قەیڕانێن ئێکەتیا نیشتیمانیا کوردستانێ و كودەتایا سپی لسەر دەستهەلاتا لاهور شێخ جەنگی
ئێکەتیا نیشتیمانیا کوردستانێ ئەو حزبا جەلال تەلەبانی سەروکاتیا وێ دکر.ب ئازادیا ڕادەربرینێ و پشتەڤانیا پارتێن شورەشگێر یێن پارچێن دی یێن کوردستانێ بەرنیاسە. ئانکو خەلک ب حزبەکا نەتەوەیی و رەوشەنبیر دنیاسیت.لێ پشتی نەخوشکەفتنا جەلال تالەبانی و تا وەغەرا وی حزبا وی کەفتە د قەیڕانا ئیداری و سیاسی دا. ناڤەندا بریارێ گەلەک لاواز بو.مسعود بارزانی سەروکێ پارتی دیموکراتی کوردستان و سەروکێ بەرێ یێ هەرێما کوردستانێ ب دەلیڤە دیت پشتی نەمانا جەلال تەلەبانی و نەبونا سکرتێرێ ئێکەتیێ. بڕیارا ریفراندومێ دا. بڕێکا هندەک بەرپرسێن ئێکەتیێ یێن نێزیکی خو ئەو حزبە ژی کێشا دناف وێ بڕیارێ دا. هەرێما کوردستانێ و ئێکەتیا نیشتیمانی توشی قەیڕانێن جودا بون. کادرێن وێ حزبێ زور دل گران ببون و ل هیڤیا گرێدانا کونگرێ حزبا خو بون ژبودیارکرنا سەرکردایەتیەکی کو ئێکەتی لسەر ڕێبازا خو دەرنەکەڤیت. پشتی کونگرێ چارێ و هاتنا لاهور شێخ جەنگی و سەرکردایەتیا وێ حزبێ کادر و لایەنگرێن وێ دلخوش بون ژبەر کو لاهور شێخ جەنگی ب ئاشکرایی پشتەڤانیا ڕوژئاڤایێ کوردستانێ و دژایەتیکرنا تاکڕەویا پارتی دیموکراتی کوردستان و ڕێگری کرن ل شەڕێ دژی پەکەکێ . کادرو لایەنگرێن ئێکەتیێ دلخوش بون ب هاتنا لاهور شێخ جەنگی و شێوازێ کارکرنا وی بو ئێکەتیا نیشتیمانی . ئەڤە بو ئەگەر بەردەوام پارتی و تورکیا و تا ڕادەیەکی ئیران ژی پیلانا دانن بو لاوازکرن و بێهێزکرنا پێگەهێ لاهور شێخ جەنگی. بەشەک ژ شارەزایێن سیاسی دبێژن ؛ مەلابەختیارکارگێرێ مەکتەبا سیاسی یا ئێکەتیا نیشتیمانی کو دبیتە خەزیرێ باڤێل تالەبانی سەرەدانا مسعود بارزانی کریە و دان و ستاندن دگەل کرینە. ژبەرکو پێگەهێ مەلابەختیار لاواز کربو دناڤ ئێکەتیێ.ئەڤە ببو ئەگەرێ توڕەبونا وی وبو ئەگە دژایەتیا لاهور شێخ جەنگی بکەت. هەیاما چەند روژانە باڤێل تالەبانی و قوباد تالەبانی ب پشتەڤانیا مسعود بارزانی و مەلابەختیار ژبو ڕازی بونا تورکیا و ئیرانێ و بهێزکرنا پێگەهێ خو ڕابوینە ب بڕیارەکا تاکلایەنە بو گوڕینا بەرپرسێن ئەمنی یێن دەڤەرا کەسک . بتایبەت دەزگەهێ زانیاری و دژەتیرورا ئێکەتیێ کو پێشتر بن دەستهەلاتا لاهور شێخ جونگی بون. هەردیسا باڤێل تالەبانی خو وەکو سەروکێ حزبێ دا دیار کرن بێ کو سەرکردایەتیا حزبێ بڕیارێ لسەر بدەت. ئەڤە ب کودەتایا سپی هاتە بناڤکرن لسەر دەستهەلاتا لاهور شێخ جەنگی و زوربەیا کادرێن ئێکەتیا نیشتیمانی دلگران بوینە تەنانەت حزبێن دی و کەسێن سەربەخو ژی دلگرانن ب وان ڕودانێن ناڤائێکەتیێ چونکە بدیتنا وان دێ ئەڤە دەستهەلاتا پارتی و بڕێکا پارتی دەستهەلاتا تورکیا ل زونا کەسک بهێز کەت و مەترسیە لسەر ئازادیا ڕادەربرینێ و دروست بونا شەڕێ برا کوژیێ و مەترسیە لسەر بەرژەوەندیا باشورێ کوردستانێ و دەستکەفتێن وێ.
