١٧ شەهیدی قڕگەو ۱۷ شەهیدی زاپ
نوسینی: ژینا زاگرۆس
ڕۆژگارێک باشوری کوردستان لەگەرمەی تێکۆشان و شەڕی پێشمەرگانەبوو لەدژی ڕژێمی بەعس و بەعسیان تەنگاو کردبوو، ئەو کات دەستی پێشمەرگەکانی کوردستان بەشارو شارۆچکەکان دەگەیشت و چالاکی تۆڵەیان لە هێزە چەکدارە داگیرکەرەکانی بەعس دەکردەوە. لەیەکێک لەشەوەکانی (مانگی ٦ ساڵی ١٩٨٣) دا هێزێکی چەند کەسی هاتنە سلێمانی بۆ لێدانی هێزەکانی بەعس و لە تەواوبوون و گەڕانەوەدا، ڕژێمی بەعس لە نزیک گوندی قڕگەی نزیک سلێمانی بۆسە بۆ پێشمەرگەکان دادەنێت و کاتێک دەکەونە بۆسەوە، بەردەستڕێژی گوللەو چەکی قورس دەدرێن. بۆ لەبۆسەیەدا ۱۷ پێشمەرگەی قارەمانی کوردستان شەهید دەبن. ئەو هێرشە ڕق و تۆڵەی لەدڵی کۆمەڵگەی باشورو خەڵکی سلێمانیدا چاندو هەرچی دەچوو ڕەگ داکوتراوتر و تۆڵەسێنانەتر دەبوو، تا لەڕاپەڕینە .جەماوەریەکەی ساڵی ۱۹۹۱دا گەل ڕق و تۆڵەی خۆی بەسەر ڕژێمی بەعسدا باراندو ڕاماڵران .لەمێژوی تێکۆشانی گەلی کورددا، کارەسات و کوشتارو هێرشی دڕندانەی زۆری داگیرکەرەکانی هەیە لەزۆر ڕوداوەکاندا کارەساتبارترو کوشندەتر مێژوو ژمارەکان دوبارە دەبنەوە. دوژمن بۆ تێکشکان و ملکەچ پێکردنی گەلی کوردو تێکۆشەرانی کۆ لەبەکارهێنانی هیچ جۆرە دڕندەیی و وەحشیگەریەک ناکاتەوە. بەکارهێنانی چەکی کۆکوژی وەک کیمیاوی، .فسفۆڕی و ئەتۆمی تەکتیکی و قەدەغەکراو لەشەڕی پاکتاوکاری دژی کورددا بەکاردێنێت هێرشی دەوڵەتی تورک کە بە ئامانجی قڕکردن و لەناوبردنی گەلی کورد دەستی پێکردوە، بۆئەنجامگرتن، هەموو جۆرێک لەو چەکانەی باسمان کردن بەکاردێنێت. دەوڵەتی تورک کەبەرامبەر شەڕی گەریلایی و تونێلەکان تەنگاوبوە. دەیەوێت بەڕژانی چەکی .کیمیاوی و بەکارهێنانی چەکی ئەتۆمی ئەنجام بگرێت لەم ڕۆژانەدا، بە گرانی چەکە قەدەغەکراوەکانی کیمیاوی و ئەتۆمی تاکتیکیلەڕێگەی بۆمباهاوێژ و خستنە ناو تونێلەکانەوە .بەکاردێنێت لە ڕێکەوتی مانگی) لەڕێگەی بەکارهێنانی چەکی کیمیاویەوە لەتونێلەکانی بەرگریدا ۱۷ گەریلای کوردستان شەهیدبوون. دیمەنی وێنەیی گیانلەدەستدانی گەریلاکانی کورد ناخی هەر مرۆڤێک کە تۆزێک ویژدانی تێدابێت نەک دەهەژێنێت، بەڵکو دەکاتە تۆپەڵێک گڕو بورکان و لەدژی داگیرکەری دەیتەقێنێت. گەلی کورد خاوەنداری لەڕۆڵەکانی دەکات. ئەگەر هێزو هاوکێشەی هێز لەو ئاستەدا نیە کە ئەو شەڕە یەکلایی بکرێتەوە. بەشێک لەهۆکارەکەی ئەو هێڵە بەکرێگیراوە خۆفرۆشەی ناو کوردانن، کەهاوکاری دوژمن دەکەن و چاو ساغیان بۆدەکەن. بەڵام مێژووی کوردان نیشانی داوە ئەو گەلە نەک تەسلیم نابێت، بەڵکو ڕق و کینی تۆڵەسێنانەی .خۆی لەدوژمن، داگیرکەرو هاوکارە خۆفرۆشەکانی دەکاتەوە لێکچونی مێژوو ژمارەکان بۆکورد، پێویستە ئەو پەندەمان پێ بدات، بەتایبەت بەو چەکدارانەی کە چنگ بەخوێنانە هاوکاری دوژمن دەکەن کەلەدژی هاوزمان و هاو نیشتیمانی و هاوخوێنەکانیان بەکاریان دێنن! ئەو پرسیارە لۆیان بکەن، ئایا بۆچی هاوکاری دوژمن دەکەن؟ ئایا نیشتیمانێک بەو هەموو دەوڵەمەندیەیەوە دەکرێت بکرێتە دیاری بۆدوژمن بە نرخی ڕشتنی خوێنی هاونیشتیمانیەکەت؟ ئایا ئەو دەوڵەمەندیەی دەدرێتە دوژمن و ئەویش لەڕێگەی بەکارهێنانەوەی و بەکارهێنانی بۆسیخوڕی کردن بۆی! ناکرێت بۆخۆمان لە داڕشتنی بەرنامەڕێژیەکی جوانی ئابوری کۆمەڵایەتیدا بەکاریبهێنینەوەو بیخەینە خزمەتی ئاسودەیی و ئارامی و ئازادی گەل و ئاوەدانی نیشتیمانەوە، بەبێ ئەوەی خۆمان بخەینە باوەش و ژێر دەستی دوژمن و داگیرکەرانەوە؟ ئایا ناکرێت پەو پرسیارە لەخۆمان بکەین، ئەو هەموو دڕندەییە بۆ گیانی یەکترین، لەپێناوی چیدا؟ لەکاتێکدا یەکیەتی و پێکەوەبونێکی .نەتەوەیی و دیموکراتیک دۆخی کوشتار و پاکتاوی گەلێک دەگۆڕێت بەئازادی و سەرکەوتن دەبا بۆ ئەو تێکۆشان و ئازادیە، لەدەوری یەک کۆک و کۆبین. دوژمن لە کۆک و کۆبونمان دەترسێت! بۆیە پێویستە ئەوەی دوژمن لێی ترسا ئێمە ئەوە بکەین! ئازادی هی هەموان بۆ هەموان دەبێت و بۆ هەتایە کۆیلەتی، داگیرکراوی و ژێردەستی لە گۆڕ دەنرێت و .مێژووی کارەساتە ورک یەکیەکانمان دوبارەو چەند بارە نابێتەوە دوژمن تەنگاوە شەڕی مانەوەی بەدڕندانەترین شێوەی بەکارهێنانی چەکی کۆکوژ دەکات، لەکۆتایی تەمەنیدایە و تەنیا یەکیەتیەکی .دەوێت و جوڵاندنی ویژدانی گڕگرتوو لەدژی نادادی دەوێت
