لە هەولێر هێرشدەکرێتە سەر رۆژنامەنووسێک

کوردستان, گرنگ

نووسەردەرچە

نیسان 17, 2023

307

0

دووکەس لە شاری هەولێر، هێرشدەکەنە سەر رۆژنامەنووسێک و برینداریدەکەن، کەناڵەکەش رایدەگەیەنێت: دوای جنێودان و سوکایەتی کردن، بە لێدان تیمەکەمان ناچارکراوە دەستلەکارەکەیان هەڵبگرن.

ئەمڕۆ دووشەممە ١٧/٤/٢٠٢٣ کەناڵى کەى ئێن ئێن راگەیەنراوێکى بڵاوکردەوە و تیایدا هاتووە:پێشنیوەرۆی ئەمرِۆ 17 نیسانى 2023، لەناو بازاڕی شاری هەولێر لە کاتی ئامادەکردنی راپۆرتێکی رۆژنامەوانی، دوو کەس بەتوندی و هێرشیان کردوەتە سەر پەیامنێر و وێنەگری کەناڵەکەمان، دوای جنێودان و سوکایەتی کردن، بە لێدان تیمەکەمان ناچارکراوە دەستلەکارەکەیان هەڵبگرن.

کەناڵی KNN لە راگەیاندراوەکەدا ئیدانەی ئەو هێرشە بۆ سەر رۆژنامەنووسەکەیان دەکات و دەڵێت، ئەم کارە دامودەزگا ئەمنیەکانی پارێزگای هەولێر دەخاتە بەردەم بەرپرسیارێتی و بۆ پاراستنی گیان و سەلامەتی تیمەکانیان و لێپرسینەوەى یاسایی لە بکەرانی ئەم تاوانە بکرێت، هەروەها چاوەڕوانی دەرئەنجامی لێکۆڵینەوەکان و بڕیاری دادگا دەکەن.

دەرچە