کاردانەوەکان دژی سزای سێدارەی پەخشان عەزیزی لەلایەن دادگای باڵای ڕژیمی ئێرانەوە دەستی پێکرد.
دوابەدوای ئەرێ‌کردنی سزای سەپێندراوی سێدارەی پەخشان عەزیزی لەلایەن دادگای باڵای ڕژیمی ئێرانەوە کاردانەوەکان دژی ئەو بڕیارە دەستی پێکرد. نەرگس محەمەدی زیندانی سیاسی و براوەی خەلاتی نۆبلی ئاشتی، رایگەیاند سزای سێدارەی سەر پەخشان عەزیزی تۆڵەکردنەوەیە لە شۆرشی ژن ژیان ئازادی.
نەرگس محەمەدی ڕۆژی چوارشەممە ١٩ی بەفرانبار، لە پەیامێکدا لەسەر لاپەڕەکەی لە پلاتفۆرمی ئینستاگرام نووسی: رژێمی ئێران بە لەسێدارەدانی ژنان دەیەوێت سیاسەتی ترساندنی کۆمەڵگە بگەیەنێتە ئاستی هەرە بەرز و ئەو پەیامە بدات کە بەو شێوازە تۆڵەتان لێدەکەمەوە.
ئەو چالاکوانەی مافی مرۆڤ داوای لە خەڵکی ئێران، ئازادیخوازانی جیهان، ناوەندەکانی مافی مرۆڤی نێودەوڵەتی و رێکخراوی نەتەوەیەکگرتووەکان کردووە بیدەنبگ نەبن و بە یەکەوە دەنگی خۆیان دژی سزای سێدارەی سەر زیندانیان بڵند بکەن.
