پەیامی تەڤگەری ئازادیی بەبۆنەی ٤ی نیسان، ڕۆژبوونی ڕێبەر ئاپۆ

کوردستان, گرنگ

نووسەردەرچە

نیسان 3, 2023

306

0

ساڵڕۆژی لەدایکبوونی ڕێبەری ئاشتی و ئازادی گەلان عەبدوڵڵا ئۆجالان بەڕێزەوە پیرۆز دەکەین، ٤ ی نیسان ساڵیادی لەدایکبوونی بەرزە بیرمەندێکی مرۆڤایەتییە کە ڕەنجێکی گەورەی لەپێناو ئازادی گەلی کورد و ئازادی ژنان و گەلانی ڕۆژهەڵاتی ناوەڕاستدا داوە، لەپێناو ڕزگارکردن و پاراستنی و هەبوونێکی سەروەر و شکۆمەندانە هەموو ژیانی خۆی پێشکەشی ئازادی گەلی کورد و مرۆڤایەتی کردووە، لەو خاکە پیرۆزەی کە بۆ یەکەمین جار نەریتی ژیانی کۆمیناڵی و خوداوەندی دایک تێیدا چەکەرەی کردووە، لە شوێنێک کە شوێنگەی پێغەمبەران و چاوگی ژیان بووە و فەرهەنگ و شارستانی پێشکەوتووە، لە ژینگە و سروشتێکی ئاوادا حەفتا و پێنج ساڵ لەمەوبەر مرۆڤێک دێتە دونیاوە لە ٤ نیسانی ١٩٤٨ لە خێزانێکی هەژار و ڕەنجکێشی گوندی ئامارای سەر بە شارۆچکەی خەلفەتی ئورفای باکووری کوردستان، ئەو شوێن و جوگرافیایەی کە لە مێژووی مرۆڤایەتیدا خاکەکەی گەلەکەی و کولتوورە ڕەنگینەکەی ڕووبەڕووی سەخت ترین سیاسەتی نکۆڵی کردن و لە ناوبردنی کولتووری بووەتەوە لەلایەن سیستەمی داگیرکارییەوە، لەو سەردەمانەدا کە دەیان سەرهەڵدانی گەلی کورد لەپێناو بوون و مانەوەی نەتەوەییدا بە دڕندانەترین شێوە کۆمەڵکوژ کرابوون و سەرکردەکانیان بە پیلانگێڕی و بێ بەختی و خیانەت لە نێو برا بوون تارمایی و بێدەنگییەک تاک و کۆمەڵگەی لە باکووری کوردستان تا لێواری مەرگ هێنابوو، بە جۆرێک هەر کوردێکی گەیاندبوو بە بێهیوای و بێ ئیرادەییەک کە شەرم لە ناسنامە و بوونی خۆیی بکات، لەسەرزمین و هەلومەرجێکی ئاوادا عەبدوڵڵا ئۆجالان وەک خۆرێک ڕووناکی دەداتە دونیای تاریکی کوردان و دێتە دونیاوە وەک ڕێبەرێک سەر هەڵدەدات و ڕۆژ بە ڕۆژ گەورە دەبێت و کۆڵ نادات دەکەوێتە شەڕ و ململانێ لەگەڵ دابوو نەریتە دواکەوتووەکانی کۆمەڵگە و سیستەمی دەوڵەت گەرای جیهانی و زیهنیەتی دەوڵەتی فاشیستی تورکیا، هەر لە سەردەمی منداڵی و تا پێ گەیشتنی لە لێ گەڕین و بەدواداچووندا دەبێت و کێشەکانی کۆمەڵگە و کوردبوون لە خۆیدا شی دەکاتەوە، بە گەیشتن بە قۆناخی زانکۆ دروستکردنی گرووپی ئایدیۆلۆژی پێشەنگیەتی کردنی گرووپی لاوانی شۆڕشگێڕ تا دەگات بە دامەزراندن و بنیاتنانی بزووتنەوەی ئازادی گەلی کورد (پەکەکە) لە ساڵی ١٩٧٨ لە ناو زەحمەتی و سەختییەکی بێوێنەدا کە هەر لە ژیانکردنی موعجیزەئاسای پێغەمبەران دەچێت تێکۆشانێکی شکۆمەندانە دەست پێ دەکات جیاواز لە هەموو ئەو ڕێبەر و بزووتنەوانەی لە ڕابردوو پێشەنگییان کردبوو، کاروانێکی پڕ ڕێبواری خاوەن ئیرادە و فیدا کار دەخاتە سەر ڕاستە ڕێی تێکۆشان بە بیر و فەلسەفەی ئازادی ژنی ئازاد و کەسایەتی سەردەم و ڕێبازی بەرخودانی سەردەمیانە دەخولقێنێت لەپێناو پاراستن و ڕزگارکردنی هەبوونێکی شکۆمەندانە هەموو ژیانی خۆی پێشکەشی ئازادی گەلی کورد کرد دەکات و هەموو شتێک دەخاتە خزمەت دۆزی ئازادی گەلی کورد، لەبەرامبەر شاڵاوی لەناوبردن و سڕینەوەی نەتەوەیدا ڕێبەرایەتییەکی نوێ و تەڤگەرێکی ئازادیخوازی شۆڕشگێڕ بەگوێرەی ئەو هەلومەرجانە ڕێک دەخات و لە ڕێباز و تێکۆشانیدا ژیانی ئازادی بۆ هەموو کوردان و پێکهاتە و گەلان بە بنچینە وەردەگرێت و دەبێتە قەڵای بەرگری لە مافی کورد، ئیدی بە بیر و ڕامان و فەلسەفە ئازادیخوازەکەی و بە بەرخۆدانی شۆڕشگێڕانە هەموو ئەو پیلانگێڕی و هاوسەنگییانەی تێک و پێکدا کە سەپێنرابوون بەسەر گەلی کورددا، لەبەرامبەر کەسایەتی تەسلیم بوو بێهیوادا کەسایەتی نوێ و ئازاد و کۆمەڵگەی دیموکراتی پێش خست بەوەش وەرچەرخان و پێشکەوتنێکی مێژووی و مەزنی لە هێڵی تێکۆشانی گەلی کورد و گەلانی ڕۆژهەڵاتی ناوەڕاستدا هێنایە ئاراوە، هەر ئەوەش بوو سەرجەم هێزە پاوانخواز و دەسەڵاتدارەکانی هێنایە لای یەک بۆ ئەنجامدانی پیلانگێڕی ١٥ی شوباتی ١٩٩٩ لە دژ بە بزووتنەوەی ئازادیخوازی گەلی کورد و ڕێبەرایەتییەکەی، بۆیە درک پێکردن و ناسینی ژیان و تێکۆشانی ئەو ڕێبەرایەتییە، قووڵ بوونەوە و تێگەیشتنە لەو فیکر و پارادایمە نوێیەی بووەتە ڕێباز و مانیفیستۆی گەلانی چەوساوە و بە ملیۆنان مرۆڤی ئازادیخواز، لەبەرامبەردا بەر پرسیاریەتی تێکۆشانی ئەخلاقی ویژدانی دەخاتە سەر شانی مرۆڤایەتی و ژنان و گەنجان و ئازادیخوازان کە لە هەموو ئاستەکاندا بەرخۆدان و تێکۆشان فراوان و بەهێز بکەن، ئێستا ئەو ڕێنیشاندەر و پەیام هێنەرە ئاشتیخوازەی مرۆڤایەتی ٢٤ ساڵە بە پیلانگێڕی و گەلە کۆمەی پاسەوانانی فاشیزم و کۆلۆنیالیستی جیهانی لە زیندانی ئیمرالی بەندکراوە بێ هیچ ماف و حقوقێک ئەوەش بە مانای بەردەوامی دانە بە سیاسەتی قڕکردن و تواندنەوەی نەتەوەی کورد درێژەدانە بە کۆمەڵکوژی هێشتنەوەمان لە دەرەوەی یاسا و ڕێساکانی جیهانی، ڕێبەر ئاپۆ لە زیندانیشەوە ئەرکی خۆی پێک هێناوە، پیلانگێڕی پووچەڵ کردووەتەوە بە پرۆژە و بۆچوونەکانی بە داهێنان و پارادایمی نوێ بە پرۆژەی نەتەوەی دیموکراتیکی گەلان و سیستەمی کۆنفیدراڵیزمی دیموکراتی ڕزگاری گەلی کوردی بە ڕزگاری گەلانی دیکەوە گرێدا و ە، ئێمە لەو ڕۆژە واتادارەدا بانگ لە کەسایەتی و ڕێکخستنە مەدەنی و بزووتنەوە دیموکراتی و شۆڕشگێڕەکانی کوردستان و ڕۆژهەڵاتی ناوەڕاست و جیهان دەکەین بۆ خەباتی هاوبەش بۆ ئەوەی هەوڵەکان چڕتر و یەکگرتوو بن بۆ ئەوەی ئاشتی و پێکەوەژیان شوێنی شەڕ و ناکۆکییەکان بگرێتەوە سیستەمی داگیرکاری و فاشیزم و پیاوسالاری کۆتایی بێت، دەبێت ڕێبەر ئاپۆ بەشێوەی فیزیکی ئازاد بکرێت و سیستەمی گۆشەگیری تێک بشکێنرێت، ئەوەش ئەرک و بەرپرسیاریەتی مرۆڤایەتی و تێکۆشانی ئەخلاقی دەخاتە سەر شانی ئێمە و ژنان و گەنجان و ئازادیخوازان کە لە هەموو ئاستەکاندا بەرخۆدان و تێکۆشان بەرفراوان و بەهێز بکەین.

لەسەر ئەو بنەمایە بەڕێزەوە یادی ئەو لە دایکبوونە واتادارە دەکەینەوە.

بەو بۆنەیەوە پیرۆزبایی لە ڕێبەر ئاپۆ لە تەواوی زیندانیانی دۆزی ئازادی لە دایکانی کورد لە بنەماڵەی شەهیدان و لە تەواوی تێکۆشەرانی ڕێگەی ئازادی و دیموکراتی دەکەین.

تەڤگەری ئازادیی کۆمەڵگەی کوردستان

دەستەی بەڕێوەبەرایەتی

٣ی نیسانی ٢٠٢٣

دەرچە