گەنجێكی لوڕی بە ناوی ئیمان حەسەن، دوای مانەوەی ١١٤ ڕۆژ لە بەندیخانە لە ژێر ئەشكەنجەدا گیانی لەدەست دا.
ئیمان حەسەن وەند تەمەن ٣٠ ساڵى خەڵكی خوڕمئاوای لوڕستان، دوای مانەوەی ١١٤ ڕۆژ لە بەندیخانە لە ژێر ئەشكەنجەى هێزە سەركوتكەرە ئەمنیەکانى ئێران گیانی لەدەست دا.
ڕۆژی شەممە ز١٣ \ ١ \ ٢٠٢٤ لە لایەن ئیدارەی ئاگاهی تارانەوە بنەماڵەی حەسەن وەند ئاگادار كراونەتەوە لەوەی كوڕەكەیان گیانی لەدەست داوە و هۆشدارییان پێداون لەوەی نابێت لە میدیا بڵاوبكرێتەوە.
١١٤ ڕۆژ لە مەوبەر، هێزە ئەمنییەكانی ئێران چوونەتە گەڕەكەكەیان و توندوتیژیان بەكارهێناوە و بە برینداری ئەو گەنجە دەستگیركراوە، هەر لەو نێوەندەدا لاوێكی دیكەی لوڕ لە كاتی هاتنی هێزە ئەمنییەكان ڕایكردووە و دوو گولەیان بەسەرییەوە ناوە و دەستبەجێ گیانی لەدەست داوە.
