کاڵکان: تورکیا چەکی “ئەتۆمیی تاکتیکیی” لە تونێلەکانی شەڕ بەکاردەهێنێت
ئەندامێکی کۆمیتەی بەڕێوەبەریی پەکەکە ڕایدەگەیەنێت، بەڵگەی حاشاهەڵنەگریان لەبەردەستدایە، کە دەوڵەتی تورک شەش جۆر چەکی کیمایی دژی گەریلاکانی ئازادیی کوردستان بەکارهێناوە، دەشڵێت: دەوڵەتی تورک چەکی “ئەتۆمیی تاکتیکیی” لە تونێلەکانی شەڕ بەکاردەهێنێت، کە لەلایەن ناتۆوە بەرهەم دەهێندرێن.
دوران کاڵکان ئەندامی کۆمیتەی بەڕێوەبەری پەکەکە لە میانی بەشدارییکردنی لە بەرنامەیەکی تایبەتی تەلەفزیۆنی مەدیا خەبەر تیشکی خستەسەر هاوکاریی پەدەکە بۆ هێرشەکانی دەوڵەتی تورک و وتی: دەوڵەتی تورک پەدەکە و جاشەکان بەکاردەهێنێت، لەم دواییانەدا جارێکی دیکە هێزەکانی پەدەکەیان هێنایە مەتینا، دەتوانین بڵێین ئەگەر بە پشتگیریی پەدەکە نەبوایە، سوپای تورک لەناودەچوو، ئەگەر تاوەکو ئێستا هەن و بەم ئەندازەیە بەرگری دەکەن، ئەوە لە سایەی پەدەکەوەیە، بە هاوکاری و پشتگیریی پەدەکە شەڕ دەکەن، پێویستە ئەمە بزانن، لەبەرانبەر چالاکی هێزەکانی گەریلا دەست و پێیان دەلەرزێ.
ئاماژە بە بەکارهێنانی چەکی ئەتۆمیی و کیمایی دەکات لەلایەن دەوڵەتی تورکەوە و دەڵێت: گەریلا لە بەرامبەر بەکارهێنانی چەکی کیمیایی و ئەتومیی سەنگەرەکانی خۆی چۆڵ نەکردووە، بەڵکو میتۆدی نوێی خوڵقێنەر دروست دەکات، بە شەڕی تونێلەکان، بە شەڕی تیمی گەڕۆک، بە ڕێکخستنەوە گورزی گەورە لە داگیرکەران دەدات، لە زاپ، ئاڤاشین و مەتینا گەریلا سەرکەوتووە.
جەختیش دەکاتەوە کە بەڵگەی حاشاهەڵنەگریان لەبەردەستدایە، کە دەوڵەتی تورک شەش جۆر چەکی کیمیایی لە شەڕەکاندا بەکارهێناوە و دەڵێت: ئێمە بەڵگەی یەکلاکەرەوە و حاشاهەڵنەگرمان لەبەردەستدایە، کە دەوڵەتی تورک شەش جۆر چەکی کیمیایی بەکارهێناوە، داتا و زانیاری هه‌یه، له‌م دواییه‌دا ناوه‌ندی راگه‌یاندن و چاپه‌مه‌نی هه‌په‌گه دیمه‌نه‌كانی ئه‌وه‌یان بڵاوكرده‌وه، یاخود نیشانه‌كانیان و ئه‌وه‌ی كه چه‌كی چۆنن، به شێوه‌یه‌كی ئاشكرا چه‌كی كیمیایی به‌كارده‌هێنرێت، ڕۆژانه ١٥-٢٠ جار هه‌ندێك جاریش ده‌بێته ٣٠ ئەو چەکە بەکاردەهێندرێت، هەپەگە ڕۆژانە دەڵێت بە ته‌قه‌مه‌نی بۆردومان كراوین، ئه‌و ته‌قه‌مه‌نییه چۆنە؟ من جاری پێشووش وتم؛ ئەوانە بۆمبی ئه‌تۆمیی تاكتیكین، فه‌رمانده‌یی بڕیارگه‌ی ناوه‌ندیمان به شێوه‌یه‌ك پشتڕاستی كرده‌وه، سی ئێن ئێن تورك دانپێدانانی جه‌نه‌راڵێكی خانه‌نشینی كرده هه‌واڵ، ده‌بێت ناوه‌ندی راگه‌یاندن و چاپه‌مه‌نی هه‌په‌گه راوه‌سته‌ی له‌سه‌ر بكات، ده‌بێت له سه‌ر داتا و به‌ڵگه‌كانی به‌رده‌ستی لێكۆڵینه‌وه بكات، ئه‌وه دۆخێكی جددییه، ئه‌وه له چه‌كی كیمیایی كاریگه‌رتره، خۆی له خۆیدا لێره دۆخێك هه‌یه، زانیارییه‌كانمان له‌سه‌ر داتاكان، گێڕانه‌وه‌كانی هه‌ڤاڵانمان كه له تونێله‌كان هاتوونه‌ته ده‌رەوە، ٩٨٪ ده‌یسه‌لمێنێت كه ئەوانە چه‌كی ئه‌تۆمیی تاكتیكین.
زیاتریش لەبارەی ئەو چەکانەوە دەڵێت و ڕوونیدەکاتەوە: سێ به‌شی لیستی چه‌كه ئه‌تۆمییه‌كانی ناتۆ چه‌كی ئه‌تۆمیی تاكتیكین، ئه‌و چه‌كه له تونێل و دۆڵی چیاكاندا به‌كارده‌هێنرێت، بۆ به‌كارهێنان له‌و شوێنانه دروست ده‌كرێن، شه‌ڕ خۆی له خۆیدا له ناوچه‌ی له‌و جۆره ده‌كرێت، له بنه‌ڕه‌تدا ئه‌و چه‌كه له كیسه و جانتادا هه‌ڵده‌گیرێن، له چه‌ك یان سه‌كۆی بچوكه‌وه هه‌ڵده‌درێن.
لەبارەی شۆرشی ئازادیی ڕۆژئاوای کوردستانیشەوە دوران کاڵکان دەڵێت: من سڵاو له شۆڕشی ئازادیی ڕۆژئاوا ده‌كه‌م، به هۆی به‌ره‌وپێشبردنی شۆڕشێكی به‌و جۆره به تایبه‌تی گه‌لی كورد و ته‌واوی گه‌لانی باكوور و ڕۆژهه‌ڵاتی سووریا پیرۆز ده‌كه‌م، چونکە ماوه‌ی ١٠ ساڵه له سەختترین هه‌لومه‌رجەکاندا له‌سه‌ر هێڵی نه‌ته‌وه‌یی دیموكرات ده‌ژین، من پیرۆزباییان لێده‌كه‌م، من شه‌هیده گه‌وره‌كانی ئه‌م شۆڕشه به ڕێز و پێزانینه‌وه به بیرده‌هێنمه‌وه، شۆڕشێكی گه‌وره‌بوو، هێشتاش كاریگه‌ریی ئه‌و گه‌وره‌بوونه ده‌پارێزێت، ١٠ ساڵی یه‌كه‌می خۆیان ته‌واو كرد… ئێستا مەترسیی و هەڕەشە هەیە، بۆیە نه‌ك به قسه، بەڵکو به كرده‌وه سه‌فه‌ربه‌ریی پێویسته، به دڵنیاییه‌وه فاشیزمی ئاكه‌په- مه‌هه‌په له لاوازترین سه‌رده‌می خۆیدایه.
