هەپەگە: لە ٤ مانگدا، ١٨٧١ داگیركەر سزادراون

ئاب 17, 2022

204

هه‌په‌گه‌ ئاماری ٤ مانگ شه‌ڕی ئاشكرا كرد و به‌ پێی ئاماره‌كه‌: ١٤٥٤ چالاكی كراون، ١٨٧١ داگیركه‌ر سزادراون. ٦ هه‌لیكۆپته‌ر و ٢ تانك تێكشكاون. داگیركه‌ران ١٥٣٢ جار بۆمبی ئه‌تۆمی تاكتیكی و كیمیاییان به‌كارهێناوه‌.

ناوه‌ندی راگه‌یاندن و چاپه‌مه‌نی هه‌په‌گه‌ ئاماری شه‌ڕ له‌ ١٤ی نیسان تا ١٤ی ئابی ئاشكرا كرد.

هه‌په‌گه‌ رایگه‌یاند، تێكۆشانی ژیانه‌وه‌ و رزگاریمان كه‌ له‌ ١٥ی ته‌باخی ١٩٨٤ به‌ فیشه‌كی فه‌رمانده‌ هاوڕێ عه‌گید ئاراسته‌ی مێشكی داگیركه‌ر كرا، ده‌ستیپێكر گه‌یشته‌ هه‌ر بستێكی خاكی كوردستانی پیرۆز و به‌ گه‌لبوون به‌ هه‌نگاوی بڕوابه‌خۆبوون و به‌ره‌و سه‌ركه‌وتن كه‌وته‌ رێ. به‌ هه‌زاران عه‌گیدی پارته‌كه‌مان په‌كه‌كه‌ كه‌ گه‌لێكی له‌ به‌رده‌م له‌ناوچوونی له‌ خۆڵه‌مێشه‌وه‌ ژیانده‌وه‌ ئافرێنرا و به‌ ئایدۆلۆژیای رێبه‌ر ئاپۆ به‌ڕێوه‌ده‌چێت، گه‌لی ئێمه‌ و خاكه‌كه‌مان به‌ شه‌ڕێكی فیدایی ده‌پارێزن. ده‌وڵه‌تی توركی كۆلۆنیالیست بۆ له‌ناوبردنی راستی كورد و كوردستانی ئازاد كه‌ به‌ په‌كه‌كه‌وه‌وه‌ هاته‌ ئاراوه‌، به‌ هه‌موو جۆرێك هێرش ده‌كات، له‌ دژی گه‌ریلاكانمان كه‌ هیوای ئازادی گه‌له‌كه‌مانن له‌ ١٤ی نیسانه‌وه‌ له‌ گۆڕه‌پانه‌كانی زاپ، ئاڤاشین و مه‌تینا هێرشێكی به‌رفراوان به‌مه‌به‌ستی داگیركردن به‌ڕێوه‌ده‌بات“.

جارێكی تر شكست به‌ سوپای تورك هێنرا

له‌ درێژه‌ی راگه‌یه‌نراوه‌كه‌ی هه‌په‌گه‌دا هاتووه‌،

هاوڕێیانمان به‌ رۆحی سه‌ركه‌وتنی عه‌گید، به‌ هه‌ڵوێستی بێریتان كه‌ سه‌ری بۆ خیانه‌ت و خۆبه‌ده‌سته‌وه‌دان دانه‌نه‌واند و به‌ بڕیارداری فیدایی زیلان حۆی رازاندووه‌ته‌وه‌، له‌یه‌كه‌م ساتی هێرشه‌كانه‌وه‌ هه‌ر بستێكی خاكه‌كه‌مان كه‌ داگیركه‌ر پێی تێناوه‌، كردوویانه‌ به‌ گۆڕه‌پانی به‌رخودانی مێژوویی هاوڕێیانمان له‌ هه‌لومه‌رجی هه‌ره‌ دژواردا به‌ كه‌مترین ده‌رفه‌ت و تواناوه‌، فه‌لسه‌فه‌ی ‘ئافراندن له‌ نه‌بوون’ی رێبه‌ر ئاپۆیان بۆ خۆیان كردووه‌ته‌ بنه‌ما، بۆ ئه‌وه‌ی گه‌له‌كه‌مان ببێته‌ خاوه‌نی داهاتوویه‌كی شكۆدار له‌سه‌ر هێڵی شه‌هیدان خۆراگرییان كرد و خۆیان گه‌یانده‌ لێواری سه‌ركه‌وتن. گه‌ریلاكانی ئازادی كوردستان كه‌ دڵۆپ دڵۆپ خوێنی خۆیان رژاند و وڵاته‌كه‌مانیان پاراست، ئامانجه‌كانی كۆلۆنیالیستی ده‌وڵه‌تی توركیان جارێكی تر له‌ بار برد. گه‌ریلا كه‌ هێزی پێشه‌نگی شه‌ڕی گه‌لی شۆڕشگێڕه‌ به‌ پێرفۆرمانسی شه‌ڕی خۆی له‌سه‌ر هێڵی سه‌ركه‌وتن، به‌ ته‌واوی جیهانی نیشاندا كه‌ خاوه‌ن ئه‌و هێزه‌یه‌ كه‌ هه‌بوونی گه‌له‌كه‌مان ده‌پارێزێت و ئازادی مسۆگه‌ر ده‌كات.

هێزه‌كانی گه‌ریلای سه‌رده‌می نوێ تاكتیكی ده‌وڵه‌مه‌ند، به‌ داهێنه‌ریه‌كی گه‌وره‌ به‌كارده‌هێنن، به‌ شێوه‌ی شه‌ڕی ژێر زه‌وی و كۆنتڕۆڵكردنی گۆڕه‌پان، به‌ شێوه‌ی تیمی گه‌ڕۆك كه‌ گورزی قورس له‌ داگیركه‌ران ده‌ده‌ن، له‌ مێژووی به‌رخودانی گه‌لانی بن ده‌ستدا، لاپه‌ڕه‌یه‌كی نوێیان هه‌ڵدایه‌وه‌. سوپای توركی فاشیست كه‌ به‌ پشتیوانی بێكۆتایی ناتۆ به‌ شێوه‌یه‌كی بێ باكانه‌ تاوانی شه‌ڕ ده‌كات و شێوازی هه‌ره‌ ناجوامێرانه‌ به‌كارده‌هێنێت، له‌ به‌رامبه‌ر ئیراده‌ی پۆڵایینی گه‌ریلاكانی ئازادی كوردستان جارێكی تر شكستی هێنا.

دەوڵەتی تورک بە بەکارهێنانی بۆمبی ئەتۆمی تاکتیکی و کیمیایی تاوانی جەنگ ئەنجام دەدات

سوپای تورکی داگیرکەر، کە ناتوانێت لە دژی گەریلاکان بوەستێتەوە و ناتوانێت بە ئامانجەکانی بگات و گورزی قورسی لێ دەدرێت، هەموو ڕۆژێک بە بۆمبی ئەتۆمی تاکتیکی و چەکی کیمیایی هێرش دەکاتە سەر ناوچەکانی بەرخودان و بەرگری. هەروەها ڕۆژانە سەدان جار بە فڕۆکەی جەنگی، هەلیکۆپتەری هێرشبەر، چەکی قورس، تانک، تۆپ و هاوەن بۆردومان ئەنجام دەدات. دەوڵەتی نەژادپەرستی تورکی دوژمنی گەلان، سەرەڕای ئەو هێرشانە ناتوانێت ئەنجامێک بەدەست بهێنێت، خێرا و دەستبەجێ هێرشی کردە سەر هاوڵاتیانی مەدەنی و کۆمەڵکوژیی ئەنجامدا.

دەوڵەتی تورکی بکوژ و پاکتاوکار لە گوندی پەرەخی زاخۆ بە ئەنقەست ٩ هاوڵاتیی مەدەنیی بێ دیفاع کردە ئامانج، کە منداڵیشیان تێدایە، لە زۆرێک لە ناوچەکانی کوردستان هێرشی کردە سەر گەلی کورد و بەم شێوەیە ڕووی ڕاستەقینەی خۆی نیشاندا. مێشک و عەقڵیەتی فاشیستیی خۆی لە کوردستان لە چوارچێوەی ئامانج و پیلانێکدا، کە هێرشکردنە سەر هاوڵاتیانی مەدەنییە بەڕێوەدەبات، بە ئەنقەست جوگرافیای کوردستان لەناودەبات و بەو شێوەیە ئەوە دەسەلمێنێت و دەریدەخات، کە هەڕەشەیەکی چەند گەورەیە بۆ سەر بوون و ئازادیی گەلانی ڕۆژهەڵاتی ناوەڕاست. بێگومان ئەم هێرشە دڕندانە و ناڕەواییانە نیشانەی ئەوەن، کە سوپای تورکی فاشیست لە بەرامبەر هێزەکانی گەریلامان دا چەقیون و بە بنبەست گەیشتوون.

لەگەڵ ئەوەشدا سەرەڕای کوشتنی هاوڵاتیانی مەدەنی و هەروەها بەکارهێنانی چەکی کیمیایی و بۆمبی ئەتۆمی تاکتیکی دژ بە گەریلاکانی ئازادی کوردستان و تاوانەکانی جەنگ و تاوانی دژ بە مرۆڤایەتی، کاردانەوەی پێویست بەرامبەر بە دەوڵەتی تورک نییە. بۆ گەلەکەمان و دۆستانی ڕاستەقینەی گەلەکەمان ئەرکێکی مێژوویی وڵاتپارێزی و نیشتمانپەروەرییە، کە هەڵوێستی کاریگەرتر نیشان بدەن تاوەکو هەڵوێستەکەیان ببێتە تەواوکاربوونی بەرخۆدانی گەریلا و بەجێهێنانی بەرپرسیارێتییەکانیان بە ئەنجام بگەیەنن.

هێزەکانمان لە قۆناغ و پرۆسەی چوار مانگی ڕابردوودا بە هەنگاوی شۆڕشگێڕانەی هەڵۆکانی زاگرۆس و شەهید ساواش مەرەش لە جەنگی خابوور، لە زۆرێک لە ناوچەی کوردستان گورزی کوشندەیان لە سوپای تورکی داگیرکەری داوە. گەریلاکانی مۆدێرنیتەی دیموکراتیک بە رێبازی شەڕی تونێل و تیمە گەڕۆکەکانەوە لەسەر هێڵی سەرکەوتن ڕێپێوان دەکەن و جارێکی دیکە سەلماندیان، نەتەوە دەوڵەت لە بەرامبەر گەلان دا چەند بەهێزیش بێت، بەڵام لەلایەن هێزە هەژموونخوازەکانیشەوە چەند پشتیوانیشیان لێ بکرێت، گەل ەتوانێت ئازادیی خۆی مسۆگەر بکات و شەڕی خۆپاراستنی رزگای ئەنجام بدات. تیمە گەڕۆکەکانمان لە تاکتیکی گەریلای سەردەمی نوێ دا بوونەتە پیشگەر و پرۆفیشناڵ و توانییان بە تاکتیکی چوونە سەر دوژمن،، تەقاندنەوە، نیشانەشکێنی، بۆسەدانان، چەکی قورس و چالاکیی هەماهەنگ هەزار و ٤٥٤ چالاکیان ئەنجامدا.

دەوڵەتی تورکی داگیرکەر و تاوانباری شەڕ، ١٥٣٢ جار بۆمبی ئەتۆمی تاکتیکی و چەکی کیمیایی قەدەغە کراوی بەکارهێنا و تاوانی جەنگ و تاوانی دژ بە مرۆڤایەتیی ئەنجام دا.

هێزەکانمان کە لە هەموو بەشەکانی خاکی کوردستان خۆڕاگری و بەرەنگاری دەکەن، لە باکووری کوردستان هەزاران هێرشی داگیرکەری بەرفراوان دەوڵەتی تورکی داگیرکەریان بە بەشداریی هەزاران داگیرکەر و کۆنترا (دژە گەریلا) پوچەڵ کردووەتەوە. لە هەمان کاتیشدا چالاکیی کاریگەریان لە دژی داگیرکەران ئەنجامداوە.

٨٤ گەریلا شەهید بوون

لەم پڕۆسە و قۆناغەى بەرخۆدانی مێژووییەدا ٨٤ هاوڕێمان، کە بە ڕۆحی بەرخۆدانی ئاپۆیی بەرخۆدانیان کرد شەهیدبوون. بەڵێن دەدەین، کە خۆمان لەسەر بەها و نرخەکانی سوپای شەهیدان و ئەزموونی شەڕیان، بۆ خۆمان بکەینە بناغە، بێ ئەوەی لەسەر هێڵی شەهیدان دوور بکەینەوە ئێمە تێکۆشان و خەباتمان بۆ بوون و ئازادی سەردەخەین.

ئاماری شەڕی نێوان ١٤ی نیسان و ١٤ی ئاب بەم شێوەیەیەی خوارەوەیە:

ئەو چالاکییانەی لەلایەن هێزەکانمانەوە ئەنجامدراون؛

– لەگەڵ هێزەکانی بەرگریی ئاسمانی، چوونە سەر دوژمن، تەقاندنەوە، نیشانەشکێنی، چەکی قورس، شەڕ – لێدان، ئۆپەراسیۆنی شۆڕشگێڕی و گەریلایی هەماهەنگ و رێکخراو، بە گشتی ١٤٥٤ (هەزار و چوارسەد و پەنجاو چوار) چالاکی لەلایەن هێزەکانی گەریلامانەوە ئەنجامدراون.

لە ئەنجامی چالاکی هێزەکانماندا،

– ١١ کۆنترا (دژە گەریلا)، ٩ بەرپرسی باڵا، بە گشتی ١٨٧١ (هەزار و هەشتسەد و حەفتا و یەک) داگیرکەر سزادراون.

– ٢٦١ داگیرکەری بریندار بوون.

ئەوەندەی بۆ هێزەکانمان دەستنیشان کراوە، لە ناوچەکان و گۆڕەپانەکانی بەرخودان، هەرێمەکانی پاراستنی مەدیا؛

– ٢٩٥٠ جار بە فڕۆکەی جەنگی بۆردومان کراون.

– ٢٥٢٨ جار بە هەلیکۆپتەری هێرشبەر بۆردومان کراون.

– مەیدانەکان و گۆڕەپانەکانی شەڕ و تونێلەکانی هێزەکانمان ١٥٣٢ جار بە بۆمبی ئەتۆمی تاکتیکی و چەکی کیمیایی بۆردومان کراون.

ئەو چەک و کەلوپەلە سەربازییانە لەلایەن هێزەکانمانەوە دەستیان بەسەردا گیراوە،

– ٨ چەکی ئێم پی تی-٥٥

– چەکی ئێم پی تی-٦٦

– ٢ چەکی ئێم-١٦

– ٤ چەکی ئەی کەی-٤٧

– ٢ چەکی ئێچ کەی-٤١٦

– ٣ چەکی جی-٣

– ٤ دەمانچە

– چەکێکی بی کەی سی

– چەکێکی موشەکهاوێژی بی-٧

– ٣ چەکی بۆمبهاوێژ

– ٤ فیشەک و بۆمبی چەکە بۆمبهاوێژەکان

– ١٨ نارنجۆکی دەستی و چەندین بۆمبی دوکەڵ و تەم

– ٤ هێلەکی هێرشبەر (پۆڵا)

– ٤ قەڵغانی پۆڵا

– ٢ رەخت

– ٩ مەغزەن

– کامێرایەکی هەستگری گەرم (حەراری)

– دووربینێکی هەستگری گەرمی (حەراری)

– دوربینێکی لەیزەر

– ٢ ئامێری نیشانەکردن بە لەیزەر

– ٢ ئامێری چەکی لەیزەر

– ٧ دوربینی ڕۆژ و شەو

– ٢٤ کیلۆ تەقەمەنی

– ٤ مین

– ئامێرێکی تەقاندنەوەی مین

– ئامێرێکی دۆزەرەوەی مین

– ٨٤٨ فشیەکی ئێم-١٦ و بی کەی سی

– ٣ ئامێری پەیوەندی و راگەیاندن

– ٦ مۆبایل

– ئامێرێکی نیشانەکردن و ئاماژە پێدان

– پانێڵێکی خۆر (بۆ وەرگرتنی وزەی خۆی – سۆلار پانێڵ)

– پسوڵەیەک

– ٤ چەقۆ (ساتور)

– سەرچاوەیەکی وزە

– ٦ جانتای سەربازی

– ٢ کڵاوی سەربازی

– ٢ کاسکێتی سەر

– ٨ لایتی دەستی

– ٤ سیستەمی کامێرای چاودێری

– ٣ کامێرای سەر

– ٢ یو پی ئێس بۆ گۆڕێنی وزە

ئەوکەل و پەلە سەربازی و ئۆتۆمبێلانە لەلایەن هێزەکانمانەوە تێکشکێنران،

– ٣ هەلیکۆپتەری هێرشبەر

– ٣ هەلیکۆپتەری سکۆرسکی

– ٢ تانک

– ١٠ ئۆتۆمبێلی سەربازیی لە جۆری زرێپۆش

– ٢ حەفارە

– ٢ چەکی بی کەی سی

– ٥ چەکی ئەی ٤

– ٣ ئامێری جامەر بۆ تێکدانی سیگناڵ و شەبەکە

– ٧ ڕادار

– ٣٢ فڕۆکەی بێفڕۆکەوان (درۆن)

– ٥ کامێرای گەرمی (حەراری)

– ٢ تەلسکۆب

– ٣٢ سیستەمی کامێرای چاودێری

– ٢ ئامێری گوێگرتن لە دەنگ

– ئامێرێکی وێنەکێشان

– کۆنتێنەرێک

– ٢ ئامێری مین

– ٢ ئامێری هەستەوەر بە جوڵە

– کامێرایەکی هەستەوەر

– ٢٢ چادری سەربازی

– ٦٣ سەنگەر

ئەو ئۆتۆمبێلە سەربازییانە، کە لەلایەن هێزەکانمان گورزیان لێدراوە،

– ٢٨ هەلیکۆپتەری هێرشبەر

– ٣٤ هەلیکۆپتەری سکۆرسکی

– ٩ فڕۆکەی بێفڕۆکەوان (درۆن)

– ٣ ئۆتۆمبێلی زرێپۆشی سەربازی

– ١٦سەنگەر

-٦ شۆفڵ”.

هـ.ب / ژ.ت

دەرچە میدیا

Top Menu

Main Menu

هەپەگە: لە ٤ مانگدا، ١٨٧١ داگیركەر سزادراون

دەرچە

دەرچە میدیا

Top Menu

Main Menu

هەپەگە: لە ٤ مانگدا، ١٨٧١ داگیركەر سزادراون

بابەتی پەیوەندیدار

بابەتی پەیوەندیدار