هێزەكانی ئەنجومەنی سەربازیی باب زەبرێكی گرانیان لە لەشكری تورك و چەتەكانی وەشاند

دەقی ڕاگەیاندراوەكە بەم شێوەیە:

لە ٧ی ئەیلولی ٢٠٢١ هێزەکانمان بارەگای گوندی یاشلی سەربە بابیان کردە ئامانج، کە ٦٠ سەربازی سوپای تورک و چەتەکانیان تێیدا بوون و هێزەکانمان سێ سەنگەری دوژمنیان گرت. هەروەها بارەگاکە و چەند خاڵێکی پشکنین کە پارێزگاری لێدەکەن کرانە ئامانج و بە شێوەیەکی کاریگەری لێیاندرا.

چالاکیەکە بە تەقینەوەیەکی کاریگەر دەستی پێکرد. لە ئەنجامی ئەو چالاکیەدا بەشێکی زۆری بارەگاکە و زرێپۆش و سەنگەرەکان تێکشکێنران. هێزەکانمان دەستیان بەسەر سێ سەنگەردا گرت. هەروەها چەند خاڵێکی دیکە کە پارێزگاریان لە بارەگاکە دەکرد، کرانە ئامانج و بە شێوەیەکی کاریگەر گورزیان بەرکەوت.

بەپێی زانیاریەکانمان ئەنجامی چالاکیەکە بەم شێوەیەیە:

١٢ سەربازی سوپای داگیرکەری تورک کوژران ١١ سەربازی سوپای داگیرکەری تورک برینداربوون کە برینی ٣ سەربازیان سەختە.

١٠ چەتەی سەر بە دەوڵەتی داگیرکەری تورک کوژران و ١٠ چەتەش برینداربوون.

هەروەها ٣ زرێپۆش و٢ ئۆتۆمبێلی سەربازی و چەندین ناوەند و ئۆتۆمبێل و چەکی قورس و کەلوپەلی سەربازی تێکشکێندراون و سوتاون.

لە ئەنجامی چالاکیەکەدا شەڕڤانێکمان بریندار بوو و هەڤاڵانی دیکەمان بە سەرکەوتوویی بۆ بارەگاکانیان گەڕانەوە.

پاراستنی باکوور و ڕۆژهەڵاتی سوریا و خەڵکی ئەم هەرێمە و بەهاکان، ئەرکی سەرەکی ئێمەیە. ئێمە هێرش ناکەینە سەر هیچ هێز و وڵاتێکی تر، بەڵام کاتێک هێرش دەکرێتە سەر گەلەکەمان و ناوچەکەمان و شەڕڤانانمان، هەرگیز دوودڵ نابین لە بەرگریکردن. ئەمەش مافێکی ڕەوای گەردونیە.”