ئۆپەڕاسیۆنی پۆلیسی ئەڵمانیا لە دژی ناوەندە ئیسلامییەکانی سەر بە ئێران
وەزارەتی ناوخۆی حکوومەتی فیدڕاڵی ئەڵمانیا ڕایگەیاند کە ڕۆژی پێنجشەنبە ١٦ نوامبر (٢٥ی خەزەڵوەر)، پۆلیسی ئەو ولاتە لە ئۆپەراسیۆنێکدا هێرشی کردووەتەوە سەر “ناوەندی ئیسلامیی هامبورگ” و پێنج گرووپی پەیوەندیدار بەو ناوەندە کە سەرجەمیان سەر بە کۆماری ئیسلامی ئێرانن.
دەگوترێت ناوەندی ئیسلامیی هامبورگ لە سێ دەیەی ڕابردوودا لە ژێر چاودێریی دەزگای پاراستن و تەناهی ناوخۆیی ئەڵمانیادا بووە.
بە گوتەی وەزارەتی ناوخۆی ئەڵمانیا ئەو ئۆپەڕاسیۆنە لە هەر یەکە لە هەرێمەکانی “هامبورگ، نیدێرزاکسن، هێسێن، بێرلین، بادن ڤوتێنبێرگ و نۆردراین‌ڤێستفاڵێن” بە شێوەی هاوکات بەڕێوەچووە.
