كەنەكە جەژنی ئێزیدایان پیرۆز كرد و ڕایگەیاند: جەژنی ئێزدی، جەژنی بنیاتنانەوەیە

کوردستان, گرنگ

نووسەردەرچە

كانونی یه‌كه‌م 17, 2021

552

کەنەکە بە بۆنەی جەژنی ئێزدیەوە راگەیەنراوێکی بڵاوکردەوە كەتێدا دەستەی بەڕێوەبەری کەنەکە جەژنی ئێزدی پیرۆز کرد و بۆ پاراستن و بنیاتنانەوەی شەنگال داوای خاوەنداریکردن کرد. كەنەكە لە ڕاگەیاندراوەكەیدا جەختی كردەوە و وتی:-

لەسەر ئەم بناغەیە ئێمە وەک کەنەکە بانگ لە هەموو گەلانی کوردستان، کۆمەڵگەی ئێزدی و دۆستانی گەلەکەمان دەکەین، پێکەوە شەنگال بپارێزین و ئاوەدانی بکەینەوە و هاوکاری گەلەکەمان بدەین کە بگەڕێنەوە بۆ سەر زێدی خۆیان. بەم ئۆمێدەوە، جارێکی دیکە، جەژنی ئێزی لە کۆمەڵگەی ئێزدی و هەموو مرۆڤایەتی پیرۆز دەکەین.”

ڕاگەیاندراوەكەی بەم شێوەی خوارەوەیە:-

“جەژن بنیاتنانەوە و خاوەنداریکردنە:

ئەمڕۆ جەژنە، جەژنی ئێزدیە و جەژنی بنیاتنانەوەیە. جەژنی ئێزی لە کۆمەڵگەی ئێزدی، لە گەلانی کوردستان و هەموو مرۆڤایەتی پیرۆز بێت. هەروەها هیوادارین ئەم جەژنە ببێتە ژهۆی ئاشتی و ئازادی و یەکترقبوڵکردنی ئایینەکان و گەلان. جەژن لەنێو هەموو ئایینەکاندا خاوەن پێگەیەکی گرنگە. جەژنی ئێزدیش خاوەن مێژوویەکی دێرینە. کاتێک سەیری مێژوو و ناوەرۆکی جەژنەکان دەکەین، ژیانی نوێ و پیرۆزیەکان دەبینین. ئێمە جەژنی ئێزدی وەک نەریتێکی خاوەنداریکردن و کەلتوری وڵاتمان دەبینین. پیرۆز ئەم جەژنە لەم رۆژەدا، لە هەموو کاتێک، بۆ ئایین و کەلتوری ئێزدی واتادارترە. لەبەرئەوەی ئەم کەلتورە دێرینە لەژێر هەڕەشە و مەترسی گەورەدا بووە. گرنگە کۆمەڵگەی کوردی ئێزدی و بە تایبەتی ئێزدیانی دەرەوەی وڵات، ئایین و کەلتوری خۆیان بپارێزن و خاوەنداری لێبکەن.

‘دەوڵەتی تورک و هاوکارەکانی دەیانەوێت ناسنامەی شەنگال بگۆڕن’

شەش ساڵ لەمەوبەر بە بەرخۆدانیەکی گەورە، شەنگال لە دەستی داعش رزگارکرا. بەڵام بەداخەوە هێرشەکان لەسەر شەنگال بەردەوام بوون و پەنابەرانی شەنگال بە تەواوی نەگەڕانەوە سەر خاک و زێدی خۆیان و شەنگال وەک پێویست ئاوەدان نەکرایەوە. داعش لە شەنگال دەرکرا. بەڵام لە ئێستادا دەوڵەتی تورک و هاوکارەکانی شەنگالیان کردووەتە ئامانج. کاری داعش کە لە نیوەدا بەجێی هێشت، دەیانەوێت تەواوی بکەن و ناسنامەی شەنگالی کوردی و ئێزدی بگۆڕن.”

‘کاتی ئاوەدانکردن و پاراستنی شەنگالە’

پێویستە دۆخی شەنگال بە شێوەیەکی تایبەت و هەستیار ببینرێت. پاراستن و ئاوەدانکردنی شەنگال ئەرکی هەموو هێزەکانی کوردستانە. پێویستە خەڵکی شەنگال بگەڕێتەوە سەر خاکەکەی. ئێستا کاتی گەڕانەوەیە بۆ وڵات، کاتی پاراستن و ئاوەدانکردنی شەنگالە. پێویستە ناسنامەی ئێزدی لە شەنگال بپارێزرێت، پێویستە گەلی ئێزدیمان، بە شێوەیەکی سەربەخۆ بژی و خۆیان بەڕێوە ببەن.

لەسەر ئەم بناغەیە ئێمە وەک کەنەکە بانگ لە هەموو گەلانی کوردستان، کۆمەڵگەی ئێزدی و دۆستانی گەلەکەمان دەکەین، پێکەوە شەنگال بپارێزین و ئاوەدانی بکەینەوە و هاوکاری گەلەکەمان بدەین کە بگەڕێنەوە بۆ سەر زێدی خۆیان. بەم ئۆمێدەوە، جارێکی دیکە، جەژنی ئێزی لە کۆمەڵگەی ئێزدی و هەموو مرۆڤایەتی پیرۆز دەکەین.”

دەرچە میدیا

Top Menu

Main Menu

كەنەكە جەژنی ئێزیدایان پیرۆز كرد و ڕایگەیاند: جەژنی ئێزدی، جەژنی بنیاتنانەوەیە

دەرچە

دەرچە میدیا

Top Menu

Main Menu

كەنەكە جەژنی ئێزیدایان پیرۆز كرد و ڕایگەیاند: جەژنی ئێزدی، جەژنی بنیاتنانەوەیە

“جەژن بنیاتنانەوە و خاوەنداریکردنە:

‘دەوڵەتی تورک و هاوکارەکانی دەیانەوێت ناسنامەی شەنگال بگۆڕن’

‘کاتی ئاوەدانکردن و پاراستنی شەنگالە’

بابەتی پەیوەندیدار

بابەتی پەیوەندیدار