كۆماری ئیسلامی ١٦ مانگ سزای زیندانی بەسەر مامۆستا حسەین عەلی مورادی، بەرپرسی قوتابخانەی زانستە ئایینییەکانی ئیبراهیم خەلیلوڵڵا -ی سنە، سەپاند
تۆڕی مافەکانی مرۆڤی کوردستان بڵاوی کردەوە: مامۆستا حسەین عەلی مورادی، بەرپرسی قوتابخانەی زانستە ئایینییەکانی ئیبراهیم خەلیلوڵڵا -ی سنە، لە لایەن دادگای تایبەتی مەلاکانی هەمەدانەوە سزای ١٦ مانگ زیندانیی بەسەردا سەپێندرا،بە تۆمەتی (هەوڵدان بۆ تێکدانی ئاسایشی نیشتمانی) و (بانگەشەی دژ بە حکومەت)
ئەم مامۆستایە پێشتر و لە دۆسییەیەکی دیکەدا بە تۆمەتی «شێواندنی ڕای گشتی» هەر لە لایەن ئەم دادگایەوە سزای ٢ ساڵ بەندکرانی هەڵپەسێردراوی بەسەردا سەپابوو.
