ڕۆژی ٥ مارسی ٢٠٢٣ ژنانی باشور و ڕۆژئاوا و و ڕۆژهەڵاتی كوردستان سمینارێك بەڕێوەدەبەن ، سمینارەكە ڕۆژی یەك شەممە ، كاتژمێر ٢ پاشنیوەڕۆ لە هۆڵی خاك لە سلێمانی بەڕێوەدەچێت.
سمینارەكە بۆ پێشوازی كردنی ٨ی مارس و لە بارەی شۆڕشی ژن ژیان ئازادی لە ڕۆژهەڵاتی کوردستان و ئێران دەبێت.
بەپێی ڕاگەیەندراوەی ژنان، سیمینارەکە لەلایەن ڕۆزەرین کەمانگەر، بەرپرسی پەیوەندییەکانی دەرەوەی کۆمەڵگەی ژنانی ئازادی ڕۆژهەڵاتی کوردستان،کژار، دڵسۆز زەنگەنە بەرپرسی ڕێکخراوی دابین و ڕۆزا حەسەن نوێنەری کۆنگرەی ستار لەهەرێمی کوردستان بەڕێوە دەبرێت.
سمینارەكە ئەم تەوەرانە لە خۆدەگرێت:
• کاریگەری شۆڕشی ژن ژیان ئازادی لەسەر تێکۆشانی ژنان.
• ڕەنگدانەوەی شۆڕشی ژنان لە ڕۆژئاوای کوردستان بە ڕۆحی سەرهەڵدێری ژن ژیان ئازادی.
• شۆڕشی ژن ژیان ئازادیلە ڕۆژهەڵاتی کوردستان و دەستکەوتەکانی.
ژنانی کورد بانگەوازی لە ژنان و هەموولایەک دەکەن بەشداری لە سیمینارەکەدا بکەن و بەگفتگۆکانیان بابەتەکان دەوڵەمەندتربکەن.
