زەكی محەمەد چەلەبی هاوڵاتی باكوری كوردستان لە نەخۆشخانەی شار شەهید بوو
دوێنێ شەوی سێ شەممە، ڕێكەوتی ١٧ ئابی ٢٠٢٢ ، لە شەقامی بەختیاریی شاری سلێمانی (زەکی محەمەد چەلەبی)، خاوەنی ڕێستۆرانتی دەنیز کە خەڵکی باکووری کوردستانە، لەلایەن میتی تورک و بە هاوکاریی پەدەکە درایە بەر دەستڕێژی گولـلە و بە سەختیی بریندارکرا. ئێوارەی ئەمڕۆ لە نەخۆشخانەی شار گیانی لە دەستدا.
ئەمە چەندین كاری تیرۆرستیە لە هەرێمی كوردستان لەلایەن داگیركەرانی لە بەرامبەر وڵاتپارێزان و خەڵكانی ئازدیخوازی پارچەكانی دیكەی كوردوستان لە هەرێمی كوردوستان ئەنجام دەدرێت.
لە ڕاستیدا هەرێمێك کە ژیانی مرۆڤە شۆڕشگێڕ و وڵاتپارێزەکانی تێدا پارێزراو نەبێت و داگیركەرانی كوردستان بە ئاسانی تەراتێنی تێدا بكەن و كاری تێرۆریستی دژە مرۆڤایەتی بە ئاسانی ئەنجام بدەن، ئیتر كاتی ئەوە هاتوە ئەم ستەمكاریە بوەستێنرێت و گەل ئەو دەسەڵاتە بوكەڵەی دەستی داگیركەرانی كوردستان بێكاریگەر بكات و لەجێگەی ئەودا دەسەڵاتی گەل بونیاد بنێت.
دەرچە میدیا، خەم و پەژارەی خۆی ڕادەگەیەنێت بە شەهید بوونی (زەکی محەمەد چەلەبی) و سەرەخۆشی لە ماڵبات و كەس و كار و گەلی خۆمان دەكەین، لەهەمان كاتدا دەوڵەتی داگیركەری تورك و هێلی خیانەتكاری شەرمەزار و ڕسوا دەكەین.
.