وریشە مورادی، ئەمڕۆ لە دانیشتنی دووەمی دادگا ئامادە نابم، دژی سەپاندنی سزای لەسێدارەدان بەسەر پەخشان عەزیزی و شەریفە محەمەدیدا
وریشە مورادی، چالاکوانی مافەکانی ژنان و زیندانی سیاسیی کورد ڕایگەیاند، دژی سەپاندنی سزای لەسێدارەدان بەسەر پەخشان عەزیزی و شەریفە محەمەدیدا، ئامادە نییە بەشداری لە دانیشتنی دووەمی دادگا، کە بڕیارە ئەمڕۆ بەڕێوە بچێت، بکات.
چالاکی مافی ژنان و ئەندامی کۆمەڵەی ژنانی ئازادی ڕۆژهەڵاتی کوردستان-کژار و زیندانییەکی سیاسی لە زیندانی ئەوین وریشە مورادی، بەرگرینامەیەکی بڵاوکردەوە و ڕایگەیاند، دژی سەپاندنی سزای لەسێدارەدان بەسەر چالاکوانان پەخشان عەزیزی و شەریفە محەمەدی، ئامادە نییە بەشداری بکات لە دانیشتنی دووەمی دادگاییکردنیدا، کە بڕیارە ئەمڕۆ لە لقی ١٥ی دادگای ئینقلابی ئیسلامی تاران بەڕێوە بچێت.
