داوای دەرھێنانی ئەو ھێزانە دەکەین لە دەستی حیزب و شەخسدان
بە داخ و پەژارەیەکی زۆرەوە دیاردەی تەقەکردن و ئاژاوە گێڕی و دەرچون لە یاسا و پێشێل کردنی و ئازاردانی ھاوڵاتیان و سەرانە وەرگرتن لە خەڵکی مەدەنی لە لایەن بەرپرسە حکومی و حیزبەکانیانەوە بوەتە دیاردەیەکی بەربڵاو لە باشوری کوردستاندا، لەوەش خراپتر ئێستا کوڕ و نەوەکانیشیانی گرتۆتەوە و خراپتریش مامەڵە دەکەن.
کارەسات ئەوەیە کە ھەریەکەیان ھێزێکی بۆ دروستکراوە و خراپی بژێوی خەڵکیان وەک ھەلێک قۆستۆتەوە و لەو ھێزانەدا لە بری پاراستنی ئاسایش و دابینکردنی ئارامی، شڵەژانێکی گەورەیان دروستکردوە و ئارامی ئەم ھەرێمەیان تێکداوە.
ئێمە وەک تەڤگەری ئازادی سەرەخۆشی خۆمان ئاراستە بنەماڵەی کاکە (ئاراس سدیق) دەکەین، کە شەوی ڕابردوو بوو بە قوربانی و ھیوای زوو چاک بوونەوە بۆ بریندارەکان دەخوازین، ھەمان کات داوای ھەرچی زووە دەرھێنانی ئەو ھێزانە دەکەین لە دەستی حیزب و شەخسدا…
تەڤگەری ئازادیی کۆمەڵگەی کوردستان
دەستەی بەڕێوەبەرایەتی
١٧ \١٢ \ ٢٠٢١
