لە پەیامێكدا ئەندازیارێکی ژیۆلۆژی حكومەتی هەرێمی ئاگادار كردەوە لە وشک بوونی زێی بچووک لەلایەن ئێرانەوە،
ئەندازیارێکی ژیۆلۆژی لەپەیامێکدا سەبارەت بە وشک بوونی زێی بچووک لەلایەن ئێرانەوە، هۆشداری دا بە بەرپرسانی حکومەتی هەرێم.
نەجمەدین سەرگەتی، ئەندازیاری ژیۆلۆژی دەڵێت: “فریاکەون، بەڵام تازە زۆر درەنگە، زێی بچوک بەتەواوی خنکا، دەمێکە داد و بێدادمانە و کەس گوێی نەگرت.”
ئەو ئەندازیارە لە پەیامەکەیدا رونی کردۆتەوە ئێران ئاوی ڕووباری گلاس کەڵوێ، کە سەرچاوەی سەرەکی زێی بچوکە، بە تونێلێکی ٣٥ کیلۆمەتری ، دەگوازێتەوە بۆ دەریاچەی ئورومیە.
سەرگەتی هۆشداری دەدات و دەڵێت، جگە لەوەی کە بەنداوی دوکان وشک دەکات، سەدان گوند و شارۆچکەی کوردی هەرێمی ئورمیە بێ ئاو دەبن.
نەجمەدین سەرگەتی ئاشکراشی کردووە، پرۆژەکەی ئێران بۆ ماوەی ١٢ ساڵە کاری تێدا دەکرێت و پێویستە حکومەت و لایەنە پەیوەندیدارەکان هەنگاوی خێرا بنێن، بۆ زرگارکردنی بەنداوی دوکان.
