داگیركەری عوسمانی نوێ لە دهۆكەوە تونێل لێدەدات بۆ شەنگال بە مەبەستی داگیركردنی
ئەمڕۆ شەممە ٢٦ شوباتی ٢٠٢٢ ئەندامی كۆمیتەی پەیوەندیەكانی پارتی كرێكارانی كوردستان (پەكەكە) ’’زوربار تۆڵهەلدان’’، بە ڕۆژنامەی بەغداد ئەلیەومی وتوە: دەوڵەتی داگیركەری تورك بە مەبەستی خۆگەیاندنە چیاكانی شەنگال، دەستی كردوە بە لێدانی تونێل لە چەند شوێنێكی پارێزگای دهۆك بۆ ئامادەکاریی گەیاندنی هێزەکانی بۆ سنوورەکانی چیای شەنگال و داگیركردنی شاری شەنگال.
ئەو سەركردەیەی پەكەكە ئەوەشی ئاشكرا كرد: دەوڵەتی داگیركەری تورك ماوەیەکە ئامادەکاریی دەکات بۆ نزیك كردنەوەی هێزە سەربازییەكانی بە ناوچەی شەنگال بە مەبەستی داگیرکردنی شاری شەنگالی ڕۆژئاوای پارێزگای نەینەوا و لە هەماكاتدا دەیەوێت پارێزگای کەرکوک و نەینەوا بە تەواویی داگیریان بکات.
