ئێرە قەندیلە گەلۆ ئێرە
ئێرە قەندیلە گەلۆ
ئێرە ….!
قەڵای بەرخۆدانی
گەلی بێ پشت و پەنایە
قەڵەم ڕەوی زەردەشتیانە و
ڕوگەی ئاهورامەزدایە
گۆڕەپانی چاڵدێران و
شوێنی بەزینی سوڵتان و
لەشکری ئەبرەهە و فیلە
ئێرە قەندیلە گەلۆ
ئێرە قەندیلە
ئێرە ….!
بەهەشتی سەرڕوی زەوییە و
زێیەوانی گەرێلایە
نە ئاسمانی جێتەراتێنی داڵاشە
نە نزار و کەناری زێی ڕاگوزەری
فارس و عەرەب و قارداشە
ناخی قوڵپی مەنجەنیقە و
شەپۆلی دەریای توڕەی ژیلە
ئێرە قەندیلە گەلۆ
ئێرە قەندیلە
ئێرە ….!
پەردەی ئابڕوی گەلی کوردە و
گاتەکانی ئاڤێستایە
کونە تاریکەکەی کەون و
سێگۆشەی بەرمۆدایە
هزری چاک و کردەی چاک و
خاوەن وتاری ڕەوایە
جێگەی تۆبەی مەلای خەتێ و
مەزاری وەیس و زەمبیلە
ئێرە قەندیلە گەلۆ
ئێرە قەندیلە
ـــــــــــــــــــ
دکتۆر ئەمین
