لە شاری سنە مەراسیمی یادکردنەوەی شەهیدانی شۆڕشی ژن ژیان ئازادی بەڕێوەچوو
ئەمڕۆ پێنج‌شەممە ٢٤ی خەزەڵوەر لەگۆڕستانی “بەهەشت محەمەدی”ی شاری سنە، بنەماڵەی شەهیدانی شۆڕشی ژن ژیان ئازادی، مەراسیمێکی یادکردنەوەی پۆلێک لە شەهیدانی شۆڕشیان بەڕێوەبرد.
لە مەراسیمەکەدا یادی شەهیدان ئارام حەبیبی، عیسا بیگلەری، زانیار ئەلڵامورادی و شەهیدانی تری شۆڕش، بەڕێزەوە بەبیر هێندرانەوە.
لە مەراسیمەکەدا شان بەشانی بنەماڵەی شەهیدان ئازادیخوازان و جەماوەرێکی بەرفراوان ئامادەبوون و جارێکیتر بەڵێنی درێژەدان بە ڕێگا و ئامانجی شەهیدانی ڕێگای ئازادی دووپات کرایەوە.
