با هیچ گومانێک لای گەلەکەمان دروست نەبێت، ئێمە هێزێکی ئەوەندە گەورەین کە سیستمی سەرۆک کۆماریی لە توركیادا دەگۆڕێت
هاوسەرۆکی هەدەپە ڕایدەگەیەنێت، هەدەپە هەموو ئامادەکارییەکی بۆ هەڵبژاردنی ساڵی داهاتووی تورکیا کردووە
پەروین بوڵدان، هاوسەرۆکی پارتی دیموکراتی گەلان-هەدەپە لە میانی پێشکەشکردنی وتارێکدا لە چوارەمین کۆنگرەی ڕێکخستنەکانی پارێزگای مانیسیای هەدەپە ڕایگەیاند:”لە هەڵبژاردنی سەرۆک کۆماردا ئەرکی سەرەکیی لەسەر شانی هەدەپەیە، هەدەپە خاوەن ڕۆڵێکی گرنگ و یەکلاکەرەوەیە، ئێمە هەموو ئامادەکارییەکیشمان بەگوێرەی ئەوە کردووە و هێزی گۆڕینی سەرۆک کۆمار لەدەستی ئێمەدایە. دەربارەی كۆمەڵكوژی كوردان لە پاریس، دەڵێت: ئەگەر بکەرانی کۆمەڵکوژییەکەی ٩ی ١ی ٢٠١٣ی پاریس ئاشکرابکرانایە، ئەوا ئەمڕۆ کۆمەڵکوژییەکی دیکە ڕووی نەدەدا.
وتیشی:”با هیچ گومانێک لای گەلەکەمان نەبێت، ئێمە هێزێکی ئەوەندە گەورەین کە سیستمی سەرۆک کۆماریی دەگۆڕێت و سەرخستنی ئەردۆغان لەدەستی ئێمەدایە”.
