دوابەدوای هێرشەکانی ئەم دواییەی داعش لە حەسەکە، پنتاگۆن ستراتیژی خۆی بۆ ناوچەكە ئاشکرا دەکات و بەڵێنی پاراستن و سەقامگیری ناوچەكە دەدات
پنتاگۆنی ئەمەریكی ئەو ئامانجەی ئاشکراکرد كە بە ووردی لێی دەڕوانێت لە قۆناغی داهاتوودا ئەمەش لە دوای زیادبوونی هێرشەکانی داعش بەتایبەتی لە سوریا.
لەو بارەیەوە ووتە بێژی پنتاگۆن (جۆن کیربی) ووتی: تا ئێستا هەڕەشەی ڕێكخراوی تیرۆریستی داعش لەسەر عێراق و سوریا بوونی هەیە و بەردەوامە.
کیربی ڕۆژی یەکشەممە بە فۆکس نیوزی ڕاگەیاند” ئێمە نامانەوێت ناکۆکییەکان درێژە بكێشێت، پنتاگۆن ئامانجی ئەوەیە كە سەرنجەكانی بخاتە سەر هەڕەشە تیرۆریستییەکانی داعش لە سوریا و عێراق ئەمەش بە ڕوونی و ئاشكرا ئاماژەی پێدەكات و جەختی لەسەر دەكاتەوە”
لە لایەکی دیکەوە هێزەکانی سوریای دیموكراتی (هەسەدە) و هێزەكانی ئاسایشی ناوخۆ و بەردەوامن لە ئەرکەکانیان لە بە دواگەڕان و ڕووماڵ كردنی گەڕەكانی حەسەكە و دەوروبەری بە مەبەستی دەستگیركردنی خانە نوستوەكان و چەتەكانی داعش
پنتاگۆن ئەوەشی ئاشكرا كرد كە هاوپەیمانی نێودەوڵەتی ستایشی ئازایی و بوێری هێزەکانی سوریای دیموکرات کرد لە ڕووبەڕووبونەوە و تێكشكاندنی داعش دوای ئەوەی ئەو ڕێكخراوە تیرۆریستیە هەوڵیدا زیندانیە تیرۆریستیەكانی بەندیخانەی غوێران بەربدات. هەروەها پنتاگۆن بەڵێنی سەقامگیری و پاراستنی ناوچەکەی داوە.
