ئەمڕۆ ١٢٥ ساڵ تێدەپەڕێت بەسەر دەرچونی یەكەم ژمارەی ڕۆژنامەی كوردستان
ئەمڕۆ 22ی نیسان، ماوەی 125 ساڵ تێدەپەڕێت بەسەر دەرچوونی یەكەم ڕۆژنامەی كوردی بەناوی “ڕۆژنامەی كوردستان” کە بە زمانی كوردی كرمانجی بوو، هەرئەوەش بووە هەوێنی لەدایكبوونی سەدان ڕۆژنامە و كەناڵی ڕاگەیاندن لە هەر چوار پارچەی كوردستان.
دوای تێكچوونی شۆڕشی بەدرخانیەكان لە ساڵی ١٨٤٧دا، دەوڵەتی عوسمانی بەدرخانیەكانی لە هەرێمی بۆتانی باكوری كوردستانەوە بۆ ئەستەنبۆڵ و میسر و یۆنان و چەند وڵات و دوورگەیەكی دیكە دوورخستەوە و بەم شێوەیە ئەم بنەماڵە شۆڕشگێڕەی كورد پەرش و بڵاوبوونەوە، بەڵام بەدرخانییەكان بە دەستبەرداربوون لە شۆڕشی چەكداری نەوەستان و بۆ خزمەت كردن بە گەلی كوردستان، بۆیە خەباتی مەدەنییان گەشەپێدا و میقداد مەدحەت بەدرخان ڕێگایەكی دیكەی تاقیكردەوە. ئەویش خزمەتكردنی كلتور و زمان و ناساندنی مێژووی نەتەوەی كورد بوو لەڕێی كاری ڕۆژنامەگەرییەوە.
میقداد مەدحەت بەدرخان لە یەكەمین ژمارەی ڕۆژنامەی كوردستان دا دەڵێت: ” من ڕۆژنامەیەكم بە ناوی كوردستان دەركرد، ئامانجم لەم كارە ئەوەیە، كە گەلی كورد لە بوارەكانی كلتوری، سیاسی، زمان، ئابوری و زانستەوە هۆشیار بكەمەوە”.