لە ستێرك تیڤی وەرگیراوە
کریس ڤان هۆڵین سیناتۆری ویلایەتی ماریلاندی ئەمریکا، لەبارەی هێرشەکەی سەر فڕۆکەخانەی سلێمانی دەڵێت: ئەو هێرشە جێگەی قبوڵکردن نییە، داوا دەکات لێپرسینەوە لە ئەنجامدەرانی بکرێت.
سیناتۆر کریس ڤان هۆڵین، لە ڕێگەی تویتێکەوە ڕایگەیاند: هێرشەکەی سەر فڕۆکەخانەی سلێمانی ژیانی سەربازە ئەمریکیەکان و قەسەدە و جەنراڵ مەزڵومی هاوپەیمانە گرنگەکانی ئێمەی خستە مەترسیەوە ئەمە جێی قبوڵکردن نییە.
ئەو سیناتۆرە جەختی لەوەش کردەوە، کە دەبێت لێکۆڵینەوەی جدی بکرێت و بکەرانی پشت ئەو ڕووداوە لێپرسینەوەیان لێ بکرێت.
ئێوارەی ڕۆژی هەینی ڕابردوو، فڕۆكەخانەی نێودەوڵەتی سلێمانی كەوتە بەر هێرشی ئاسمانی دەوڵەتی داگیركاری تورک، هێرشەكە هیچ زیانێكی گیانی و مادی لێنەكەوتەوە، ئەوەش کاردانەوە و نیگەرانی نێودەوڵەتی بەدوای خۆیدا هێنا و بەتوندی ئیدانەی ڕووداوەکە کرا.