خەڵکی گرکێ‌لەگێ نەیانهێشت گەشتی هاوبەشی چەکدارانی ڕووسیا و تورکیا ئەنجام بدرێت؛ سەربازانی ڕووسی ژنێکی گەنجیان بریندار کرد
Screenshot
خەڵکی گرکێ‌لەگێ نەیانهێشت گەشتی هاوبەشی چەکدارانی ڕووسیا و تورکیا ئەنجام بدرێت؛ سەربازانی ڕووسی ژنێکی گەنجیان بریندار کرد
سەرلەبەیانیی ئەمڕۆ، ئەمڕۆ پێنجشەممە ٨ی خەرمانان (٢٩ی ئاگۆست) هێزەکانی ڕووسیا هەوڵیاندا بە مەبەستی ئەنجامدانی دەورییەکی هاوبەش سوپای تورکیا بگوازنەوە بۆ ناوچەکە و لە گوندی دێرنەئاخا لە باکووری شاری گرکێ لە کانتۆنی جەزیرە دەورییەکی هاوبەش دەست پێبکەن.
بەڵام دانیشتووانی ناوچەکە ناڕەزایەتیان دەربڕی بەرامبەر بەو هەوڵەی ڕووسیا و ڕێگرییان لەو دەورییە گرت.
لە بەرامبەر بەرخۆدانی خەڵکدا هێزەکانی ڕووسیا چەندین جار فیشەک و بۆمبی گازییان ئاڕاستەی خۆپیشاندەران کرد.
هەروەها ئۆتۆمبیلێکی زرێپۆشی ڕووسیا ژنێکی گەنجی تەمەن ٣١ ساڵانی شێلا و برینداری کرد.
ئەو ژنە گەنجە کە ناوی “ئەڤین عیسا”یە قاچی شکاوە و ئێستا لە نەخۆشخانە لەژێر چاودێریی پزیشکیدایە.
خۆپیشاندەران ڕێگەیان نەدا دەورییەی تورکیا بچنە ناوچەکە و ئەو دەورییە ئەنجام بدات.
