دەسەڵاتدارانى ڕژێمی كۆنەپەرستی ئیرانی تەرمەكان ڕادەستی خانەوادەكانیان ناكاتەوە.
دوای لەسێدارەدانى چوار گەنجی كوردی ڕۆژهەڵاتی كوردستان لە لایەن ڕژێمی ئێرانەوە، لە ئێستادا دەسەڵاتدارانى ڕژێم تەرمەكان ڕادەستی خانەوادەكانیان ناكاتەوە.
میدیاكانی ڕۆژهەڵاتی كوردستان بڵاویانكردووەتەوە، دوای لە سێدارەدانی هەر یەك لە ” وەفا ئازەربار، موحسین مەزڵوم، پژمان فەتحی و محەممەد فەرامەرز “، دەسەڵاتدارانی ئێران بە خانەوادەكانیانی ڕاگەیاندووە چاوەڕێی تەرمەكانیان نەبن.
ئاماژە بەوەش كراوە، لەلایەن ئێرانەوە لە شوێنێكی نادیار تەرمی هەر چواریان ئەسپەردەی خاك كراوە و پەیام دراوە بە خانەوادەكانیان چاوەڕێ نەبن تەرمەكانیان پێ بدرێتەوە.
كاردانەوە جیهانی و ناوخۆیی و هەرێمییەكان، لەسەر لە سێدارەدانی هەر چوار كوردەكەی ڕۆژهەڵاتی كوردستان بەردەوامی هەیە و ویلایەتە یەكگرتووەكانی ئەمریكا لەسەر ئەو پرسە هۆشداری بە ئێران داوە.