بەپێی ئامارە سەرەتاییەكانی دەرەوەی وڵات كەمال كڵچدار ئۆغڵو كاندیدی هاوپەیمانی میللەت لە پێش ڕەجەب تەیب ئەردۆغانی كاندیدی هاوپەیمانی كۆمارەوەیە
سندوقەكانی دەنگدانی دەرەوەی وڵات بۆ توركیا گواسترانەوە و بەپێی ئامارەكانی كۆمسیۆن، ئەو سندوقانە دەنگی ملیۆنێک و ٦٩١ هەزار و ٥٣١ دەنگدەری دەرەوەی وڵاتی تێدایە.
هەموو دەنگەکانی، دەنگدەرانی هەڵبژاردنی سەرۆککۆماری و پەرلەمانی دەرەوەی وڵات بۆ تورکیا گواسترانەوە، دەنگەکان لەگەڵ شاندی دیپلۆماسی گەیەندرانە ئەستەنبوڵ، دواتر لە رێگەی زەمینیەوە بۆ ئەنقەرە دەگوازرێنەوە.
بۆ سێ ملیۆن و ٤١٦ هەزار و ٩٨ دەنگدەری وڵات، لە ٧٣ وڵات و ١٥٦ نوێنەرایەتی دەرەوەی وڵات، سندوق دانرابوون، دەنگدانی دەرەوەی وڵات لە ٢٧ی نیسان دەستیپێکرد و لە نۆی مانگ كۆتایی هات.
بەگوێرەی ئامارە فەرمییەکانی کۆمسیۆنی هەڵبژاردن، ملیۆنێک و ٦٩١ هەزار و ٥٣١ کەس دەنگیان داوە، كە دەكاتە ڕێژەی نزیکەی ٥٠٪.
بۆ هەڵبژاردنی ١٤ی ئایاری پەرلەمان و سەرۆكایەتی توركیا دوو ڕۆژی ماوە و بەپێی ئامارەكان كەمال كڵچدار ئۆغڵو كاندیدی هاوپەیمانی میللەت لە پێش ڕەجەب تەیب ئەردۆغانی كاندیدی هاوپەیمانی كۆمارەوەیە.
