سۆزدار ئاڤێستا، رایدەگەیەنێت:”رێپێوانی مەزنی گەملیك” بۆ ئازادی رێبەری گەلی كورد عەبدوڵڵا ئۆجالان هەنگاوێكی نوێیە

حوزه‌یران 18, 2022

303

سۆزدار ئاڤێستا، رایدەگەیەنێت:”رێپێوانی مەزنی گەملیك” بۆ ئازادی رێبەری گەلی كورد عەبدوڵڵا ئۆجالان هەنگاوێكی نوێیە و دەڵێت:”بەملیۆنان كەس بۆ رێبەر ئاپۆ داوا ئازادیان كرد، تا ئازادی جەستەیی رێبەر ئاپۆ پێكبێت، ئەم تێكۆشانە بەردەوام بێت”.

ئەندامی كۆنسەی سەرۆكایەتی گشتی، كەجەكە سۆزدار ئاڤێستا لەبەرنامەیەكی تایبەتی ستێرك تیڤیدا رۆژەڤی رۆژی كوردستانی هەڵسەنگاند.

سۆزدار ئاڤێستا دەستنیشان كرد كە لەزۆرێك لەوڵاتانی دنیا بۆ ئازادی جەستەیی رێبەری گەلی كورد عەبدوڵڵا ئۆجالان چالاكی بەرێوە دەچێت، بەڵام ئەوە بەس نییە و دەڵێت:”لەهەر شوێنێك بەرخۆدان هەیە، بەڵام ئەمانە هەموویان بەس ناكەن. چۆنكە فاشیزم هێشتاش هەبوونی خۆی بەردەوام دەكات. تا ئەو كاتەی فاشیزمی لەناو نەبرێت و سیستەمەكەی هەڵنەوەشێندرێتەوە، ئەوا تێكۆشان ئەنجام وەرناگرێت. بۆ ئەوەی فاشیزمی ئاكەپە ـ مەهەپە و بەتایبەتی لەباكور و توركیا كۆتایی پێ بێت، دەبێت زیاتر بەرێكخستن بوون و چالاكی پێكبێن و كۆمەڵگە زیاتر پاراستنی خۆی بكات”.

ئاڤێستا سەرەنجی راكێشایە سەر ئۆپەراسیۆنی قڕكردنی سیاسی لەبەرامبەر بەرۆژنامەنووسان و رایگەیاند؛ حكومەتی ئەردۆغان بۆ ئەوەی راستیەكان ئاشكرا نەبن، رۆژنامەنووسانی دەستبەسەركرد. ئاڤێستا ئەوەشی ووت؛ میراسی چاپەمەنی و راگەیاندنی ئازاد بەقۆربانی زۆر تا ئەمڕۆكە هاتووە، دەبێت لەشوێن هەر رۆژنامەنووسێك كە دەستگیر دەكرێت، كەسێك شوێنی بگرێتەوە. دەبێت پێنوس”قەلەم”، كامێرا و میكرۆفۆنی رۆژنامەنووسان لەسەر زەوی نەمێنێتەوە و دەبێت گەنجان وەكو رۆژنامەنووسان و پێشكەشوانان بەشداری كاروخەباتی راگەیاندنی بن.

بەرخۆدانی ئیمرالی

سۆزدار ئاڤێستا ئەو بەرخۆدانەی لە ئیمرالی كە پاراستنی روومەتی مرۆڤایەتی و ژنان دەكا و بۆ ئازادی ئەوان تێدەكۆشێت سڵاو دەكات و دەڵێت:”بۆ ئازادی جەستەیی رێبەر ئاپۆ لەزۆرێك لەوڵاتانی دنیا هەنگاوی جیاواز دەنرێن. هەم بەكەمپینی كۆكردنەوەی واژۆ، هەم بەمانگرتن و نۆبەتی ئازادی و راگەیەندراو و لێدوانی راگەیاندنی چالاكی جیاواز جیاواز پێكدێن. بێگۆمان ئەو چالاكیانە هەموویان هێژا و بەنرخن. رێبەر ئاپۆ ماوەی ٥٠ ساڵە بێ راوەستان تێكۆشانی ئازادی بەرێوە دەبات. لەنەبوونی گەیشتووەتە ئەم قۆناخە. تاكە رێگای رزگاری لەقەیرانی جیهانی، فەلسەفە و هزر و ئایدئۆلۆژی رێبەر ئاپۆیە. لەبەر ئەوەش نرخی مرۆڤایەتی، ئازادی و سیستەمی ئەڵتەرناتیڤ”جێگرەوە” لەدژی سیستەمی مۆدێرنیتەی سەرمایەداری پێشخستووە و دەیپارێزێت.

ئاڤێستا دەڵێتیش:”هەم گەلی كورد و هەم گەلانی جیهان و لایەنگەرانی ئازادی ئەم راستیە باش دەبینن؛ لەبەر ئەوەش فاشیست ئەردۆغان و باخچەلی ویستیان ئەو راستیانە پێچەوانە بكەنەوە و رێبەر ئاپۆ لەئیمرالی بێ هەناسە بهێڵنەوە. 20 ساڵە هەموو هەوڵدانیان بۆ ئەوەیە، لەبەر ئەوەش دەبێت هەر كەس باش بزانێت كە ئەم گۆشەگیریە لەدژی گەلی كوردستان، توركیا و لەدژی هەموو گەلانی رۆژهەڵاتی ناوینە. لەبەر ئەوەش سیستەمی سەرمایەداری و مۆدێرنیتەی سەرمایەداری دەیانەوێـت هەموو مرۆڤایەتی گۆشەگیر بكەن. رێوەبەری ئەم گۆشەگیریەش لەرۆژهەڵاتی ناوین، دەوڵەتی تورك، فاشیست ئەردۆغان ـ باخچەلی و هاوكارەكەیان بارزانیە. گۆشەگیری ئیمرالی بەم پیلانگێڕیە بەرێوە دەچێت. نایانەوێت ئاخاوتنێكی رێبەر ئاپۆ لەزیندان دەركەوێت. لەئاخاوتنی رێبەر ئاپۆ، لەفەلسەفەكەی، لەهێزەكەی و لەكاریگەری لەسەر كۆمەڵگە دەترسن. هۆكاری هەموو هێرشەكانیش ئەمانەیە.

رێپێوانی گەملیك، چالاكیەكی گرنگ بوو

رێپێوانی گەملیك چالاكیەكی گرنگ بوو. بۆیەش هەموو ئەو كەسانەی بەشداری رێپێوانەكە بوون سڵاو دەكەم و تێكۆشانەكەیان لێ پیرۆز دەكەم. بەتایبەتی ئەو ژنانەی بەشدار بوو، پەرلەمانتاران، رۆژنامەنووسان و رەنجدەران، هەڵوێستێكی پڕ بەواتا و گرنگیان نۆاند. ئیرادەیەكی ئازادیان نیشان دا و سەریان لەبەرامبەر بەفاشیزم نەتواندەوە. گەملیك هەنگاوێكی نوێ بوو. دۆژمن ویستی بەگۆشەگیری لەئیمرالی و هێرش لەبەرامبەر بەگەریلا ئەنجام بدەست بخەن، بەڵام رێپێوانی گەملیك بەردەوامی قەڵەمبازی هەشتی ئادار و نەورۆز بوو. بەملیۆنان كەس و بەشێوەیەكی ئازاد داوای ئازادی رێبەر ئاپۆیان كرد. بەباوەڕی من رێپێوانی گەملیك بەردەوام بێ. دەبێت گەلی كوردستان بەدرۆشمی”هەر شوێنێك ئیمرالییە و هەر شوێنێك بەرخۆدانە” بەشداری رێپێوانی ئازادی بكەن. ئێدی نەمۆممكنە كە رێبەر ئاپۆ بەوشێوەیە لەزیندانی ئیمرالی بهێڵنەوە. تا ئازادی جەستەی رێبەر ئاپۆ ئەم رێپێوان و تێكۆشانە بەردەوام بكات. نە فاشیزمی ئاكەپە ـ مەهەپە و نە خیانەتی بارزانی و نە هێزێكی دیكەی پیلانگێڕان، كەس ناتوانێت پەیوەندی گەل لەگەڵ رێبەر ئاپۆ ببڕێت.

ئاڤێستا ڕایگەیاند، لە زۆربەی وڵاتان و بەتایبەتی لە بەریتانیا و مەکسیک، سەندیکاکان و کرێکاران کەمپەین بۆ ئازادیی جەستەیی ڕێبەر ئاپۆ بەڕێوەدەبەن و وتیشی: “هەروەها بۆ ئەوەی پەکەکە لە لیستی “تیرۆر” دەربهێنرێت و و ئازادی جەستەیی ڕێبەر ئاپۆ بەدی بێت چالاکی بەڕێوەدەچێت. لە هەموو شوێنێک بەرگری و بەرخودان هەیە، بەڵام هەموو ئەمانە بەس نین، چونکە فاشیزم هێشتا بەردەوامە لە بوونی خۆی. تاوەکو فاشیزم تێکنەشکێت و سیستمەکەی نەڕوخێنرێت، ئەو تێکۆشانە و ئەو بەرخۆدانە ئەنجامی نابێت. ئێمە ئەوە بە باشی دەزانین بۆیە ڕوونکردنەوە و ڕاڤەکردن و کەمپەینەکان بەس نین، کەواتە دەبێت چی بکرێت؟ بۆ ئەوەی کۆتایی بە فاشیزمی ئاکەپە – مەهەپە بهێنرێت، بەتایبەتی لە باکور و تورکیا، پێویستە ڕێکخستن بەرفروانتر و بەهێزتر بکرێت و چالاکی ڕێکبخرێت و کۆمەڵگا بپارێزرێت. ئێمە لە پڕۆسەیەکداین، کە بۆ مان و نەمان تێدەکۆشین و شەڕ دەکەین.

ساڵی داهاتوو سەد ساڵەی پەیمانی لۆزانە. دەوڵەتی تورک بە عەقڵییەتی سڕینەوە و پاکتاوکاریی خۆی جارێکیتر دەیەوێت گەلی کورد بە بێ ناسنامە و بێ وڵات بکات، لە مافی دێموکراسی و ئازادی بێبەشیان بکات، پێویستە گەلی کورد لە بەرزترین ئاستدا شەڕ بکات بۆ ئەوەی ئەم دۆخە دووبارە نەبێتەوە. لەم قۆناغەدا کێ چیی لە دەست دێت دەبێت ئەنجامی بدات، لەوانەیە سبەی درەنگ بێت. نەک تەنها لە باکور، بەڵکو دەبێت لە هەر چوار پارچەی کوردستان و دەرەوەی وڵات گەلەکەمان لە چوارچێوەی هەڵمەتی “کات کاتی ئازادییە” لە هەموو ناوچەکاندا درێژە بە تێکۆشانی خۆیان بدەن.

ئێمە ٦ مانگی ساڵی ٢٠٢٢مان تێپەڕاند. لەم ٦ مانگەدا تێکۆشانێکی گەورە و شکۆمەندانە ئەنجامدرا. ڕێپێوان و چالاکییەکان، کە لە ١٥ی شوبات و ٨ی ئازار و نەورۆزدا ئەنجامدران هەڵمەتی گرنگ بوون. ئێمە جارێکی تر سڵاو لە هەموو ئەو کەسانە دەکەین، کە بەشدارییان لەم چالاکییانەدا کردووە، پێویستە بۆ بەرزکردنەوەو بەهێزکردنی تێکۆشان و بە دەستهێنانی ئەنجام هەموو ئەرکەکانی خۆمان جێبەجێ بکەین”.

“پێویستە گەلی کوردستان و تورکیا چاپەمەنی و میدیای ئازادی خۆیان بپارێزن“

ئاڤێستا رایگەیاند، فاشیزمی ئاکەپە – مەهەپە دەیەوێت بە کۆمەڵکوژکردنی گەلی کورد بەردەوامی بە بوونی خۆی بدات و وتی: “بە تایبەتی هێزە خۆڕاگر و بەرەنگارەکان، دیموکراتیک، چەپ، ڕۆشنبیر و ئەو هێزانە دەکاتە ئامانج، کە دەبنە ویژدان و دەنگی کۆمەڵگا. لەم چەند ڕۆژەی دواییدا هێرشی زیاتر لە دژی چاپەمەنیی ئازاد و دامەزراوەکانی وەک هەدەکە ئەنجام داوە. یەکێک لە هۆکارەکانی هێرشەکان بۆ بێدەنگکردنی ڕۆژنامەگەریی ئازادە. لەم قۆناغەدا دەوڵەتی تورک لە ئاشکراکردنی تاوان و پێشێلکارییەکان، لە ئاشکراکردنی کۆمەڵکوژییەکانی و ئاشکراکردنی ڕاستییەکان دەترسێت. لە ڕاستگۆیی، دێموکراسی و ئازادی دەترسن، چونکە ئەوان هێزێکی تاریکن، دەیانەوێت هەموو شتێک لە تاریکیدا بمێنێتەوە.

خەباتکارە دەستگیرکراوەکانی ڕاگەیاندن هەڵوێستیان وەرگرت و ڕایانگەیاند “ئێمە هەرگیز تەسلیم نابین، ئێمە بەرگری دەکەین و بەردەوام دەبین لە رێگا و نەریتی چاپەمەنیی ئازاد”. چاپەمەنی و ڕۆژنامەگەریی ئازاد لە تورکیا بەتایبەتی لە کوردستان نرخێکی زۆری قورسی داوە. ئەم هێرشانە یەکەم هێرش نین، ٣٠ ساڵ لەمەوبەر ڕۆشنبیری کۆمەڵگەی کورد، نوسەر ئاپێ موسا بەهۆی ڕوونکردنەوەى ڕاستییەوە کوژرا. هەروەها دەیان خەباتکاری ڕۆژنامەگەریی ئازاد کوژران و سەدانیان دەستگیرکران و زیندانیکران.

دوژمن جگە لە قسەی خۆی نایەوێت قسەیەکی تر ببیستێت. یاسای تۆڕە کۆمەڵایەتییەکان، کە ئێستا هەوڵی تێپەڕاندنی دەدەن، دەریدەخات کە ئەوان چەندە لە ڕاستی دەترسن. پێویستە گەلانی کوردستان و تورکیا داکۆکی لە چاپەمەنیی ئازادی خۆیان بکەن و بیپارێزن. دەبێت کار و خەبات و کەلەپوورەکەی خۆیان بپارێزن و ڕێگە نەدەن کارەکانیان هەڵبوەشێنرێنەوە. پێویستە هەموو کەسێک دەستبەجێ شوێنی ڕۆژنامەنووسانی زیندانیکراو بگرێتەوە. بە شێوەیەکی سەرەکی پێویستە پیاوان و ژنان و گەنجان و هەموو کەسێک وەک پەیامنێرێک بەشداری لە کاری ڕۆژنامەوانیدا بکات، وەک پێشکەشکارێک بەشداری کاروباری میدیای ئازاد بکت. بەو شێوەیە کار، کە عەقڵییەتی فاشیست بزانێت کاتێک کەسێک دەستگیر دەکرێت ٥٠ کەسی تر دەتوانن جێگەی بگرنەوە. ئەم بزووتنەوەیە بەم شێوەیە پەرەی سەندووە و بەرەو پێشچووە.

هەر وەک چۆن ئەمڕۆ گەریلایەک شەهید دەبێت، هەڤاڵێکی دیکە چەکەکەی بۆ تۆڵەسەندنەوە هەڵدەگرێت، پێویستە خەباتکارانی ڕۆژنامەگەریی ئازادیش، قەڵەم و کامێرا و مایکرۆفۆنەکانیان لەسەر زەوی نەمێنێتەوە، دوای ئەوەی ئەمە ڕوویدا، من لەو بڕوایەدام جارێکی تر بەو شێوەیە هێرش ناکەنە سەر چاپەمەنیی ئازاد. لەم دواییانەدا ١٨٥ ڕۆژنامەنووس لە باشوور خاوەنداری و پشتیوانییان ڕۆژنامەگەریی ئازاد کرد. نەک هەر لە باکوور، لە باشوور و ڕۆژئاوا و دەرەوە هەموو کەس دەبێت دەنگی ڕۆژنامەگەری ئازاد بێت. ڕێپێوانی گەملیک هەبوو، بەرخۆدانی گەورەی گەریلا هەبوو، بەرخۆدانی ئیمراڵی بەردەوامە. دوژمن نەیدەویست ئەمانە ببنە ئەجندا و رۆژەڤی ڕۆژ و رای گشتیی هاووڵاتییان، بۆیە دەیویست ڕۆژنامەگەری ئازاد بێدەنگ بکات.

هەر لەم مانگەدا دەنیز پۆیراز، خەباتکاری هەدەپە، کە یەکێکە لە شەهیدانی هێڵی ئازادی لە ئیزمیر کوژرا، واتە هێرشکردنە سەر چاپەمەنیی ئازادیش لە چوارچێوەی ئەو عەقڵیەت و دیدەدایە. دەکوژن، دەسوتێنن، دەستگیر دەکەن, بکوژەکەی دەنیز پۆیراز وتی: “هەموویان دەکوژم”. ئەو چەتە فاشیستانەی سلۆش دەیانەوێت هەموو کەسێک لەو بینایانەدا دەستگیر بکەن، کە هەڵیانکوتاوەتە سەر و بیانکوژن. ئێستا دەیانەوێت چەتەکانیان بە کردەوە بخەنە کار و کردەوەیان بۆ ئەنجام بدەن. سەرەڕای هەموو ئەمانە، رێپێوانی گەملیک بە هەموو شوێنێک دا بڵاوبوویەوە و ڕۆژنامەوانان هەواڵی خۆیان پێشتر ئامادە کردبوو و درێژەیان بە بڵاوکردنەوەیان دا. دەبێت هەموو کەسێک بەم شێوەیە هەڵسوکەوت بکات”.

شه‌هید زیلان، سه‌ما و گوڵان پێشه‌نگی تێكۆشانی ئازادین

سۆزدار ئاڤێستا شه‌هیدانی پێشه‌نگی په‌كه‌كه‌ زه‌ینه‌ب كناچی (زیلان)، سه‌ما یوجه‌، فلیز یه‌رلیكایا (گوڵان) و ئه‌ندامی ده‌سته‌ی سه‌رۆكایه‌تی گشتیی كه‌جه‌كه‌ دیار غه‌ریب (هه‌ڵمه‌ت)ی كه‌ له‌ مانگی حوزه‌یراندا شه‌هیدبوون به‌ بیرهێنایه‌وه‌ و باسی له‌وه‌كرد كه‌ ئه‌مڕۆ گه‌ریلاكانی هه‌په‌گه‌ و یه‌ژه‌ئاستار له‌ زاپ، ئاڤاشین و مه‌تینا له‌سه‌ر هێڵی شه‌هیدان خۆڕاگری ده‌كه‌ن و وتی، ” ده‌بێت ئێمه‌ له‌ راستی مانگی حوزه‌یران تێبگه‌ین. به‌ ده‌یان شه‌هیدمان هه‌یه‌ كه‌ له‌ مانگی حوزه‌یراندا بوونه‌ هێما. هه‌ڤاڵ زیلان، سه‌ما و گوڵان له‌ مانگی حوزه‌یراندا شه‌هیدبوون. ئه‌و سیچ هه‌ڤاڵه‌ پێشه‌نگی تێكۆشانی ئازادی ژنانن. من ئه‌و سیچ هه‌ڤاڵه‌مان به‌ رێزه‌وه‌ به‌ بیرده‌هێنمه‌وه‌. ئه‌ركی ئێمه‌یه‌ كه‌ پارێزگاری له‌ ره‌نج و ماندبوونی ئه‌و هه‌ڤاڵانه‌ بكه‌ین. پێویسته‌ ئێمه‌ ئه‌وه‌ بزانین كه‌ له‌ هه‌ر سه‌رده‌مێكدا به‌ چ گیانێك، بوێری و قاره‌مانێتیه‌ك چالاكییان جێبه‌جێ كردووه‌. له‌م رووه‌وه‌ جار جار هه‌ڵه‌ و كه‌موكورتی هه‌یه‌. كاتێك ئێمه‌ یه‌ك به‌ یه‌ك له‌و هه‌ڤاڵانه‌ ورد ده‌بینه‌وه‌ و له‌ ژیان و تێكۆشانیان ده‌ڕوانین، ئێمه‌ ده‌بینین كه‌ هه‌ر هه‌ڤاڵێك له‌ كاتی خۆیدا رۆڵێكی مێژوویی خستووه‌ته‌ ئه‌ستۆی خۆی. چالاكی ئه‌وان بووه‌ هۆكاری سه‌ره‌تایه‌كی نوێ له‌ بزوتنه‌وه‌ی ئازادیدا. رێبه‌ر ئاپۆ به‌م جۆره‌ مامه‌ڵه‌ی له‌گه‌ڵ چالاكی هه‌ڤاڵاندا كرد. ئه‌و هه‌ڤاڵانه‌ له‌ تێكۆشانی ئێمه‌دا بوونه‌ ره‌مز و هێما.

هه‌ڤاڵ زیلان له‌ ساڵی ١٩٩٦ كاتێك كه‌ هێرش له‌ دژی رێبه‌ر ئاپۆ ئه‌نجامدرا هه‌ستی به‌وه‌كرد. بۆ ئه‌وه‌ی رێگری له‌ هێرشه‌كانی سه‌ر رێبه‌ر ئاپۆ بگرێت ده‌ستی به‌ بیركردنه‌وه‌ كرد. بۆ یه‌كه‌م جار له‌ مێژووی ئێمه‌دا، هێڵی گیانبازی دروست كرد. ئه‌و ئه‌مه‌ی چۆن كرد؟؟ له‌سه‌ر هێڵی رێبه‌ر ئاپۆ، له‌سه‌ر مێژووی كوردستان، له‌سه‌ر راستی ژن خۆی قوڵكرده‌وه‌. به‌م جۆره‌ چالاكی گه‌وره‌ی خۆی بۆ ئه‌وه‌ ئه‌نجام دا كه‌ دوژمن له‌ هێرشه‌كانی سه‌ر رێبه‌رایه‌تی ئه‌نجام به‌ده‌ستنه‌هێنێت.

هه‌ڤاڵ سه‌ما له‌ ساڵی ١٩٩٨ پیلانگێڕییه‌كه‌ی هه‌م له‌ ناوخۆ و هه‌م له‌ ده‌ره‌وه‌ بینی. كاتێك سڕینه‌وه‌ی جه‌سته‌یی رێبه‌رایه‌تی ده‌ره‌وه‌ بیری لێده‌كرایه‌وه‌، له‌ زیندانیشدا ویستیان هێڵی رێبه‌رایه‌تی پێچه‌وانه‌ بكه‌نه‌وه‌ و له‌ ناو بزوتنه‌وه‌ی ئێمه‌دا پێشه‌نگی ساخته‌ بخه‌نه‌ پێشه‌وه‌. سه‌ما كه‌ ئه‌و مه‌ترسیه‌ی بینی، تێكۆشانێكی گه‌وره‌ی و بۆ رێبه‌ر ئاپۆ بووه‌ مه‌شخه‌ڵ.

یه‌ك له‌و كه‌سانه‌ی كه‌ له‌ ناو هێزه‌كانی تایبه‌تی گه‌ریلادا خۆی رێكخست، یه‌ك له‌ فه‌رمانده‌كانمان هه‌ڤاڵ گولان بوو. هه‌ر سێ هه‌ڤاڵ به‌ده‌وری رێبه‌ر ئاپۆوه‌ بوونه‌ ئاڵقه‌. پێویسته‌ ئێمه‌ باش له‌ تێكۆشانی ئه‌و هه‌ڤاڵانه‌ تێبگه‌ین. ئه‌و هه‌ڤاڵانه‌ رێبه‌ر ئاپۆیان به‌ ته‌نیا جێنه‌هێشت. له‌گه‌ڵ ئه‌و دا له‌سه‌ر رێگه‌ی راستی رۆیشتن. وه‌ك چۆن هه‌ڤاڵ سه‌كینه‌ جانسز له‌ سه‌ره‌تاوه‌ تا كۆتایی تێكۆشانی ئازادی بیچ پسانه‌وه‌ خۆڕاگرییان كرد، هه‌ڤالانمان له‌ مانگی حوزه‌یراندا شه‌هیدبوو، ئه‌وانیش بوونه‌ هێمای ئه‌م تێكۆشانه‌. نه‌یانهێشت دوژمن له‌ رێبه‌ر ئاپۆ نزیك ببێته‌وه‌”.

سۆزدار ئاڤێستا به‌رخودانی گه‌ریلاكانی هه‌په‌گه‌ و یه‌ژه‌ئاستاری به‌ بیرهێنایه‌وه‌ و به‌م جۆره‌ دوا، “كاتێك ئێمه‌ هه‌وڵ ده‌ده‌ین به‌رخودانی گه‌ریلا له‌ زاپ، ئاڤاشین و مه‌تینا شرۆڤه‌ بكه‌ین، ئێمه‌ چۆن گوزارشتی لێبكه‌ین، ئێمه‌ بیر ده‌كه‌ینه‌وه‌. ره‌نگه‌ له‌ مێژووی مرۆڤایه‌تیدا ئه‌مه‌ یه‌كه‌مجاره‌ كه‌ شایه‌تی شتێكی له‌م جۆره‌ بێت. بێگومان تێكۆشانی له‌ دژی فاشیزم، دیكتاتۆری، پاكتاوكاری و داگیركه‌ری له‌ مێژوودا به‌ره‌و پێش چووه‌ و مرۆڤایه‌تی باج و قوربانی گه‌وره‌ی داوه‌، شه‌هیدی داوه‌ و كۆچبه‌ر بووه‌. نه‌ك هه‌ر ئێمه‌، له‌ سه‌ده‌ی ٢١دا له‌ رۆژهه‌ڵاتی ناوه‌رشاست له‌ به‌رامبه‌ر دوژمنێكی به‌م جۆره‌ داگیركه‌ر، پاكتاوكه‌ر به‌رخودانێكی به‌م جۆره‌ نه‌كراوه‌. به‌و بۆنه‌یه‌وه‌ من له‌ كه‌سایه‌تی گه‌ریلاكانی یه‌ژه‌ئاستار و هه‌په‌گه‌دا سڵاو له‌ هه‌موو ئه‌و گه‌ریلایانه‌ ده‌كه‌م كه‌ له‌ سه‌نگه‌ره‌كانی زاپ، مه‌تینا و ئاڤاشیندا له‌ ناو به‌رخودانی پیرۆزدا شه‌ڕده‌كه‌ن، خۆشه‌ویستی خۆمیان پێ راده‌گه‌یه‌نم و به‌رخودانیان پیرۆز ده‌كه‌م”.

راگه‌یه‌نراوی ده‌وڵه‌تی سوریا گرنگه‌

سۆزدار ئاڤێستا له‌ كۆتاییدا لێدوانی ده‌وڵه‌تی سوریای به‌ بیرهێنایه‌وه‌ و وتی، “ده‌وڵه‌تی سوریاش هه‌ندێك لێدوانیاندا. له‌ لێدوانه‌كاندا باس له‌وه‌كران ‘ئه‌گه‌ر ده‌وڵه‌تی تورك هه‌وڵ بدات خاكه‌كه‌مان داگیر بكات، ئێمه‌ خاكی خۆمان ده‌پارێزین. ئه‌مه‌ گرنگه‌. له‌به‌ر ئه‌وه‌ی ده‌وڵه‌تی تورك خاكی سوریا داگیرده‌كات. رژێمی سوریا ئیتر ده‌بینێت كه‌ كێ دوژمن و دۆسته‌. ئه‌گه‌ر به‌ ژیرانه‌ بجوڵێته‌وه‌، مامه‌ڵه‌ بكات كه‌ سوریا ئیتر سوریای كۆن نییه‌ و له‌گه‌ڵ خۆبه‌ڕێوه‌به‌ری دیموكرات پڕۆژه‌كان به‌ره‌و پێش ببات، ئاسایش نه‌ك له‌ باكور- رۆژهه‌ڵاتی سوریا له‌ هه‌موو خاكی سوریا مسۆگه‌ر ده‌بێت. هاوپه‌یمانی گه‌لی كورد و عه‌ره‌ب له‌ باكور- رۆژهه‌ڵاتی سوریا و شه‌نگال ببێته‌ نه‌خشه‌ی ته‌واوی رۆژهه‌ڵاتی ناوه‌ڕاست.

فاشیست ئه‌ردۆغان و ده‌وڵه‌تی تورك ده‌یه‌وێت ئه‌و هاوپه‌یمانییه‌ له‌ناو ببات و دوژمنایه‌تی بخاته‌ ناو گه‌لانی هه‌رێمه‌كه‌. من له‌و بڕوایه‌دام كه‌ گه‌لانی باكور-رۆژهه‌ڵاتی سوریا به‌وه‌ ده‌زانن. ئه‌وان ده‌توانن نه‌ك ته‌نیا هه‌ڕه‌شه‌كان، له‌ هه‌مان كاتدا هێرشه‌كانی داهاتووش پوچه‌ڵ بكه‌نه‌وه‌. له‌سه‌ر ئه‌و بنه‌مایه‌ من داوا له‌ گه‌له‌كه‌مان، دۆست، رۆشنبیران، هونه‌رمه‌ندان، ژنان، گه‌نجان، ئینته‌رناسیۆناڵیسته‌كان ده‌كه‌ن، له‌ دژی فاشیزمی ئاكه‌په‌- مه‌هه‌په‌ و خیانه‌تی په‌ده‌كه‌ به‌ گیانی یه‌كێتی كه‌ له‌ دژی داعش هاته‌ ئاراوه‌ هه‌ڵسنه‌ سه‌ر پێ، خاوه‌نداری له‌ كوردستانی ئازاد بكه‌ن و بیپارێزن”.

دەرچە میدیا

Top Menu

Main Menu

سۆزدار ئاڤێستا، رایدەگەیەنێت:”رێپێوانی مەزنی گەملیك” بۆ ئازادی رێبەری گەلی كورد عەبدوڵڵا ئۆجالان هەنگاوێكی نوێیە

دەرچە

دەرچە میدیا

Top Menu

Main Menu

سۆزدار ئاڤێستا، رایدەگەیەنێت:”رێپێوانی مەزنی گەملیك” بۆ ئازادی رێبەری گەلی كورد عەبدوڵڵا ئۆجالان هەنگاوێكی نوێیە

بابەتی پەیوەندیدار

بابەتی پەیوەندیدار