کۆمسیۆن: تەڤگەری ئازادیی پارتێکی سیاسی یاساییە و فەرمییەتی هەیە
کۆمسیۆنی باڵای هەڵبژاردنەکانی عێراق، بەڕێوەبەری کاروباری پارتە سیاسییەکان، پێشوازی لە هاوسەرۆکانی تەڤگەری ئازادیی کرد و جەختی کردەوە تەڤگەری ئازادییی پارتێکی سیاسی و یاساییە لە عێراقدا.
ئەمڕۆ چوارشەممە ١/٣/٢٠٢٣، لە بەغدای پایتەخت، هاوسەرۆکانی تەڤگەری ئازادیی کۆمەڵگەی کوردستان تارا حسێن و سەلام عەبدوڵا، بە سەردانێک گەیشتنە کۆمسیۆنی باڵای هەڵبژاردنەکانی عێراق و هیمان تەحسین بەڕێوەبەری گشتی کاروباری پارتە سیاسییەکان پێشوازیی لێیان کرد.
تارا حسێن، هاوسەرۆکی تەڤگەری ئازادیی رایگەیاند: لەبارەی داخستنی بارەگاکانی تەڤگەری ئازادیی لەهەرێم و ئاستەنگییە سیاسییەکانی بەردەمی گفتوگۆمان کرد و ئەو ڕێگرییانەی لە کار و چالاکییەکاندا لێمان دەکرێت.
وتیشی: پاڵپشتی خۆیان بۆ ئێمە دەربڕی و جەختیان لەوە کردەوە کە تەڤگەری ئازادیی پارتێکی سیاسی یاساییە و لە عێراق مۆڵەتی فەرمی هەیە و ئەندامەکانیشی فەرمی و یاسایین و لە چوارچێوەی ڕێنماییە دەستورییەکاندا کاردەکەن، لە زاخۆوە تا بەسرە دەتوانن بارەگا بکەنەوە.
