ و گرێ سور و زەندورا و وەرخەلێ، گەریلاکانی سەردەمی نوێ بە خێرایی بڵاوبوونەوە و بووینە شایەتحاڵی گەریلای وەک باز و هەڵۆ.

ئەو دوژمنەی کە لە ماوەیەکی کورتدا لە هەرێمەکانی پاراستنی میدیادا هەوڵی بەدەستهێنانی ئەنجامەکانی دەدا بۆ ماوەی ٧ مانگ هەموو جۆرە تەکنیک و چەکێکی بەکارهێنا بۆ بەدەستهێنانی تونێلێکی جەنگ لەگەڵ ئەوەشدا نەیتوانی گەریلا لەو بەرخۆدانە دوور بخاتەوە و بە هێرشی کیمیایی گەریلاکانی شەهید کرد .کاتێک لێکۆڵینەوە لە مێژووی شەڕمان دەکرێت ئەوە ئاشکرا دەبێت کە سوپای تورکیای فاشیست پێشتر گازی کیمیایی لە جۆدی و ئامەد و دۆڵی تیارێ و لە زۆر شوێنی دیکە بەکارهێناوە، بەڵام لە دوایین هێرشی داگیرکاریدا چونکە نەیانتوانی هیچ پێشکەوتنێک بەخۆیانەوە ببینن، لە دژی بەرخۆدان ناچاربوون چەندین جار چەکی کیمیایی بەکاربێنن بەڵام ئەو فاشیزمەی کە زنجیرەکەی پچڕاندووە لە تونێلەکانی شەڕی وەرخەلێ شکستی هێنا. لە زەندورا و گردی سووریش گورزی قورسی بەرکەوت. جارێکی دیکە شاهیدی ئەوە بووین کە ڕۆحی بەرخۆدانی ئاپۆیی تێکناشکێت.

ئەو ئۆپەراسیۆنە شۆڕشگێڕیانەی کە هێزەکانمان لەسەر هێڵی زاپ و ئاڤاشین و گەڤەر و خواکورک دەستیان پێکردووە بە هەنگاوی شۆڕشگێڕانەی بازەکانی زاگرۆس و لە مەتینا و حەفتانین بە هەنگاوی شۆڕشگێڕانەی شەڕی خابوور پێناسە دەکرێن. ئەم ئۆپەراسیۆنە شۆڕشگێڕانەیە نەک تەنها بۆ بەرگریە، هەروەک ناوەکەی لدیارە، بە هەڵوێست و چالاکیی هەنگاو بەهەنگاوی بەهێزەوە لەسەر بنەمای ئەدای بەهێز لەم دواییانەدا لە مانگی تشرینی دووەم و کانوونی یەکەم لە هەرێمەکانی حەفتانین و زاپ و سەرحەد هێزەکانمان بە تاکتیکێکی نوێی گەریلاوە چالاکیان ئەنجامدا و دوژمن سەریسوڕما. تەنانەت ئەگەر لە ماوەی ئەم ساڵەدا چەمکی قڕکردنی دوژمن لەناو نەبرابێت، ئەوا سیاسەت و تاکتیکی هاوچەرخ و ڕۆژانەیان پوچەڵ کراوەتەوە.

ناوچەکانی باکوورمان ستراتیژیترین ناوچەی ئەم چەمکەن و دوژمنیش لەو ناوچانەدا ئۆپەراسیۆنێک بەناوی ئەرەن ئەنجام دەدات. ئەم ئۆپەراسیۆنانە هەرچەندە بەهۆی بارودۆخی وەرزەوە ناتوانین پەیوەندیان پێوە بکەین، بەڵام جگە لە دەرسیم پوچەڵ بووەتەوە. ئەوەندەی لەڕاگەیاندنەکاندا دەرکەوتووە چەکی کیمیایی لەناوچەکانی دێرسیم بەکارهاتووە. لە ڕۆژئاوا و شەنگالیش کە گەلەکەمان و هێزەکانی پاراستن بەرخۆدانیان زیاتر کردووە و بەهاکانی شۆڕشیان لە دژی داعش خستەڕوو، هەڤاڵانی سۆسن عەفرین و ڕێناس ڕۆژهەڵات و سەعید یوسف و مام یوسف و مەروان بەدەل کە هێڵی ڕێبەرایەتی و ژیانی ئازادیان بەرنەدا و نەیانهێشت هێڵی لیبرالیزم بکەوێتە ناویان، بوونە ئامانجی دوژمن.

حکومەتی فاشیستی ئاکەپە و مەهەپە لە ئێستاوە هەوڵ دەدات هێرشی قورس بکاتە سەر کادیرە پێشەنگەکانمان و گەلەکەمان چونکە دەیەوێت شکستەکەی بشارێتەوە. لەم بوارەدا پێویستە گەلەکەمان هوشیار بێت و دەبێت خەڵکەکەمان باش ببینن کە جەنگ دەبێتە واقیعێک و پێویستە خۆپارێزیەکەی قوڵتر بکاتەوە.

هەنگاوی کەژەکە بە ناوی ‘دژی کۆمەڵکوژیی ژنان، کاتی پاراستنی ژنان و کۆمەڵگای ئازادە’ بە بەشداریی بەهێزی ژنان ئەنجامدرا. هەنگاوەکە کۆدەنگییەکی چۆنی دروست کرد؟ ڕۆڵی یەژا ستار لە سەردەمی نوێی ئەم هەنگاوەدا چی بوو؟

هەنگاوی کەجەکە بەناوی ” کاتی ئەوە هاتووە کە ژنان و کۆمەڵگایەکی ئازاد لە دژی جینۆسایدی ژنان بپارێزین” ساڵێک بە خاوەنداری و بەشداری ژنان لە بواری کۆمەڵایەتی و سیاسی و سەربازیدا بەردەوام بوو. هێزەکانی یەژا ستارمان بە چالاکییەکانیان بەشدارییان لەو هەنگاوەدا کرد. پێویستە تێکۆشانی ژنان لە ئامانجە هاوبەشەکاندا یەکبگرن و ئیرادەی ڕێکخراوەیی خۆیان پەرە پێبدەن. لەبەرئەوەی سەیری هەر شوێنێکی جیهان بکەین، ڕزینی کۆمەڵگا، بێئیرادەکردن، بێناسنامەکردن، فرۆشتنی خەڵکی و دەستدرێژی سێکسی بۆ سەر هەموو مافەکانی ژنان دەکرێت. ئەمە گەورەترین سووکایەتییە بە ژنان. لە ماڵەوە بۆ شەقام و لە قوتابخانەکان و هەموو شوێنێک سیستەمی پیاوسالاری فشاری قورس و توندوتیژی جەستەیی و مەعنەوی دەخاتە سەر ژنان. لە هەموو شوێنێکی جیهان ئەمڕۆ ئاژاوەی کۆمەڵایەتی لە دەوری ژنان بووەتە کێشەیەکی سەرەکی. گولیستان دۆکۆ، ئۆزگەجان، دەنیز پۆیراز، ئیپەک ئەر و پنار گولتەکین بەهۆی توندوتیژییەکانی پیاوان و دەوڵەتەوە کوژران.

ژنان ناڕەزایی جدیان دەربڕیوە لەدژی ئەو کۆمەڵکوژیانە…

ڕاسته. بە بەهێزبوونی بزووتنەوەکانی ژنان ئەم جۆرە ڕووداوانە زیاتر دەرکەوتن و زیاتر گفتوگۆیان لەسەر دەکرێت. بە تایبەتی لە ساڵی ٢٠٢١دا ئەمە وەک پێشکەوتنێکی گرنگ بۆ بزووتنەوەکانی ژنان بە گشتی سەیر دەکەین. لەبەرامبەر ئەو کێشانەدا بزووتنەوەکانی ژنان هەوڵیاندا ئەجێندایەک دروست بکەن و هەڵوێستی خۆیان نیشان بدەن. کێشە کۆمەڵایەتیەکانیان کردە کێشەی سیاسی و خەباتیان بۆ چارەسەری کرد. بەم شێوەیە خەباتی ژنان ئێستا ئەجێندای خۆی دروست کردووە و دەستی کردووە بە بەهێزکردنی خەباتی کۆمەڵایەتی و سیاسی خۆیان. کاتێک ژنان دەست دەکەن بە باسکردنی کێشەکانیان، دەیکەنە رۆژەڤ و وەک هێزێکی ڕێکخراوەیی دژ بە سیستەمی پیاوسالاری کە نەک هەر هەندێک ماف بە ژنان نادات، بەڵکو ڕێگاش دەکاتەوە بۆ گۆڕینی تێڕوانینی پێکهاتەی ئەو کۆمەڵگایە. ئیرادەی سیاسی سیستم و دەسەڵاتی ناوەند و پەیوەندی مرۆڤ و پەیوەندی خێزانی لە دوو لاوە هەڵسەنگێنراوە کە گرنگە بۆ لاوازکردنی تێڕوانینی سیستەمی پیاوسالاری ئەم تێکۆشانە دادپەروەری و ئازادی دەهێنێتە دی.

لەبەر ئەم هۆکارانە ئەو خەباتەی کە ژنان بەڕێوەی دەبەن، کاریگەرییەکی بەهێزی هەیە لەسەر پێشکەوتنە سیاسییەکانی ئێستا. ئەم کاریگەرییە یان بە هۆی پەستانی کلتوری سیاسی پیاوەتییەوە دەرناکەون یان بە شێوازێک بچوک نیشان دەدرێت. کاتێک بە چاوی ژنانەوە سەیری سیاسەت و پێشکەوتن و کێشە کۆمەڵایەتیەکان دەکەین، هەوڵ و تێکۆشانی ژنان گۆڕانکاری و وەرچەرخانێکی بەرچاو دروست دەکات، لاوازیی ڕێکخراوەکە لەم مەسەلەیەدا سیستمی سەروەر بەهێز دەکات و سەرکەوتنیش لەڕێکخستندا سیستمی سەردەست لاواز دەکات. بەو هۆیەوە سیستەمەکە رەنجی ژنان، قسەکردن و چالاکی ژنان بچوک دەکات و ترسیان بەم هۆیەوەیە. لە ساڵی ٢٠٢١دا خەباتی ژنان لە زۆرێک لە شوێنەکانی جیهاندا بووە هۆی پێشکەوتنی بەرچاو و لە هەندێک شوێنیش بەهۆی ئەوەی خەباتەکە لاواز بوو، ژنان و کۆمەڵگاشی لاواز کرد. ئەم ناهاوسەنگییە لە دونیای ئێمەدا هەیە. بە دروستکردنی یەکێتی ژنان دەتوانین ئەم ناهاوسەنگییە لەناوببەین.

تێکۆشانی ئازادیی ژنان لە کوردستان و گەریلاکانی ژنانی ئازاد ئەمساڵیش چەندین پێشکەوتنی بەهێزی دروستکردووە. ژنان لە هەموو بوارەکانی تێکۆشاندا بەشدارییان کردووە و ڕۆڵی کارایان بینیوە و لە چەندین چالاکیدا ناسنامەی تێکۆشانیان خوڵقاندووە. ئەم چالاکییە بۆ دۆزی ئازادیی کورد ئەنجامدرا و بۆ پرسی ژنانیش پەرەی سەندووە. ئێمە هێزەکانی یەژا ستار هەردوو لایەنی خەباتمان خستە بەرنامەی کارەکانمانەوە و چالاکترمان کرد. ئێمە کارەکتەری چالاک و داینامیکی خۆمان بە دروستکردنی تاکتیک و دەوڵەمەندی باشتر کردووە. لە ماوەی ئەمساڵەدا پێشکەوتنێکی گەورە لەم بوارەدا دروست بووە. ئامانجەکە زیاتر تیشک خستنە سەر پرسی ژنان و زیادکردنی پێویستی چارەسەری و گەشەپێدانی چالاکی گەریلاکانە لە ئەجێندای تایبەت و ڕێگریکردن لە جینۆسایدکردنی ژناندا.

زۆر گرنگە بە دڵ و هۆش و بوێریی ژنانە بجەنگین و گەریلایەکی ژنی ئازاد بە بەهاکانی ناسنامەمان بنیات بنێین. ڕۆژهەڵات و جیهان زۆر کاریگەرن بە خەباتی ڕێکخراوەیی هێزەکانی پاراستنی ژنان کە زیاتر خۆیان دەناسنەوە و کاریگەرییان لەسەر پێشکەوتنەکان هەیە. ساڵی نوێ پێشوازی لەو پێشکەوتنانە دەکات کە لەگەڵ ئەو خەبات و ململانێیانەدا دروست بوون کە هێشتا چارەسەر نەکراون. لەم ڕووەشەوە، لەحاڵەتی دەستکەوتەکاندا، ئێمە هیوابەخش و زیندوو و سوورترین بۆ چارەسەرکردنی ئەو کێشە چارەسەرنەکراوانە. ٢٠٢٢ ساڵێک دەبێت کە زیاتر پێداگیری لەسەر بەهاکان، پێشکەوتن و کاریگەری دەکرێت.

دەوڵەتی تورک بە هێرشی داگیرکەری و بە بانگەشەی ئەوەی کە پەکەکە لەناودەبات دەستی بە ساڵی نوێ کرد. بەڵام دواتر حکومەتی ئاکەپە و مەهەپە بەرەو هەڵوەشانەوە چوو. بەڵام لە شەڕدا هەموو جۆرە رێبازێکی قێزەون، چەکی کیمیایی بەکارهێنا، بەرخۆدانی گەریلا لە کەوتنی دەوڵەتی تورک لەم دۆخەدا تا چ ڕادەیەک کاریگەر بوو؟

داگیرکەری تورک لە ٢٧ی تشرینی یەکەمی ١٩٧٨ کە پارتەکەمان دامەزرێنراو تاوەکو ئێستا، ٤٣ ساڵە دەڵێت لەناوی دەبەین. ئۆپەڕاسیۆنەکانی لەژێر ناوی سەندەویچ، پۆڵا، مەلکەس و زۆر ئۆپەڕاسیۆنی دیکە بەم ئامانجە بوون. لەم دواییانەشدا بە ناوی پەنجەی پڵنگ و پەنجەی بروسک دەستیان بە هێرشی داگیرکەری کرد. درۆکانیان بەم شێوەیە دووبارە کردەوە. بڕوایان وابوو ئەمساڵ ئەنجام بەدەست دەهێنن. یان دوای درۆکردن بڕوایان بە درۆکانیان کرد. کاتێک کەوتینە زستانی ٢٠٢١، وتیان ئەمە کۆتا زستانی پەکەکەیە. بەڵام بە شەڕی بێوێنەی گەریلاکانی ئازادی کوردستان حکومەتی ئاکەپە و مەهەپە کەوتە کۆتا زستانی خۆی. ئەوانەی هەوڵی لەناوبردنی پەکەکەیان دەدا، خۆیان بەرە لەناوچوون دەچن. ئەو هێزەی کە دەترسێت و بێچارە بووە بۆ ئەوەی خۆی رزگار بکات، هەموو شتێک دەکات. لەبەرئەوەش ئەمساڵ لەدژی هێزەکانمان چەکی کیمیاییان بەکارهێنا. فاشیزم کە بێچارە و تەنگاو دەبێت هەموو کردەوەیەک ئەنجامدەدات. بە چەکی کیمیایی و موشەکی چەندین تەنی شەڕکردن لەگەڵ گەنجەکان کە لە بەهاری تەمەنی خۆیاندان نامەردیە. ئەمە هێرشێکی چەتەگەریە. زۆر جار داوامان لە رێخراوی قەدەغەکردنی چەکی ئەتۆمی و رای گشتی کرد. دەتوانن بێن و لێکۆلینەوە بکەن. ئێمە وەک تەڤگەر بڕوامان بە خۆمان هەیە. ئێمە دەزانین چی دەڵێین. لەبارەی چەکی کیمیایی راگەیەنراومان بۆ رای گشتی بڵاوکردەوە. بەڵام ئەوانەی لە بەرانبەر ئەو کردەوانەی لە کوردستان ئەنجام دەدرێن، خۆیان بێدەنگ دەکەن، پێویستە شەرم لە خۆیان بکەنەوە. بەڵام بەرخۆدانی گەریلا و چالاکیە کاریگەرەکان فاشیزمی شێت کردووە. ئێمە چاوەڕێی هێرشی دڕندانەتر لەم دەوڵەتە دەکەین. لەبەرئەوەی دەزانین کە تا چ ڕادەیەک تەنگاو و بێچارە بووە. لەبەرانبەر ئەم هێرشانە ئەرکی گەریلا بەرخۆدانە. گەریلا واتە بەرخۆدان. بەرخۆدان و سەرکەوتن. لە چیا سەرکێشەکانی کوردستان ئەم جۆرە بەرخۆدان و هەڵوێستە هەیە. لەم سەردەمەی مادیەتپارێزیدا کە مرۆڤ لە مرۆڤبوونی دوور کەوتووەتەوە و تا ئاستی بیولۆژی هاتووە و لە ساڵی ٢٠٢١دا کە مرۆڤبوون لە دۆخێکی خراپدایە، هاوڕێیەتی لەگەڵ گەریلا، شەڕکردن لە تەنیشت گەریلا و لە یەک سەنگەردا ، شانازیەکی گەورەیە. گەریلاکانی ئازادی کوردستان پیشانیانداوە کە سیستمی کاپیتالیزم هەرچیەکیش بکات ناتوانێت داواکای ئازادی مرۆڤ لەناوببات، ناتوانێت مرۆڤ لە بەهاکانی پۆلیتیک و کۆمەڵایەتی خۆی دوور بخاتەوە و ئەمە راستیەکی بەرچاوە. جەوهەری مرۆڤ لەسەر ئازادی، جوانی، باشی و راستیە. هەرچەند ئەو جەوهەرە لەکەدار دەکرێت و دەیانەوێت لەناوی ببەن، بەڵام گەریلا ناوکی مرۆڤی ئازادە و لە کەسایەتی خۆیدا ژیانی ئازاد هەنگاو بە هەنگاو دەهۆنێتەوە .

بەشی دووهەم

زۆزان چەولیک فەرماندەی فەرماندەیی ناوەندیی یەژا ستار وەڵامی پرسیارەکانی ئاژانسی هەواڵی فورات (ANF)ی دایەوە.

– ئێوه‌ باستان له‌ به‌رخۆدانی گه‌ریلا كرد، كه‌ به‌ پێی پێودانگەکانی گه‌ریلایه‌تی مۆدێرنیته‌ی دیموكراتی سه‌رده‌می نوێ به‌ڕێوه‌ده‌چێت. مرۆڤ ده‌توانێت گه‌ریلایه‌تی ئه‌م سه‌رده‌مه‌ وه‌ك گه‌ریلایه‌تی سه‌ده‌ی ٢١ پێناسه‌ بكات. ئه‌وه‌ی گه‌ریلاكانی ئازادی سه‌رخست چی بوو؟

هه‌ر سه‌رده‌مێك خاوه‌نی كه‌سایه‌تی سه‌ربه‌خۆیه‌ و به‌ گوێره‌ی ئه‌و كاراكته‌ر و تایبەتمەندییه‌ش دامه‌زراوه‌، ژیان و په‌یوه‌ندییه‌كانی (تایبه‌ت) به‌ خۆی هه‌یه‌. هه‌روه‌ها به‌ گوێره‌ی سه‌رده‌مه‌كه‌ شێوه‌یه‌كی نوێی مرۆڤه‌كان ده‌خوڵقێنێت.له‌ رووی سه‌ده‌ی ٢١ه‌وه‌ كاراكته‌ری ئه‌و سه‌رده‌مە كاریگه‌ری له‌سه‌ر مۆدیله‌كانی سوپا و رێبازه‌كانی شه‌ڕ دروست كردووه‌. له‌م سه‌رده‌مه‌دا كه‌ وه‌ك سه‌رده‌می زانیاریش پێناسه‌ ده‌كرێت، هێزه‌ ده‌سه‌ڵاتداره‌كان خۆیان ده‌كه‌نه‌ خاوه‌نی هه‌موو چه‌شنه‌ زانیارییه‌ك و له‌ بری ئه‌وه‌ی كه‌ بۆ پێداویستییه‌كانی مرۆڤه‌كان به‌كاریان بهێنن، ده‌یانخه‌نه‌ خزمه‌ت به‌رژه‌وه‌ندییه‌كانی خۆیانه‌وه‌. زاڵبوون و باڵاده‌ستبوون به‌ سه‌ر زانیاریی به‌ واتای باڵاده‌ستبوونه‌ به‌سه‌ر هێز و ده‌سه‌ڵات. لایه‌نێكی شه‌ڕ كه‌ له‌ سه‌ده‌ی ٢١دا به‌ڕێوه‌ده‌چێت، شه‌ڕی ئینته‌رنێت، شه‌ڕی دیجیتاڵ میدیایه‌ كه‌ وه‌ك هێرشی سایبری پێناسه‌ ده‌كرێن. پێشتر شه‌ڕ له‌ نێوان دوو یان چه‌ند هێزی سه‌ربازی ده‌هاته‌ ئاراوه‌. سوپاكان رووبه‌ڕووی یه‌ك ده‌وه‌ستانه‌وه‌. له‌ئێستاشدا سیسته‌می سه‌رمایه‌داری مۆدێرنیته‌ له‌ دژی ته‌واوی كۆمه‌ڵگا شه‌ڕی راگه‌یاندووه‌. له‌ به‌ر ئه‌وه‌ش ژماره‌ی سوپاكان كه‌مكراوه‌ته‌وه‌، هێز کراوە بە هێزی گەڕۆک (مۆبیلیزه‌) كراوه‌ و شه‌ڕ بووه‌ته‌ خاوه‌نی كاراكته‌رێك ناهاوسه‌نگ. شه‌ڕ نه‌ك به‌پێی زۆری ژماره‌، به‌ڵكوو به‌گوێره‌ی پیناسه‌كه‌ گۆڕدراوه‌. ئه‌و شه‌ره‌ی پشتی به‌ ته‌كنه‌لۆژیای باڵا و هه‌واڵگری به‌ستووه‌ بووه‌ به‌ بنه‌ما. به‌ زۆری شێوازه‌كانی شه‌ڕی تایبه‌تیش به‌كارده‌هێنرێن و له‌ سه‌رووی كوشتنی فیزیكی مرۆڤه‌كانه‌وه‌یه‌، هێرش ده‌كرێته‌ سه‌ر ئه‌و به‌هایانه‌ی مرۆڤ ده‌كاته‌ مرۆڤ، به‌و شێوازه‌ ده‌كوژرێن. له‌ شه‌ڕی سه‌ده‌ی ٢١دا كه‌ وه‌ك شه‌ڕی مۆدێرن پێناسه‌ ده‌كرێت، وێڕای لایه‌نی سه‌ربازی، لایه‌نی بنه‌ڕه‌تی ئۆپراسیۆنی فریودانه‌.

گەریلایەتی شێوازی شەڕی هێزی بچووکی گەل و بندەستانە لە دژی ئەو هێزانەی لە رووی ژمارە و تەکنەلۆژیاوە زیاترن. ئەو پێناسەیە هێشتاش کارپێکراو و جێی متمانەیە. گەل، ژن و بندەستان لە سەدەی ٢١یشدا تەنیا بە شێوازی گەریلا دەتوانن لە دژی هێزە باڵادەستەکان شەڕ بکەن و سەربکەون. بێگوومان پێویستە کاراکتەرێکی ئەو سەردەمەش لەبەرچاو بگیرێت و لە پێودانگ و شێوازەکانی چالاکیدا گۆڕانکاری و سەرلەنوێ رێکخستنەوە بکرێت. پێودانگەکانی گەریلایی مائۆ هەم لە سەردەمی خۆیدا و هەم لەدوای سەردەمی خۆیشی بووە سەرچاوەی هیوای گەلان و زۆر بزوتنەوەی گەریلا بەپشت بەستن بەو پێودانگانە خۆیان رێکخست. بزوتنەوەکەی ئێمەش بە پێی ئەزمونەکانی بزوتنەوەکانی گەریلا لە ڤێتنام و چین سیستمی گەریلایی خۆی دروست کرد، شێوازی چالاکییەکانی خۆی و بزوتنەوەکەی دەستنیشان کرد. بەڵام ئێمە ئێستا لەوەها سەردەمێکداین، کە ئەوەی نەگۆڕدرێت لە بازنەکە دەکرێتە دەرەوە و بە تێپەڕبوونی کات لەناودەچێت. رێکخستنی گەریلا رێکخستنێکی نەرم و جوڵاو و پڕ لە جوڵەیە. لەهەر چرکەساتێکدا دەتوانێت خۆی لەگەڵ هەموو بارودۆخێک رابهێنێت.

ئێمەش بۆ ماوەیەکی زۆر پرسی سەرلەنوێ بونیاتنانەوەمان لەنێوان خۆماندا خستەبەر باس. پێویستی نوێبوونەوە و گۆڕانکاری تەنیا بە هۆی هێرشەکانی دووژمنەوە نەبوو، گەریلایەتی ئێمە لە سەردەمی نوێ گەریلایەتیەک نییە کە تەنیا لەسەر بنەمای پاراستن بێ. لە رێگەی کۆبوونەوە، مشتومڕی بەرفراوان و پەروەردەی سەربازییەوە، تێزێکی نوێی گەریلایەتی ئافرێنرا. بێگومان ئەوەش تەنها لە گفتوگۆ و راگۆڕینەوەدا سنوردار نەکرا، یان تەنها لە بەڵگەنامەکاندا نەمایەوە. بەتایبەتی گەریلایەتی مۆدێرنیتەی دیموکراتیک لە پراکتیک و کردەوەی ساڵی ٢٠٢١دا جێبەجێکرا، ئەو لایەنانەی کە کەموکورتیان تێدابوو دەستنیشان کراون و لایەنە بەهێزەکانیشی قوڵتر کراونەتەوە. ئێمە لەو بڕوایەداین کە ئەو تێزەی شەڕ کە وەک گەریلایەتی مۆدێرنیتەی دیموکراتیک پێناسە دەکرێت، دەبێتە بەرچاوڕوونی و ئاسۆیەکی روانینی سەرەکی بۆ گەلان، ژنان و هەموو ئەو هێزانەی دژی سیستمن. لە پراکتیکی ئەمساڵدا ئێمە بە شێوەی بەرچاو ئەنجامی گەورەمان بەدەستهێنا. بەتایبەتی بە پەروەردەی بەشەکان و پسپۆری، پرۆفیشناڵی و پیشەگەری لە گەریلایەتیدا بەروپێشچوو. شێوازی تیم و گروپ هێشتاش بە بەهێزی جێبەجێ دەکرێت. هەروەها شەڕی تونێلەکان کە لە مێژووی شەڕی ئێمەدا شتێکی نوێیە، سەرباری ئەوەش کە وەک پێویست ئامادەکاری بۆ نەکرابوو، هەروەها ئەزمونێکیشمان لەو شەڕەدا نەبوو، بەڵام بڕستی لە دوژمن بڕی و شپرزەی کرد. ئێمە لە پراکتیکی گەریلایەتی مۆدێرنیتەی دیموکراتیک لە ساڵی ٢٠٢١دا ئەنجامی ئەزمونبەخشمان وەرگرت. بەپێی ئەو ئەنجامانەی ئێمە لە پراکتیکەکەمان وەرگرتووە، بۆمان دەرکەوت کە لە ساڵی ٢٠٢٢ دا دەتوانرێت گەریلایەتیی سەرکەوتن بونیات بنرێت. هەر بۆیە دەتوانین ساڵی ٢٠٢١ وەک ساڵێک کە تیایدا هیوای سەرکەوتنی گەریلایەتی مۆدێرنیتەی دیموکراتیک بەهێز بووە، هەڵسەنگێنین. ئەوەی گەریلاکانی ئازادی سەرخست ئەوە بوو کە تازەگەرییان لە خۆیاندا کرد و خۆیان نوێکردەوە، وانەیان لە کەموکورتیی و هەڵەکانیان وەرگرت، لەبەردەم گۆڕانکاریدا کراوەبوون و تووشی چەقبەستوویی نەبوون. بێگومان بەهۆی تایبەتمەندی کۆمەڵایەتی کورد، لەسەرەتادا هەندێک دژواری و پێداگری لەسەر ویست و خواستەکانی پێشوو هاتە ئاراوە. ئاکامی ئەو مامەڵەکردنە بۆ ئێمە گرنگ بوو، لەبەر ئەوەی ئێمە قوربانی و باجمان بۆدا. بەڵام گەریلا بڕوای بە قۆناغی سەرلەنوێ بونیاتنانەوە هێنا و بە چاوی خۆی بینی کە دوژمن لەناو دەبات. بە دڵنیاییەوە ئەو سەرکەوتنە تەنیا بە هۆی رێبازی رێکخستنی، چالاکی و جموجوڵەکان نەبوو، وێڕای هەموو ئەوانە، ئەوەی گەریلاکانمان بەهێز دەکات هەڵوێستی ئایدۆلۆژیەتی، بە دەربڕینێکی تر مرۆڤ دەتوانێت بڵێت: ئاپۆگەرییە. بەر لەهەموو شتێک دڵسۆزی و وەفاداری گەریلا بۆ رێبەرایەتی، شەهیدان و هاوڕێیانە. ئەوەی گەریلا بەهێز دەکات دڵسۆزی و پەیوەستبوونیەتی بە بەهاکانی مرۆڤەکان. هیچ تەکنیکێک بەهێزتر لە مرۆڤی دڵسۆزی ئایدۆلۆژی بوونی نییە. پەکەکە ئەوەی سەرخست.

– ئەو قۆناغە بووە هۆکارێک کە لە شەڕی گەلی شۆڕشگێڕی دا گەریلایەتی ژنی ئازاد بەرەوپێش ببات. ئێوە دەستکەوتەکانی ئەو قۆناغە چۆن هەڵدەسەنگێنن. ئێوە هەڵوێستی ژن چۆن پێناسە دەکەن کە پێشتر وەک ‘خوداوەندانی سەردەم’ پێناسە کرابوون؟

گەریلاکانی یەژا ستار خاوەنی میراتێکی بەهێزی ئازادی و بەهای رەسەنی بەنرخن. مرۆڤ ناتوانێت ئەوە لە تێکۆشانی ئازادی، لە رەنج و ماندووبوون، قوربانیدان، ئێش، دژواری و تەنگوچەڵەمەکانی پێشتر لە گەریلایەتی ژنی ئازاددا روویاندا، بە جیا هەڵسەنگێنێت. لەسایەی سارا، بێریتان، زیلان و سەماکان ئێمە گەیشتینە ئەم ئاستە. ئەوە بۆ ئێمە سەرچاوەی ژیان و شەڕە. ئەو قارەمانێتیەی ژنان کە ئافرێنراون، ماندووبوونی ژنانیش بە راستی زۆر گرنگ و واتادارە. فەرماندە و گەریلا ژنەکانمان بەرپرسیارانە فەرماندەیی شەڕی ستراتیژیک دەکەن. لە زۆر گۆڕەپاندا هاوڕێیانی ژن بەرپرسیارێتی شەڕیان گرتە ئەستۆ و بە هۆشمەندی ژنەوە پلانی چالاکیان داڕشت، بە هێزی خۆیان چالاکی خوڵقێنەرانەیان ئەنجامدا. گەریلاکانمان لە یەژا ستار لە زاگرۆس، لە دامێن چیای جیلۆ. لەسەر جودی، لە چیاکانی دێرسیم، لە تەندورەک، بۆتان، ئامەد، مەتینا، هەفتانین، خواکورک، گەڤەر، گارزان و مێردین سەنگەریان پاراست، بە کردەوە و پراکتیکەکەیان سەلماندیان کە دڵسۆز و پەیوەستن بە هێڵی ژیانی ئازاد. ساڵی ٢٠٢١ لە هەمان کاتدا بۆ ئێمە لە شەڕی گەلی شۆڕشگێڕیدا بووە وەها ساڵێک کە گەریلایەتی ژنی ئازاد هێندە زیاتر باڵای نواند و کەوتەبەرچاو، چالاک بووە و سیستمی ژیان و رێکخستنی خۆی چەسپاندووە.

بە دڵنیاییەوە ئەو دەستکەوتە بێبەرامبەر و بە بێ قوربانیدان نەبوون. هاوڕێیانی هێژا و بەنرخمان لەو شەڕەدا شەهیدبوون. کچ و گەنجی هەرە ناوازەی ئەم لە پێناو ی ئەم دۆزەدا گیانی خۆیان بەخشی. لە شەڕی شکۆمەندی و ئازادیماندا هەڤاڵانێکی وەک نوژین کۆچەر، نوژین ئێرس، هیلال گۆران، دلژین ماریا، نودا ساسۆن، سۆزدار قامیشلۆ و شیلان گۆیی کە چەندین ساڵ لە ناو شەڕدا بوون و فەرماندەیی شەڕی گەلی شۆڕشگێڕییان دەکرد شەهید بوون.

ئەو ژنە ئازا و قارەمانانە خوداوەندەکانی سەردەمن. ئەوانە خوداوەندی خۆپاراستن و بەرگریی سەردەمن. خوداوەندی بە مانای ئافرێنەری، خوڵقاری و داهێنان و بەڕێوەبردن. لەو تایبەتمەندیانە زیاتر لەگەڵیاندا ژنانی ئازا و قارەمانی کورد هەبوون. هەروەها شەڕی ئێمە ڕاستییەکی وەهای هەیە؛ جەنگ فەرماندەی خۆی بۆ خۆی دروست دەکات. رێبەرەکەمان دەیان ساڵ لەمەوپێش چۆنیەتی و پێکهاتە و بناغەى بێهاوتای جەنگەکەی بۆ دەستنیشانکردین. وەک هەڤاڵان ئادیفە، کانیڕەش، ڤەروز ئۆڤاجک، ئەیلم زێوکان، سۆزدار کەربۆران و دەلال موش و ژمارەیەکی زۆر لە هەڤاڵانی گەنجمان، کە ساڵانێکی دوور و درێژ لە ناو حیزب دا نەبوون، بەڵام بە دەستپێشخەریی خۆیان لە جەنگدا، بە ڕق و تووڕەیی خۆیان لە دژی دوژمن، بەو گورزانەى لە دوژمنیانداوە زوو بوونە فەرماندە. تا کۆتایی و دوا هەناسەیان بڕوایان بە هێڵی ئازادیی ژنان هەبوو، کە گوزارشتە لە ڕێبەرایەتی، شەهیدان و هاوڕێیەتی، ئەو هەڤاڵانە لە دژی هەموو جۆرە هێرشێکی دوژمنان بەرخودان و خۆڕاگرییان کرد و بە بەهێزی پێوەرەکانی جەنگاوەربوونی پەکەکە و پاژک-یان خستەڕوو و سەلماندیان.

سەرەڕای دڵسۆزییەکی بەهێزیان بۆ هاوڕێیەتی، هەستیشیان بە جدییەتی دیدی هەڕەشەکان بۆ لە ناوبردنی رێبەرایەتی و زووتنەوەکە کرد، لە دژی ئەم هێرشانە خۆیان کردە قەڵغان. لە چالاکیی سەرلەنوێ بنیاتنانەوەی نەتەوەیەک دا لەسەر بنەمای ئازادی، بەشداریی ژنان بە ناسنامە و ئیرادەی خۆی، سەرکەوتنی ئەو نەتەوەیەیە. لە ڕاستیدا ئەوە لە کوردستان سەری هەڵداوە. لەگەڵ پێشکەوتنی گەریلایەتیی ژنانی ئازاد، پڕۆژەی سەرلەنوێ بونیاتنانەوەى زیاتر بە فیکر و بیرۆکە و پرۆژە زەقتر بوویەوە. ئەوە لایەنێکی وەهایە، کە بۆ تێکۆشانی ئازادیی ژنان وەک پێشکەوتنێکی زۆر گرنگ لێکبدرێتەوە.

سەرەڕای ئەو پێشکەوتنانە هەندێک لایەنیش هەن، کە لە دواوە ماونەتەوە و دەبێت بنبڕ بکرێن. پرسی ئازادیی گەلی کورد، کە یەکێکە لەکێشە هەرە قورسەکانی مێژوو و کێشەی ئازادیی ڕەگەزی و زایەندی هەیە، کە لەوەش گرنگترە. بۆ رۆشنبیری و کولتووری پێکەوەژیانی ئازاد، کە دەمانەوێت بنیاتی بنێین، پێویستی بە رەنج و تێکۆشانێکی هەمیشەیی و بەردەوام و قووڵبوونەوەیەکی بەهێز هەیە. ئێمە وەک گەریلاکانی یەژاستار بە بڕیار و سوورین لەسەر ئەوە، کە بۆ هەموو ژنانی جیهان ببینە هیوا، لە تێکۆشانی دژ بە سیستم دا ببینە سەرچاوەی سوودوەرگرتن و ئیلهام و ئەم مۆدێلەی ڕێکخستنبوون هەم بونیات بنێنین و هەم بڵاویشی بکەینەوە. هەرچەندە هێشتا نەمانتوانیوە لە ئاستێکی پێویستدا هەندێک گۆڕەپان و ناوچەی وەها دروست بکەین، کە ژنان بتوانن لە توندوتیژی پیاو و دەوڵەت و سوپا و هاوسەر بپارێزرێن، ئەڵتەرناتیڤ و بەدیلێک بۆ تێکۆشانێکی فراوان بۆ ژنان بئافرێنێت.

بۆ ئەوەی کار و رەنجی گەریلاکانی ژنانی ئازادمان زیاتر بە ئەنجام بگەیەنین، خۆت بگەیەنە بە هەموو ژنان و ببە بە سەرچاوەی هیوا و بڕوا، نەمانتوانی وەک پێویست تۆڕەکانی خۆپاراستنمان بڵاوبکەینەوە. بە دڵنیاییەوە پێشکەوتن و دەستکەوتی گەورە هەیە، بەڵام کاتێک ئامانجی سەرەکیی خۆمان هەڵدەسەنگێنین بۆ تێکشکاندنی سیستمی فاشیستی، ئەو کاتە دەبینین کە بەس نییە.

– دەتوانیت لەسەر چالاکیەکانی ئەمساڵ و ئەو بەهایانە، کە ئافرێنراون ئامارێکی روون و بەرچاو بڵاو بکەنەوە؟

ئێمە دەرەنجام و جەوهەری ئاماری ئەمساڵی یەژاستارمان خستووەتە ڕوو، بەڵام وەک ئامارێکی روون و بەرچاو مرۆڤ دەتوانێت بڵێت:

* ئەمساڵ ١١٤ هەڤاڵی ژن شەهید بوون

* ٥ گەریلای ژن دیلکراون

* هێزەکانی یەژا ستارمان ١١٦ چالاکییان ئەنجامداوە.

* ٢٥ چالاکیی سابوتاژ،

* ٢٢ چالاکیی نیشانە شکێنی

* ٢٤ چالاکی بە چەکی قورس،

* ١٣ چالاکی بە چەکی تایبەت،

* ٢ چالاکیی چوونە سەر دوژمن

* چالاکییەکی هێرش

* چالاکییەکی بۆسەدانان

* ئەوانی تریش چالاکی بە چەکی هەستگری گەرمیگر، چەکی نیمچە ئۆتۆماتیکی و چەکی تاکەکەسی ئەنجام دراون.

لە ئەنجامی ئەو چالاکییانەدا ئەم زیانانە بە دوژمن گەیشتوون،

* ١٣٦ سەربازی دوژمن کوژران.

* کۆنترایەک و دوو جەردەوان سزادراون.

* ٣٨ سەرباز برینداربوون.

* ٢ ئۆتۆمبێلی زرێپۆش لە جۆری کیرپی تێکشکێنراون.

* ئۆتۆمبیلێکی جۆری ئامۆرۆگ، ئۆتۆمبیلێکی جۆری ترانزێت، ئۆتۆمبیلێکی جۆری ڕیۆ و بارهەڵگرێک تێکشکێنراون.

* گورز لە ٥ کۆپتەری هێرشبەر دراوە.

* چەکێکی ئەی ٤، ١٧ سەنگەر، وێستگەیەکی پەیوەندی، سیستمێکی کامێرای چاودێریی سەربازی، فڕۆکەیەکی بێفڕۆکەوان و حەفارەیەک تێکشکێنراون.

– هێزەکانی یەژاستار بۆ ژنان هەم لە رۆژهەڵاتی ناوەڕاست و هەم لە ئاستی جیهانیدا بەها و نرخێکی زۆریان بۆ ژنان ئافراندووە. ئەو دۆخە، رێنوێنیی تێکۆشانی ئازادیی ژنان لە کوردستان زیاتر گرنگتر کردووە، لەسەر بنەمای تێکۆشانی ژنان پەیامی ئێوە بۆ ژنان لە ساڵی نوێ دا چییە؟

کەممان ماوە بۆ چوونە ناو ساڵی نوێ. پێش هەموو شتێک، ئێمە ساڵی نوێ لە ڕێبەرمان، گەلەکەمان، گەلان و ژنان پیرۆز دەکەین. بۆ زیندانیانی ئازادی، کە لە زیندانەکە سەبر و ئارامگرتنیان بۆ دەخوازم و و دەڵێین، با بڕوا بکەن، کە بە دڵنیاییەوە ئێمە ئەوان لەو ناو ئەو دیوارانەدا رزگار دەکەین و ساڵی نوێیان لێ پیرۆز دەکەین. من لەو بڕوایەدام، کە ساڵی نوێ دەبێتە ساڵی ئازادی بۆ گەلان و ژنان، داواش لەو هێزانە دەکەم، کە دژی سیستم تێدەکۆشن، با تێکۆشانەکەیان بکەنە تێکۆشانی هاوبەش. بێگومان ئەوەی ساڵ نوێ دەکاتەوە، میتۆد و شێوازی فیکری و بۆچوونی ئێمەیە بۆ ساڵ، ئەو مانا و بەهایانەیە، کە دەیدەینە ساڵ. سەبارەت بە ساڵی ڕابردوو، سەرباری ئەوەى ژمارەیەک کێشەمان چارەسەر کردووە، هەندێک ڕاستیش هەیە، کە نەمانتوانیوە هەندێکیان چارەسەر بکەین و بۆ ساڵی ٢٠٢٢ ماونەتەوە. ڕاستیەک، کە لەلایەن هەموو کەسێکەوە قبوڵکراوە، ئەوەیە کە لە ساڵی ٢٠٢١دا هێزەکانمان زۆر بە گەورەی و بە بەهێزی بەرخۆدانیان کردووە، بەڵام ئەم بەرخۆدانە بە تەواوی هەڕەشەکانی سەر ڕێبەرایەتی و بزووتنەوەکەمان پێچەوانە نەکردووەتەوە.

بۆ سەرکەوتن نابێت تەنها لە لایەکەوە بەرخۆدان ئەنجام بدرێت، بەڵکو لە گۆڕەپانی سیاسی، کۆمەڵگەیی، دیپلۆماسی، رۆشنبیری و راگەیاندنیشدا دەبێت شەڕی گەلی شۆڕشگێڕی تاکە رۆژەڤ و بەرنامە بێت. شەڕی گەلی شۆڕشگێڕی جەنگێک نییە، کە تەنیا لە لایەن گەریلاکانەوە بەرپا بکرێت و بەڕێوەبچێت. لەماوەی ساڵدا زۆر باسمان لەم بابەتە کردووەوە لە چەند لایەنەوە چارەسەرکراوە. پێش هەموو شتێک ئەم هێرشە هێرشە ئایدیۆلۆژییە. لەو کاتەدا دەبێت تێکۆشانی ئێمە لە دژی ئەوە بە زۆری لە رووی ئایدیۆلۆژییەوە چڕ و دەوڵەمەند و فرە شێواز بێت. ئێمە لە قۆناغێک و پڕۆسەیەکدا نین، کە بە ئاسایی لە دۆخەکە نزیکبینەوە. لەبەر ئەوە، بە هێز، باوەڕ بە دەستکەوتەکانی تێکۆشانەکەمان، پێویستە ئێمە ساڵێکی نوێ دەستپێبکەین.

پێش هەموو شتێک هێشتا بارودۆخی رێبەرکەمان جددییە. لەچوارچێوەی ئازادیی ڕێبەرەکەماندا ئەرکی سەرەکیی پرۆسەکە ئەنجامدانی چالاکییە. لەو بوارەدا نەک تەنها گەلی کورد و ژنانی کورد، بەڵکو دەبێت گەلانی تورکیا و گەل و ژنانی جیهان بەشداری لەو تێکۆشانەدا بکەن. دەبێت سیاسەتی داڕمانی دەسەڵات بە توندی و بە هێزی دەستنیشان بکرێن. بەتایبەتی ڕێکخستنە بنەڕەتییەکانی ئێمە خۆیان لەدەوری رۆژەڤی سەرەکیدا خۆیان ڕێکبخەن و چالاکی ئەنجام بدەن. جەنگ، بێکاری، هەژاری، لەشفرۆشی، سیخوڕی و سیاسەتی مادەهۆشبەرەکان بە خێرایی لە کات و شوێنی خۆیدا ریسوا بکرێت و بە خێرایی رێوشوێنی بەدیل و ئەڵتەرناتیڤی پێویستی لە دژ بگیردرێتەبەر. بێگومان دەبێت ئێمە ڕێگە بەو سیاسەتانە نەدەین، کە نکۆڵیکردن و بێ ناسنامەیی قوڵ دەکەنەوە و و هەوڵ دەدەن بەهاکانمان پارچە پارچە و پیس بکەن.

لەگەڵ ئەوەشدا پێویستە ئاسایشی گەلەکەمان و ژنان لە دژی سیاسەتەکانی فاشیزم مسۆگەر بکرێت. لەو بارەیه وه هۆشداری جدی لەلایەن رێبەرکەمانەوه هەیه. بۆیە زۆر گرنگە کە لەگەڵ دروستکردنی هۆشمەندیی بەرگریکردن لە خۆ، ئامرازەکانی ئەو کارەش دروستبکرێن و بە ڕێکخستن بکرێن. پێویستە ژنان و گەل لە هەموو بوارەکانی ژیاندا ڕێکبخرێن. دەبێت ئەو ئەرکانەی ساڵی ٢٠٢١مان تەواو بکەین، کە نیوەدا ماونەتەوە و پێویستە بەرپرسیارێتیەکانمان جێبەجێ بکەین. پێش هەموو شتێک دەبێت فاشیزمی ئاکەپە – مەهەپە و هەموو هێزە داگیرکەرە فاشیستەکان بە شێوەیەکی مێژووی تێکبشکێنرێن.

ئێمە بە بڕیاری تێکشکاندنی دوژمن لە کوردستاندا ساڵی ٢٠٢٢ دەستپێدەکەین. ئێمە لەو بڕوایەدیان، کە سەرکەوتن بۆ گەریلاکانی ئازادی، ژنان و گەلانی خۆڕاگر و بەرەنگارە دەبێت.

دەرچە میدیا

Top Menu

Main Menu

چەولیک: ئەمە دوایین زستانی ئاکەپە و مەهەپەیە – بەشی ١ و ٢

دەرچە

دەرچە میدیا

Top Menu

Main Menu

چەولیک: ئەمە دوایین زستانی ئاکەپە و مەهەپەیە – بەشی ١ و ٢

بەشی یەكەم

بابەتی پەیوەندیدار

بابەتی پەیوەندیدار