بە هۆی ئەو نادادپەروەری لە سیستەمی بەڕێوەبردنی هەرێمدا هەیە، خەڵكی كوردستان بەردەوام ناڕەزایەتی و گردبونەوەی بە شێوازی جیاواز لە سەرتاسەری هەرێم بەڕێوە دەبات، بەیانی ئەمڕۆ چوارشەممە ٢٢ی ئەیلولی ٢٠٢١ لە چەند شوێنێكی هەرێمی کوردستان گردبوونەوە و ناڕەزایەتی لە بەرامبەر شێوازی سیستەمی بەڕێوەبردنی هەرێم بەڕێوەچوو.
بە پێی ئەو هەواڵانەی دەست دەرچە میدیاكان كەوتوە
كۆیە
بەهۆی کەمی خزمەتگوزارییەوە بەیانی ئەمڕۆ دانیشتووانی گەڕەکی كێلەخوار-ی شارۆچکەی کۆیەی سەر بە پارێزگای هەولێرگردبوونەوەیەکیان لەسەر ڕێگەی گوندەکەیان ئەنجامدا و ڕێگەکەیان داخست. داواكاری خەڵكەكە تەنها ئەوە بووە ڕێگەی ڕێگەی گەڕەکەکەیان بۆ قیرتاو بکرێت، وەك خۆیان دەڵێن. دەساڵە بڕیاری بۆندەرچوە و دەسەڵاتداران جێبەجێی ناكەن
سلێمانی
ئەمڕۆ مامۆستایانی زانكۆی شاری سلێمانی گردبونەوەیەكیان بەڕێوەبرد بۆ ئەو مەبەستە بەرێپێوانێك بەرەو نوسینگەی جێگری سەرۆکی حکومەتی هەرێم بەڕێكەوتن و نارەزایەتییەکانیان گەیاندە نوسینگەی جێگری سەرۆكی حكومەتی هەرێم.
لە لایەكی ترەو دوێنێ شەو كرژی كەوتە نێوان پۆلیسی دارستانی سلێمانی و خەڵكی گوندی تووە سپی بە هۆكاری ئەوەی لەو گوندەدا زیادەڕۆیی كراوە مەفرەزەیەكی پۆلیس چوو بووە ئەو گوندە گرژی و ئاڵۆزی لەنێوان ئەو خەڵكانەی خانوویان بە زیادەڕۆیی دروست كردوە و مەفرەزەکانی پۆلیس ڕوویدا لە ئەنجامدا هێرش كرایە سەر مەفرەزەكەی پۆلیس، عەمید ئاری بەڕێوەبەری پۆلیسی دارستان و شەش كارمەند بریندار بوون.
شارەزوور
ئەمڕۆ ژمارەیەك لە دانیشتوانی چەند گوندێكی شارەزوور بەهۆی خراپی کەرتی خزمەتگوزاری بەتایبەت پرۆژەكانی ڕێگاوبان گردبونەوە و ناڕەزایەتییان ئەنجام دا.
دهۆك
بەشێک لە کارمەندانی تەندروستی شارەکە گردبونەوە و داوای وەرگرتنی موچەكانیان دەكەن.
