دادگای فیدڕاڵیی بۆ تاوتوێکردنی سکاڵاکەی سەرۆکوەزیرانی عێراق لەبارەی یاسای بودجە کۆئەبێتەوە
دادگای فیدڕاڵیی عێرق، لەبارەی ئەو سکاڵایە کۆئەبێتەوە کە سەرۆک وەزیرانی وڵاتەکە، لەبارەی ١٢ ماددەی یاسای بودجەوە کردویەتی.
ئەمڕۆ سێ شەممە، بەگوێرەی بەرنامەی کۆبوونەوەکانی دادگای فیدڕاڵیی، لەبارەی ئەو سکاڵایە کۆئەبێتەوە کە محەمەد شیاع سودانیی، سەرۆک وەزیران دژی یاسای بودجە تۆماریکردوە.
محەمەد شیاع سودانیی سەرۆک وەزیرانی عێراق، تانەی لە ١٢ ماددەی یاسای بودجەداوە و رایگەیاندوە، گۆڕانکارییەکانی پارلمان کە لە یاسای بودجەدا کردونی، دەستوەردانن لە دەسەڵاتی جێبەجێکردن، بۆیە داوای لە دادگای فیدڕاڵیی کردوە گۆڕانکارییەکان ھەڵبوەشێنێتەوە.
