دەولەتا داگیرکەرا تورک بەردەوامە لسەر تاوانێن خوە یێن دژی مروڤاتیێ.

R

کۆردیناسیونی باشوری کەجەدەکە- ئەوروپا ، داوا لە خەڵکی بادینان ، دهۆک و زاخۆ و سۆران دەکات دژی داگیرکاری تورکیاو مالباتی بارزانی بێنە دەنگ و خۆپشاندان و ناڕەزایەتی سازبکەن..

دەولەتا داگیرکەرا تورک بەردەوامە لسەر تاوانێن خوە یێن دژی مروڤاتیێ.

ھەروەک ھوین ژی ئاگەھدارن ئەڤرو ٢٠-٧-٢٠٢٢ ھێزێن لەشکەری یێن تورکیا ل دەڤەرا پەرەخێ کو دەڤەرەک گەشتیاریە و سەر ب باژێڕێ زاخویە پارێزگەھا دھوکێ. مخابن دڤێ کریارا نامروڤانەدا دەھ. گەشتیارا گیانێ خوە ژ دەست دا و ٢٣ کەس ژی بریندارن و ترسەک مەزن کەتیە دل و جانێ خەلکێ دەڤەرێ.
ئەم وەکە کۆردیناسیونا باشوورێ کوردستانێ، کە جە دە کە/ ئەوروپا، بخەم و دلگرانیەک مەزن ڤە سەرەخوەشیێ لکەس و کارێن ڤان قوربانیا و ھیڤیێن سەلامەتی و تەندروستیەکا باش بو بریندارا دکەین.
ئەڤە نە جارا ئێکێ یە کو دەولەتا تورکی مافێ مروڤان و سەروەریا ھەرێما کوردستانا عیراقێ بن پێ دکەت، بەلکی بەردەوام دەولەتا داگیرکەرا تورک بھاریکاریا سەروکێ حکومەتا ھەرێمێ و بنەمالا بارزانی ئەڤ دەستدرێژیە یێن کرین، نەکو تەنێ توپبارانکرنا گوندا و خەلکێ سڤیل ل دەڤەرێ، بەلکی بدەھان و سەدان بنگە و بارەگایێن لەشکەری و ئەمنی بو ڤێ دەولەتا دژە کورد لدەڤەرێن بادینان، سوران، ھەولێر….ھتد یێن ھاتین ئاڤاکرن و چێکرن.
ئەڤ ڕەوش و کاودانێن دژوار یێ کو گەلێ مە تێدا دەرباز دبیت، ئەڤ ڕەوشە ژ گەلێ مە یێ دلسوز و وەڵاتپارێز چ لناڤا وەڵات و چ ژدەرڤەی وەڵا دخوازیت کو ئێدی ھەمبەر ڤان کارێن ھوڤانە یێن دەولەتا تورک یا داگیرکەر یێن کو بھاریکاری و پشتگیریا بنەمالا بارزانی دھێن کرن بێدەنگ نەمینن.
ڤان ھێرش و بێ حورمەتیێن دەولەتا تورک ئێدی نەپەژرنن و دەنگێ خوە ھەمبەر ڤان کریارێن تروریستی بلند بکەن، ئەوا دەولەتا تورکیا فاشیست بھاریکاریا سەروکێ حکومەتا ھەرێمێ و مالباتا بارزانی لسەر گەلێ کورد ئەنجام ددەت ژبلی قڕکرن و ژناڤبرنا گەلێ کورد و بێ حورمەتکرنا گەلێن کوردستانێ و شکاندنا کەرامەتا نیشتیمانی و مروڤاھیێ ژبلی ڤێ تشتەک دی نینە…!!!
دڤیا داگیرکاری و لەشکەرکێشی، کوشت و کوشتار و قڕکرنا گەلێ مە بدەستێ دەولەتا تورک بزویترین دەم بھێت ڕاوەستیان. بدویماھیک ئینانا ڤێ ڕەوشا دژوار ددەستێ وە و گەلێن کوردستانێ دایە، بسەرھەلدان و ڕاوەستیان ھەمبەر داگیرکاری و مالباتا بارزانی.
لەوما بانگا ھەمو کوردێن ئازادی خواز و خودان ویژدان ئەڤەیە، کو ھەمبەر دەولەتا فاشستا تورک بێدەنگ نەمینن، ھەمی شیانێن خوە بکار بینن ژبو چێکرنا ڕایا گشتی حەتا ئەڤ پێشێلکاریێن دەولەتا تورک، ل ئەردێ و عەسمانی بھێن ڕاوەستان، دەولەتا توتک مافێ وێ چەندێ نەبیت کو ھەردەما وی خواست ب بالەفڕ و ھێزێن لەشکەری ھێڕشا ببەت سەر خاک و گەلێ کوردستانێ.
ئامانجا شەڕ و لەشکەر کێشیێن دەولەتا تورک داگیرکرنا کوردستانێ و بندەست کرن و بێ کەرامەتکرن و بندەسترنا گەلێ کوردە، دەولەتا تورک بچ ڕەنگا قەبویل ناکەت کو گەلێ کور بگەھیتە ئازادیا خور، لەوما ئەم بانگا گەل و سازیین خوە دکەین دژی ڤێ دەولەتێ و بھەڤڕە خەباتێ بکەین و چالاکیێن خوە بکەین ئێک داکو باندورا وێ پتر ھەبیت.
کوردیناسیونا باشور – کەجەدەكە ئەوروپا
٢٠ \ ٧ \ ٢٠٢٢