کۆمیتەى بەڕێوەبەری پەکەکە: با لە ساڵی (٣٨)ی هەڵمەتی ١٥ی تەباخ تێكۆشان و سەركەوتنەكانمان مەزن بكەین
چەند ڕۆژێكی تر ساڵی ٣٧ هەڵمەتی مەزن و پرشنگداری ١٥ تەباخ دەرباز دەكەین دەچینە ساڵی ل ٣٨، لە دیرۆكی مرۆڤایەتیدا هەڵمەتێكی وا مەزن كەم وێنەیە كە بۆتە هیوا و ئامانجی سەرجەم گەلانی كوردستان و ڕۆژهەڵاتی ناوەڕاست و جیهان بۆ گەیشتن بە ئازادی، ئاشتی و دیموكراتی، وەك یەكی، پێكەوە ژیان، ژنی ئازاد، ژینگە پارێزی دادپەروەری كۆمەڵایەتی و مسۆگەر كردنی ژیانێكی شایستە بۆ سەرجەم مرۆڤایەتی.
بە بۆنەی ساڵ یادی هەڵمەتی مەزنی ١٥ تەباخی (ئابی) ١٩٨٤ كۆمیتەی بەڕێوەبەری پارتی كرێكارانی كوردستان (پەكەكە) ڕاگەیاندنێكی بڵاو كردەوە، كە تێدا هاتوە وەک دەزانرێت، هەڵمەتی گەریلایی شۆڕشگێڕی ١٥ی تەباخی ١٩٨٤، کە لە دژی رژێمی فاشیست – سەربازیی ١٢ی ئەیلول ئەنجامدرا، لە دهێ و شەمزمان بە چالاکیی گەریلایی دەستیپێکرد. پزیسکەى ئازادییەک، کە پێش ٣٧ ساڵ لە دهێ و شەمزینان هەڵگێرسێنرا، ٣٧ ساڵە سەرباری قورسی و دژوارییەکان و رێگری و لەمپەرە گەورەکانی بەردەمی وەرچەرخا بۆ بڵێسە و ئاگری ئازادی، هەروەها لە ڕاگەیاندنەكەیدا ڕایگەیاند كە ساڵی ٣٨ی هەڵمەتی ١٥ی تەباخ دەبێتە ساڵێک، کە شەڕێکی گەورەی تیادا روودەدات و سەرکەوتنی گەورەی تیادا بەدەست دێت.
دەقی ڕاگەیاندنەكەی کۆمیتەى بەڕێوەبەری پەکەکە
“لە ٣٧هەمین ساڵیادی هەڵمەتی گەریلایی شۆڕشگێڕیی ١٥ی تەباخی ١٩٨٤ی مێژوویداین. ئێمەی گەلی کورد و بزووتنەوەى ئازادیی کوردستان ٣٧ ساڵە لە دژی سیاسەت و عەقڵییەتی پاکتاوکردن و سڕینەوە، داگیرکەری و فاشیست بە شێوەیەکی بێ پسانەوە شەڕی ئازادی بەڕێوەدەبەین. لەو ٣٧ ساڵەدا ئێمە هەموو شتەکانمان بە ناوی ئازادی و هەبوونی کوردان لەسەر بنەمای بەرخودانی قارەمانانەی نەتەوەیی بە دەستهێناوە. ئەوە تێکۆشانێکی پیرۆزە، کە بە پێشەنگایەتیی رێبەر ئاپۆ و بە خوێنی هەزاران شەهیدمان بەڕێوەچوو، ئەمڕۆ کاریگەری لە هەموو رۆژهەڵاتی ناوەڕاست و جیهان دەکات. هیوای ئازادیی مرۆڤایەتی بە بەردەوامی بە زیندوویی رادەگرێت و ئازایەتی و هۆشمەندیی ئازادی بە هەموو کەس دەدات.
لەسەر ئەو بنەمایە ئێمە سڵاو لە رێگای قارەمانیی ١٥ی تەباخی مێژوویی دەکەین، کە ٣٧ ساڵە بە پێشەنگایەتیی حیزبەکەمان بۆ ئازادی و دیموکراسی بێ وەستان بەردەوامیی هەیە. جەژنی گەریلا و ژیانەوەى نەتەوەیی ١٥ی تەباخ لە رێبەر ئاپۆ، هەموو هاوڕێیان، لە هێزەکانی گەریلای قارەمانمان، گەلی وڵاتپارێزمان، ژنان و گەنجان، لە دۆستانی شۆڕشگێڕ و دیموکراتیک و لە هەموویان پیرۆ دەکەین. لە کەسایەتیی هاوڕێ عەگید و زیلان دا، کە فەرماندە نەمرەکانی هەڵمەتە گەورە مێژووییەکانن، هەروەها لە کەسایەتی شەهیدانی گەورەی ١٥ی تەباخ دا مام زەکی شەنگالی، ئاتاکان ماهیر و عەگید گارزان و یادی هەموو شەهیدە قارەمانەکانمان بە رێز و خۆشەویستی و منەتەوە دەکەینەوە. لەسەر بنەمای دڵسۆزیی باڵا و بڵند و بۆ یادی شەهیدەکانمان دەڵێین، لە ساڵی ٣٨ی تێکۆشانەکەماندا ئێمە هێشتا بە بەهێزی شەڕ دەکەین و سەرکەوتنی گەورە بە دەست دەهێننین.
وەک دەزانرێت، هەڵمەتی گەریلایی شۆڕشگێڕی ١٥ی تەباخی ١٩٨٤، کە لە دژی رژێمی فاشیست – سەربازیی ١٢ی ئەیلول ئەنجامدرا، لە دهێ و شەمزمان بە چالاکیی گەریلایی دەستیپێکرد. پزیسکەى ئازادییەک، کە پێش ٣٧ ساڵ لە دهێ و شەمزینان هەڵگێرسێنرا، ٣٧ ساڵە سەرباری قورسی و دژوارییەکان و رێگری و لەمپەرە گەورەکانی بەردەمی وەرچەرخا بۆ بڵێسە و ئاگری ئازادی، کە کاریگەریی بەهێز لە کوردستان، تورکیا، رۆژهەڵاتی ناوەڕاست و جیهان دەکات. ئەو ئاگرەی دیموکراسی و ئازادی، کە لە هێڵی مۆدێڕنیتەى دیموکراتیکی رێبەر ئاپۆدا زەق بووەتەوە، ناوچەکە و جیهان رووناک دەکاتەوە، دەبێتە هیوای ژیانی ئازاد بۆ مرۆڤایەتی. لە ناو کەشی تاریکی نیوسەدەدا، کە کەس نەیتوانیبوو سەری خۆی بەرز بکاتەوە، هۆشمەندیی ئاپۆیی سەرکەوت.
ئێمە باش دەزانین، لە ماوەى ٣٧ ساڵی دوایدا هەموو ئەو شتانەى بە ناوی ئازادی و هەبوونی کورد لە کوردستان ئافرێنراون، لەسەر بنەمای هەڵمەتی گەریلایی ١٥ی تەباخ دا بە دەستهاتوون. ئەو هەڵمەتە قارەمانییە بەرخودانی گەورەی مێژوویی زیندان لە ساڵی ١٩٨٢دا گەیاندە چیاکان و گەریلا. ئەگەر ئەو هەڵمەتە نەبوایە ئەمڕۆ هیچ شتێک بە شێوەیەکی بەرچاو بە ناوی کورد و کوردستانەوە نەدەمایەوە. گوشار و زوڵمی فاشیست، داگیرکەری و پاکتاوکاری، پاسیفیزم و خۆبەدەستەوەدان، نۆکەری و خیانەت لە هەموو شوێنێکدا دەبوون. هێڵی کوردستان لە هەموو روویەکەوە دەبووە شوێنی داڕزاندن و نۆکەری و دواکەوتویی، باڵادەستیی پیاو و کۆیلەیەتیی ژنان. هەڵمەتی شۆڕشگێڕیی ١٥ی تەباخ، کە وەک پزیسکی ئازادیی پێکهات و تێکۆشانی قارەمانانەى ٣٧ ساڵ لەسەر ئەو بنەمایە، هەموو ئەوانەى گۆڕی.
کوردستان بە هەڵمەتی ١٥ی تەباخ شەوقی دایەوە و دروەشایەوە. کوردان هەموو شتێکیان بە ناوی ئازادی لەسەر بنەمای هەڵمەتی ١٥ی تەباخ بە دەستهێنا. رۆح، ئیرادە، ورە، هۆشمەندی، ئازایەتی، فیداکاری، رێکخستن و چالاکیی ئازادی لەسەر ئە بنەمایە خوڵقێنرا. راستی رێبەرایەتی و شەهیدان، کە گەورەترین دەستکەوتن، بە حیزببوون، رێکخستنکراوبوون و بە گەریلابوون لەسەر ئەو بنەمایە دروستبوون. گەلەکەمان و خاکی کوردستان لەسەر بنەمای پاراستن و تۆڵەکردنەوە لە دوژمن بووە خاوەنی هێزی خۆپاراستن. شۆڕشی ئازادیی ژنان، کە گەورەترین چالاکیی ئازادییە لە مێژوودا، لەسەر ئەو بنەمایە پێکهاتووە. بەرخودانی گەل و نەتەوەی دیموکراتیک، کە بە پێشەنگایەتیی ژنان و گەنجان پێکهاتووە، وەرچەخاوە بۆ گۆڕەپانێکی ناوەندی، کە بووەتە سەرچاوە و کانگا بۆ هەموو کەسێک. هەموو هەڵەکان لەسەر ئەو بنەمایە راستکرانەوە، کورد بە پێشەنگایەتیی رێبەر ئاپۆ وەک گەلێکی ئازاد لە جیهانی نوێ دا دروستبوو، بووە خاوەنی هۆشمەندیی راستی، گەیشتە ئەو ئاستە، کە شۆڕشی حەقیقەت بەڕێوەببات.
بێگومان هەڵمەتی گەریلایی شۆڕشگێریی ١٥ی تەباخ بۆ کوردان بووە بزووتنەوەیەکی رووناکبیری و ئازادی. لە هەمان کاتدا بۆ تورکیا و رۆژهەڵاتی ناوەڕاستیش بووە بزووتنەوەیەکی رووناکببیری و دیموکراتیکبوون. تێکۆشانی مێژوویی ٣٧ ساڵان، کە لەسەر بنەمای هەڵمەتی ١٥ی تەباخ پێکهاتووە، رووی تورکیا و رۆژهەڵاتی ناوەڕاستی گۆڕی. ماسک و دەمامکە درۆینەکان، فرت و فێڵەکانی هێنایە خوارەوە و لەسەر بنەمای ئازادیی کوردان راستیی رۆژهەڵاتی ناوەڕاست و مرۆڤایەتیی ئافراند. گورزی لە عەقڵییەتی تورکی فاشیستی فراوانخواز و داگیرکەر دا، مرۆڤ و گەلانی رۆژهەڵاتی ناوەڕاستی هێنایە سەر هۆشی خۆیان. لەسەر هێڵی نەتەوەی دیموکراتیک رێگای ژیانی ئازاد و پێکەوەبوونی گەلان و فرە رەنگی کردەوە. ئاشکرایە، کە هیوای ژیانی ئازاد و دیموکراتیک لە تورکیا و رۆژهەڵاتی ناوەڕاست ئەمڕۆ لەسەر ئەو بنەما زیندوویەیە و پێشەڕۆژیشی لەسەر ئەو بنەمایە دەئافرێنرێت.
هەموو ئەو روودانە ئەمڕۆ بە بەرفراوانی روودەدەن. هێزەکانی گەریلای قارەمانان لە پێش هەموویانەوە لە مەتینا، زاپ و ئاڤاشین و هەموویان لە هەرێمەکانی پاراستنی مەدیا، لە چیاکانی کوردستان و تورکیا، لە شارەکان بە رۆح و ئیرادەی دهێ و شەمزینان بە رۆح و ئیرادەی سەرکەوتنی هەڵمەتی ١٥ی تەباخ تێدەکۆشن، گورزی کوشتن و رووخان لە فاشیزمی ئاکەپە – مەهەپە دەدەن. هەر کە گەریلا لێیاندەدا، گەلەکەمان و هێزە دیموکراتیکەکان باشتر و بەهێزتر رادەپەڕنە سەر پێ، هەڵمەتێکی ئازادیی گەورەیە، کە فاشیزمی ئاکەپە – مەهەپە هەڵدەوەشێنێتەوە و ئەوەش لە هەر چوار لای جیهانەوە روودەدات. هەر کە گەریلا لێیاندەدا ماسک و دەمامکی شەڕی تایبەتی ئاکەپە – مەهەپە دەخرێتە خوارەوە و درۆ، فرت و فێڵ و تەڵەکەبازییەکانیان یەک بە یەک ئاشکرا دەبن. بە دڵنیاییەوە فاشیزمی ئاکەپە – مەهەپە هەڵدەوەشێت و لە ئێستادا بەرەوە هەڵوشاندنەوە تل دەخوات.
لەبەر ئەوە فاشیزمی ئاکەپە – مەهەپە شێت و هار بوون، پەنایان بردووەتە بەر درۆ و بەکارهێنانی شێوازی نوێی سەرکوتکردن و گوشار دروستکردن. کوردستان و تورکیا تاڵان و وێران دەکەن، بە هەموو شێوەیەک و رێبازی جۆراوجۆری نائەخەلاقییانە کۆمەڵکوژیی نەژادپەرەستانە و گەلەکۆمەکێ ئەنجام دەدەن. لەو ئاستەدا نامەردانەترین هێرش ئەنجام دەدەن. بە سەرکەوتکردنی ژنان، گەنجان، گەل، سیاسەتی دیموکراتیک هەوڵ دەدەن تەمەنی خۆیان درێژ بکەنەوە. ئاشکرایە ئەوانە بەهۆی بەهێزبوونیانەوە نییە، بەڵکو بەهۆی لەبەر یەکهەڵوەشان و رووخانیانەوەیە. بۆ ئەوەى رێگری لە هەڵوشاندنەوە و رووخانی ریشەیی خۆیان بگرن هەموو ئەو کارانە ئەنجام دەدەن. لەو کاتەدا دەبێت ئەو دەرفەتە بە فاشیزمی ئاکەپە – مەهەپە نەدرێت. نابێت مرۆڤ وەک بەرخ ملی خۆی لە بەردەم چەقۆی دابنێت و بەو شێوەیە لە هێرشە فاشیستییەکان نزیک بێتەوە، بەڵکو دەبێت بە هۆشمەندی و رێکخستنکراوی تێکۆشانێکی دژە فاشیست لە هەموو گۆڕەپان و ئاستەکاندا بەرەو پێش ببەن و بیگەیەننە ئاستێک، کە لێپرسینەوە و حساب لە بکوژە فاشیستەکان بخوازن.
دیارە بە پێشەنگایەتیی حیزبەکەمان تێکۆشانی ئازادیی مێژوویی گەلەکەمان و گەریلا قارەمانەکانمان لە ساڵی ٣٨ ی هەڵمەتی ١٥ی تەباخ لەسەر هێڵی رێبەرایەتی و شەهیدان بەردەوامیی پێدەدرێت. بزووتنەوەکەمان و گەلەکەمان لەسەر بنەمای ستراتیژیی شەڕی گەلی شۆڕشگێڕی، هێز و وزەی خۆی بە تەواوی بۆ شەڕی شۆڕشگێڕی لە دژی فاشیزمی ئاکەپە – مەهەپە بخاتە کار و لەسەر ئەو بنەمایەش هەڵمەتی ‘کات کاتی ئازادییە’ سەربخەن، کە ئامانجی ئازادیی جەستەیی رێبەر ئاپۆییە. لەسەر ئەو بنەمایە سیستمی نەتەوەی – دیموکراتیک بئافرێنن و بە دڵنیایی و مسۆگەرییەوە تورکیا و رۆژهەڵاتی ناوەڕاست دیموکراتیک بکەن. بۆیە ئەستەمە، کە ئیدی گەلی کورد لە تێکۆشان و پێشکەوتن پاشگەز بکرێتەوە. ساڵی ٣٨ی هەڵمەتەکە ئەو راستییە جارکیتر دەسەلمێنێتەوە. لەسەر ئەو بنەمایە ئێمە جەژنی گەریلا و ژیانەوەی نەتەوەیی ١٥ی تەباخ لە رێبەر ئاپۆ، هاوڕێیانی حیزبەکەمان، گەلەکەمان و دۆستەکانمان جارێکیتر پیرۆز دەکەین و داوا لە ژنان و گەنجان و لە هەموان دەکەین، کە لە هەموو شوێنێکدا پیرۆزبایی کاریگەری و پڕ لە جۆش و خرۆش رێکبخەن، لە هێڵی سەرکەوتن و هەڵمەتی ١٥ی تەباخ دا خۆتان نوێ بکەنەوە. ئێمە داوا لە گەلە وڵاتپارێزەکەمان و دۆستانی شۆڕشگێڕ – دیموکراتیکمان دەکەین، کە لە هەموو گۆرەپان و ئاستەکاندا تێکۆشانی دیموکراسی و ئازادی بەهێزتر بکەن”.
